احببت تائهة بقلم اسراء ابراهيم حصري علي موقع لمحة
بس مش متعودة على حد يساعدني كده فمش عارفة المفروض أتصرف إزاي او اقولك ايه
آدم وهو بيبتسم عشان شاف البراءة في كلامها سهلة.. اعتبريها مغامرة وإحنا في طريقنا لاكتشاف حاجة جديدة مثلا
ملك بابتسامة عندك حق بص في ست كبيرة اهي هناك تعالي نسألها
الست العجوزة ليلى منصور أيوه أفتكر شوفتها بس بقالي فترة مشفتهاش يمكن عزلت
ملك بأمل يعني متأكدة إنها كانت هنا
الست العجوز أيوه يا بنتي بس مش عارفة راحت فين.
آدم بشكر شكرا يا حاجة هندور تاني متشكرين
مشيو ملك وآدم ووقتها المطرة كانت بتمطر بس ملك كانت مبسوطة إنها لقت طرف خيط يوصلها بعمتها بس فجأة عربية معدية بسرعة من قدامهم وبهدلتها طينة فاتجمدت ملك في مكانها وحاولت تخفي ارتباكها وخوفها وقتها
آدم وهو بيشوف رد فعلها الغريب ملك إنتي كويسة
ملك وهي بتحاول تهدي نفسها اه.. بس.. مبحبش الطين على هدومي.
آدم وهو بيراقب توترها ولا بتحبي اللمس.. ولا حد يقرب منك.. صح
ملك بصتله بصدمة وكأنها مش متوقعة إنه لاحظ ده بسرعة وحاولت تداري توترها بس آدم كان أسرع منها.
آدم بابتسامة خفيفة متقلقيش مش هسألك ليه.. بس اللي أعرفه إن أي حد يهرب من حاجة بييجي يوم ويواجهها.
ملك كانت هترد بس فجأة راجل بيوقفهمو شكله متعصب وبيتكلم بعصبية.
الراجل بغضب إنتو بتسألوا عن ليلى منصور ليه
ملك اتوترت وحست بخوف بس لقت آدم وقف قدامها وهو بيرد عالراجل بثقة.
آدم بجدية وإنت مالك لو عندك معلومة قولها لو معندكش يبقى شوف شغلك بعيد عننا
الراجل وهو بيحاول يختبرهم هي ست كويسة.. ليه بتدوروا عليها
ملك بحزن أنا بنت أخوها.. وبدور عليها لأنها الوحيدة اللي فاضلالي.
الرجل بصلها
اخر مرة شوفتها كانت بتشتري حاجة من محل قريب من هنا.. بس مش متأكد إذا كانت لسة هناك اديني رقم تليفون ليكم ولو لقتها هكلمكم علطول
ابتسمت ملك بفرحة وهي بتبص لادم بامتنان لانها لقت امل جديد يقربها من عمتها وآدم كان سعيد اكتر عشان فرحتها
................................
في البيت كانت ملك قاعدة في الصالة مع عفاف أم آدم وبيتكلموا في مواضيع عادية وفجأة دخلت حبيبة مع صاحبتها ناردين و آدم خارج من أوضته في نفس اللحظة و شاف ناردين وقتها ملك حست بتوتر غريب في قلبها من غير حتى ما تفهم السبب
حبيبة بحماس ناردين ده آدم أخويا ودي ملك ضيفتنا اللي بقت فرد من العيلة تقريبا
ناردين بابتسامة واسعة وهي بتبص على آدم آه طبعا فاكرة آدم أنت كنت مشهور أوي زمان فاكرني ولا نسيت
آدم بضحكة خفيفة ناردين لا طبعا فاكر ازيك إيه الغيبة الطويلة دي
ملك حست بسخونية في دمها فجأة وكانت مش مستوعبة ليه آدم فاكرها وبيرحب بيها بالشكل ده وملك أصلا متعودة على كتم مشاعرها بس دلوقتي لأ.. مش قادرة! لان قلبها بيدق بسرعة وهي بتراقب كل حاجة بتحصل خصوصا لما شافت ناردين وهي بتمد إيدها وتسلم على آدم بكل ثقة.. مش بس كده دي حتى قعدت جنبه ع الكنبة بكل ارتياح اول ما هو قعد
ناردين بدلع يعني معقول تكون فاكرني ده أنا كنت باجي وانا صغيرة عن كدة بكتير قبل ما اعزل وامشي من هنا
آدم بهزار وهو بيرفع حواجبه طب ازاي أنساكي وأنتي كنتي كارثة بتمشي على الارض دايما عاملة مشاكل لحبيبة وإنتوا صغيرين وانا اللي احلها
ضحكت ناردين بصوت عالي وهي بتلمس دراعه وكأنها عفوية بس ملك حست إن الحركة دي زي طعنة
ملك بحدة وهي بتحاول تخفي عصبيتها الظاهر إنك وحشتي ناس كتير هنا يا ناردين!
ناردين لفتلها وهي مستغربة نبرة صوتها بس ضحكت بخفة وكأنها مش واخدة بالها.
ناردين بثقة طبيعي..ماهو أنا شخص صعب حد ينساه.
ملك بسخرية فعلا. خصوصا لما يكون حد بيحب يفرض وجوده زيادة عن اللزوم!
آدم بص لملك فجأة ولاحظ إن في حاجة مش مظبوطة زي شكلها اللي مش طبيعي! عنيها بتلمع بطريقة مش مرتاح ليها وتعبيرات وشها فيها حاجة مختلفة وكأنها بتحاول تبين إنها هادية بس الحقيقة عكس كده! وده خلاه يقرر يستفزها أكتر.. مش عارف ليه بس حابب يشوف هتوصل لإيه.
آدم بهزار وهو بيبص لناردين ملك عندها حق يا ناردين انتي زمان كنتي عنيدة أوي بس ده كان بيخليكي مميزة.
ملك اتخنقت وفجأة قامت وهي مش مستحملة ومشيت على المطبخ وهي بتحاول تهدي نفسها بس آدم كان وراها ووقف عند الباب وهو حاطط إيديه في جيوبه وبيبصلها بابتسامة جانبية.
آدم بصوت هادي بس مستفز خير يا ملك شكلك مخنوقة
ملك لفتله بحدة وعنيها كان فيها عتاب واضح بس برضه بتحاول تبين إنها مش متأثرة وده كان بيستفز آدم أكتر
ملك ببرود مصطنع لا عادي.. بس شكلها وحشاك أوي قولت أسيبلكوا الجو عشان تبقو براحتكم يعني
آدم بابتسامة مستفزة هو انتي متضايقة
ملك بسرعة وهي بتخفي توترها أنا لا طبعا ليه هبقي مضايقة يعني مش فاهمة
آدم ضحك بتلقائية وقرب منها خطوة وهي بتحاول تفضل ثابتة مكانها
آدم بهدوء مش عارف.
ملك عضت شفايفها بتوتر و كان قلبها بيدق بسرعة بس بصتله بثبات مزيف لانها مش عاوزة تديله فرصة يكشف مشاعرها
ملك وإنت إيه اللي يخليك تفكر كده
آدم قرب أكتر وعنيه بتدقق في ملامحها ومركزة في عيونها
آدم لأنك شفافة وأي حد يقدر يعرف إنتي حاسة بإيه.. وأنا حفظتك خلاص وعارف إنك دلوقتي مضايقة اوووي
ملك بهروب وهي بتمشي من قدامه لا بقى انا مش فاضيالك وبعدين روح للي قاعدة مستنياك برة
قبل ما ملك تمشي آدم مسك إيديها وخلى قلبها يدق جامد وكانت مش قادرة تبصله حتي بس سمعته وهو بيهمس ليها
ملك ناردين صاحبة اختي الصغيرة وبالنسبالي زيها بالظبط مش اكتر انا بس حبيت اوضحلك
ملك اتوترت اكتر و سابت المكان ومشيت بسرعة بس من جواها فرحانه ان مفيش اي حاجة بينه وبين ناردين ابدا وده اكدلها احساسها ناحيته وخصوصا انه هو الوحيد اللي مش بتخاف منه او من قربه اما آدم ففضل واقف مكانه و ابتسامته زادت وكان حاسس بشعور مختلف بس حلو اووي
..............................
تاني يوم ملك كانت قاعدة مع عفاف في الصالة ومعاهم ادم وكانو بيتكلمو لحد ما فجأة صوت جرس الباب رن
عفاف بقلق مين يا ترى مش مستنين حد
ملك وهي بتقوم يمكن حبيبة هشوف مين
اول ما فتحت ملك الباب لقت الشخص اللي شافوه من كام يوم في الشارع نفس الراجل اللي وقفهم وقال إنه يعرف عمتها واقف قدامها بعينين فيها شيء غامض وإحساسها قالها إن اللي جاي مش سهل
ملك باندهاش حضرتك!
آدم اللي كان في الصالة سمع صوتها وقام بسرعة ووقف جنبها وهو بيبص للراجل باستغراب أنت إيه اللي جابك
عفاف بهدوء
الراجل وهو بيتنحنح وبيبص
