احببت تائهة بقلم اسراء ابراهيم حصري علي موقع لمحة

اسكربت 
احببت تائهة
حبيبة باستغراب إنتي واقفة هنا لوحدك بقالك فترة من وقت ما طلعت الدرس ونزلت وانتي لسة مكانك هو انتي تايهة ولا مستنية حد
ملك بتردد وحزن لا بس انا مش عارفة اروح فين
حبيبة بفضول طب إنتي ساكنة هنا ولا جاية منين انا مش فاهمة
ملك بحيرة وتشتت لا مش من هنا انا لقيت نفسي هنا ومش عارفة اروح فين ولمين
حبيبة بتحاول تفهم طيب إنتي تايهة ازاي وجيتي هنا وانتي بتدوري علي حد مثلا وملقتهوش مش فاهمة
ملك بحزن آه..تقريبا كدة
حبيبة بتنهد وهي بتبص حواليها بتفكير طيب الدنيا برد ومطر.. تعالي معايا البيت وبعدين نتكلم
ملك بتوتر لا مش لازم أنا..مش عاوزة اتقل عليكي
حبيبة بإصرار تتقلي عليا ايه بس اصلا انا مش هسيبك هنا لوحدك تعالي بس.. متخافيش مش هخطفك
كانت ملك مترددة بس لما فكرت لقت ان ده انسب حل وان وقفتها كدة مش هينفع والليل بدأ يدخل فمشيت مع حبيبة بقلة حيلة
.................
حبيبة وهي بتفتح الباب خشي يا ملك متخافيش مفيش غير ماما واخويا ادم بس اللي هنا
ملك بتدخل بحذر وهي بتبص حواليها هو ده بيتك بجد حلو اوي
حبيبة بابتسامة خفيفة أيوه.. هو اينعم بسيط شوية بس دافي وكفايا حب اخويا وامي ليا
كانت ملك هترد بس قابلها صوت ادم اخو حبيبة وهو بيتكلم بحدة مين دي يا حبيبة
حبيبة بهدوء دي بنت كانت تايهة جبتها عشان متباتش في الشارع يا ابيه ادم اكيد مكنتش هسيبها كدة يعني ولا ايه
ادم بص لملك بتقييم فاتوترت هي وبصت في الارض ووقتها اتكلمت امهم
عفاف بابتسامة عين العقل يا حبيبةاكيد يا بنتي مكنتيش هتسيبيها في الشارع وانتي تعالي يا حبيبتي إنتي بخير تعالي اقعدي 
ملك

بخجل وتردد أنا بخير بس مش عايزة أضايقكم فهمشي
الأم بإصرار اكيد مش هتمشي في البرد ده اقعدي يلا
ادم بقلق وغموض حبيبة انتي لقتيها فين 
حبيبة بسرعة قدام الدرس بتاعي يا ابيه كانت واقفة خايفة وباين عليها مش عارفة تروح فين وانا اكيد مش هسيب البنت لوحدها في الشارع!
ملك بتتحرج وهي بتقوم أنا آسفة همشي انا عشان معملش قلق ليكم وشكرا انكم ضايفتوني
عفاف وهي بتمسك إيد ملك بلطف لا طبعا يا بنتي اقعدي.. يا ادم ما تتكلم يابني 
ادم متحفظ نامي الليلة دي وبكرة نبقي نشوف حل
ملك بصوت مرتبك شكرا اوي ليك
عقاف بابتسامة يلا يا حبيبة خديها وادخلو اوضتك علي ما اعملها لقمة تاكلها اكيد مكلتش من الصبح
ملك باحراج انا مش جعانة والله شكرا ليكي يا طنط متتعبيش نفسك
عفاف بابتسامة طنط اخس عليكي ده انا زي امك عموما هتاكلي غصب عنك عشان مخليش البت حبيبة تأكلك بنفسها ودي رخمة مش هتسيبك 
ملك بابتسامة لا خلاص هاكل وامري لله احسن
.......................
الصبح بدري ملك كانت خارجة من الأوضة بقلق وهي بتبص حواليها كأنها مش عايزة حد يحس بيها ويسألها اسئلة هي م هتقدر تجاوبها بس قبل ما تكمل خطوة لبرا بتتفاجئ بآدم خارج من أوضته في نفس اللحظة. وعينيه بتتقابل مع عينيها فجأة ونظراته كانت واضحة انه مش مرتاح ومش واثق فيها بس في نفس الوقت بيدقق فيها و بيحاول يفهمها وملك حست برجليها بتتسمر وابتدت ضربات قلبها تعلي وهي بتحاول تتصرف عادي بس توترها كان باين أوي.
آدم بغموض إنتي صاحية بدري ليه
ملك بصوت مهزوز معلش.. مكنتش عايزة أزعج حد..
آدم رافع حواجبه بشك ومين قال إنك أزعجتي حد
ملك حست إنه مش بس بيسألها لا.. هو بيمتحنها بيختبر ردودها كأنه مستني أي كلمة منها تأكد شكه فيها وقلبها كان بيدق بسرعة بس قررت تفضل هادية وتحاول تبرر نفسها
ملك بهدوء لا.. قصدي يعني عايزة أصحي حد اصل أنا أصلا متعودة أصحى بدري.
آدم بغموض متعودة ايوة يعني كنتي بتصحى بدري فين بقي قبل كده
السؤال كان بسيط بس هي نفسها مكنتش عايزة تتكلم عن الماضي مش عايزة تفتكر ولا عايزة أي حد يعرف تفاصيل عنها. فنزلت عنيها بسرعة للأرض وبلعت ريقها.
ملك بحزن أماكن كتير..
آدم بيلاحظ ارتباكها فبيغير طريقة سؤاله وهو بيبصلها بتركيز وإنتي هنا كنتي جاية لمين
ملك اتأكدت إنه شاكك فيها بجد وإن وجودها في البيت مش مريح ليه. بس هي متوقعة ده وعارفة إنه حقه يسأل. فاخدت نفس وقررت تجاوب بصدق لأنها أصلا معندهاش حاجة تخبيها
ملك بهدوء كنت جاية أدور على عمتي.. أخت بابا.. أنا عارفة إنها هنا في القاهرة في المكان ده بالتحديد.. بس.. معرفتش أوصلها.
آدم سكت للحظة كأنه بيحلل كلامها بس ملامحه اتغيرت ونبرة الشك في عينيه هديت شوية وكأن كلامها لمس فيه حاجة خلته يصدقها لأول مرة. اتنهد وهو بيهز راسه ببطء قبل ما يتكلم.
يعني إنتي متأكدة إنها هنا بس متعرفيش عنوانها بالظبط
ملك بثقة أيوه.. بس معرفتش أوصلها.. سألت كذا حد بس محدش عرفني عليها.. ومكانش معايا أي وسيلة تخليها تعرف إني بدور عليها.
آدم بثقة وهو بيحط إيده في جيبه طيب أنا هدور لك عليها
ملك رفعت وشها ليه بسرعة وعينيها وسعت وهي مش مصدقة إنه قال كده. لأول مرة من سنين تحس إن في حد بيقول لها إنه هيساعدها من غير ما يكون عايز منها مقابل من غير ما يكون عنده دوافع تانية. ابتسامة صغيرة ضعيفة بس صادقة ظهرت على وشها لأول مرة
ملك بلهفة بجد
آدم ببساطة وهو بيبصلها بثبات أيوه.. بس هتساعديني وتقوليلي أي حاجة تعرفيها عنها ولو عندك أي حاجة تدل عليها حتى لو حاجة بسيطة.
ملك كانت لسه مبتسمة بس ابتسامتها اختفت بسرعة لما آدم غير مجرى الكلام فجأة.
آدم باهتمام انتي كنتي عايشة مع مين قبل كده
كأن السؤال رجع ملك لذكريات هي مش عايزة ترجعها و آدم لاحظ ده لاحظ الخوف اللي مر بسرعة في عيونها واتأكد إن السؤال ده كان حساس جدا بالنسبة ليها.
ملك بحزن مش مهم.
آدم فضل ساكت لثواني بعدين هز راسه بتفهم وقرر يسيبها براحتها لأنه حس إنها مش مستعدة تتكلم
آدم طيب ماما شوية وهتعمل الفطار يلا اتوضي وصلي علي ما تحضره وانا زي ما قولتلك هساعدك بس انتي كمان لازم تثقي فيا وتساعديني اني اعرف اساعدك
ملك فهمت قصده وبصتله بامتنان لانه لأول مرة برضه حد يحترم صمتها من غير ما يضغط عليها لأول مرة تحس إن ممكن حد يتقبل إنها مش عايزة تحكي كل حاجة في حياتها
ملك بتردد حاضر.
..................
بعد يومين كانت ملك وآدم بيتمشوا مع بعض وهما بيدوروا على أي حد يعرف يوصلهم لعمتها
آدم وهو بيبص لملك بتركيز خلاص طالما انتي متأكدة إن عمتك هنا في المنطقة يبقى نبدأ ندور عليها سوا. عندك أي حاجة تدل عليها اسمها بالكامل شغلها أي حاجة
ملك بتتردد اسمها ليلى منصور بس مش عارفة بتشتغل في إيه كل اللي أعرفه إنها جت هنا من سنتين وممكن تكون لسة هنا.
آدم وهو بيهز راسه بتفكير تمام يبقى نسأل الناس القدام هنا.. حد فيهم ممكن يعرفها
ملك كانت سرحانة وهي باصة بعيد بتفكير وانتبه آدم ليها
آدم بقلق ملك إنتي كويسة
ملك بابتسامة باهتة أيوه..