احببت ممرض بقلم اسراء ابراهيم
بتوتر
وانتي من اهل الخير يا نور
نور دخلت الأوضة وهي حاسة إنها مخنوقة بس اقنعت نفسها ان ده الطبيعي وان آدم مستحيل يحبها في يوم وليلة وانها بس محتاجة وقت وانها هتفضل مستنياه ومش هتمل ابدا
.................................
في بيت سعيد.. ليلي داخلة عليه وهي في قمة غضبها
ليلي بانفعال
ازاااي! ازااي تعملوا فيا كده!! ازاي توافقوا تكسروني ليه محدش قالي!ليييه
سعيد بغضب
وليكي عين.. تتكلمي! بعد اللي عرفت انك ناوية تعمليه!
ليلي اتلخبطت وبصتله بتوتر
يعني ايه! أنا عملت إيه!
سعيد وقف فجأة.. صوته علي ورج البيت
عملتي إيه! كنتي ناوية تفضحينا قدام خلق الله يوم كتب الكتاب!! ناوية ترفضي وتكسريني أنا وعمك قصاد الناس كلها!! فاكراني مش عارف!
ليلي صوتها علي وهي بتبكي
كنت هعمل كده عشان غصب عني.. عشان أنتوا ضغطتوا عليا.. مش من حقكم تجبروني عليه!
سعيد بصلها بصدمة وغضب أكبر
لا يا بنتي.. أنا اللي عملته ده كان درس ليكي.. وأنا اتعمدت أوافق على اللي قاله آدم.. لانه راجل.. وقادر يردلك اللي كنتي ناوية تعمليه وكرامته اللي كنتي هتدوسي عليها برجلك!بس هو معملش كدة وجه طلب مني اختك
ليلي صرخت
أنا! بقي أنا اللي كنت هدوس على كرامتكم! طب ونور! ماهي قالتلكم ! مش هي اللي راحت وقعدت تمثل الطيبة والبراءة! كانت عنيها منه ! طب تقوللي.. تقوللي بدل ما تبيعني كدة
سعيد بعصبية
انتي تسكتي خالص!!
ليلي دموعها نزلت
لا مش هسكت!!
سعيد بصليها بصدمة لحظة.. وبعدين رفع إيده لأول مرة وضربها بالقلم على وشها فوقفت متجمدة مكانها
انتي قليلة
ليلي بدموع
طب حتى كانت سألتني! حتى فكرت فيا!
سعيد بصلها باحتقار
فكرت! إنتي اللي فكرتي فينا انا وعمك ! ولا كان همك شكلك بس قدام الناس!
ليلي سكتت..وحست لأول مرة إنها طلعت غبية
سعيد بحزن
قومي من قدامي.. ومش عاوز أسمع اسم آدم تاني.. ولا تجيبي سيرة جوازهم.. الليلة دي كانت المفروض تبقى لفرحتك.. بس انتي اللي خربتي على نفسك..
طلعت ليلي تجري على أوضتها.. والباب اتقفل وراها وهي حاسة إن الدنيا كلها قفلت عليها.. وإنها عمرها ما هتنسا اللي حصل.. ولا هتسامح حد.. لا نور.. ولا آدم.. ولا حتى أبوها لانها مقتنعة انهم السبب في احراجها قدام الناس
..........................
عدي سنة علي االي حصل وفي الوقت ده قربت نور من آدم اوي وبقت هي كل حياته وهو كل حياتها بس لسة آدم في حاجة جواه مانعاه انه يعترف لنور انه بيحبها وده تفكير نور اما ليلي فاتجوزت دكتور زميلها بعد كام شهر من جواز نور وآدم بس لسة مش بتكلم نور.....
في شقة آدم كانت نور بتتحرك في الشقة بخفة ملامحها مرتاحة قلبها بدأ يحس بالأمان مع آدم اللي بقى بيعاملها بحنية واهتمام غصب عنها ملاحظاه وفرحانة بيه اوي..
آدم كان قاعد على
لحد ما نور موبايلها رن..وراحت تبص عليه بس بتلاقيه رقم غريب.. فبترد بتردد
ألو مين معايا
بيجيلها صوت ليلي
نور.. أنا ليلي.
نور قلبها بيرقص من الفرحة وترد بلهفة
ليلي!! انتي فعلا وحشتيني
ليلي بتنهار وهي بتقولها
كنت مقررة أنسى إن ليا أخت.. كنت ناوية مسألش فيكي.. بس.. محتجاكي.
نور قلبها بيتقطع وبتاخد نفسها بالعافية وبتقول بنبرة هادية بس باينة فيها العتاب
عارفة يا ليلي.. عارفة.. حتى مرضتيش تخليني أقف جنبك يوم جوازك.. مع إن قلبي كان واجعني عليكي.. بس عذرتك.. والمهم دلوقتي إنك اتصلتي بيا.. عشان إحنا إخوات.. ومالناش غير بعض.
ليلي بتنهار أكتر وتتكلم بصوت مخنوق
نور اتصدمت
نور سكتت لحظة ودموعها نزلت غصب عنها لان ليلي صعبت عليها وبصت قدامها لآدم اللي مركز في الورق ولا مهتم بالمكالمة وكأنها مش موجودة أصلا.. وكانت عارفة انه عارف مين بس مش فارقله ووقتها قلبها ارتاح
انتبهت نور لصوت ليلي اللي قالت وهي بتبكي
أنا تايهة يا نور.. تعبت.. ومش لاقية حد يسمعني غيرك.
نور بلعت حزنها وقالت بحنان
وأنا معاكي يا ليلي.. مهما حصل أنا معاكي.. ماتعيطيش.. إحنا إخوات يا ليلي.. دايما هتلاقيني جمبك
أنا آسفة يا نور.. آسفة على كل حاجة عملتها فيكي.. سامحيني.
نور دموعها نزلت وقالت
مسامحاكي يا حبيبتي .. ومش عاوزة أسمع الكلمة دي تاني.. اللي فات مات.. إحنا دلوقتي لازم نكون جنب بعض.
ليلي سكتت وقفلوا المكالمة..و نور قعدت مكانها وهي بتبص قدامها وقلبها متلخبط.. ورفعت عينيها
ابتسمت بمرارة.. وقالت لنفسها يا بختي بيك يا آدم.. والله أنا كسبت.. كسبت راجل بجد.. بس ليه فرحتي مش كاملة ليه لسه محستش إنك جوة قلبي!
قامت نور بحزن عشان تكمل تحضير الأكل.. بس فجأة داخت..
زآدم انتبه ليها ووقف بسرعة وهو بيلحقها بلهفة
نور!! مالك يا حبيبتي حاسة بأيه
مسكها من إيديها قبل ما تقع.. لانها كانت مرهقة ووشها شاحب..
وبصتله بابتسامة ضعيفة وقالت
انت قولت حبيبتي صح وكمان خايف عليا مش كدة
آدم بص في عنيها وقالها بلهفة
طبعا حبيبتي واكيد خايف عليكي.. عشان انتي بقيتي روحي يا نور.
نور اتصدمت من كلمته وبصتله بدهشة..
آدم..
آدم اتنهد وقالها
كنت مستني لبكرة.. عشان عيد ميلادك.. وكنت هقولك ساعتها.. إنك خلاص.. بقيتي مراتي بجد.. وعاوز نكمل جوازنا ونعيش مع بعض. بس انتي حرقتي المفاجئة شوفتي بقي
نور دمعت وبصتله بفرحة الدنيا كلها وقالت بصوت مبحوح
بجد يا آدم!
آدم ابتسم وقالها بحب
أيوة يا نور.. بس شكل المفاجأة باظت.. انتي خلتيني أقولها دلوقتي وده ليه عقاب علي فكرة
نور ضحكت والدموع مغرقة وشها
ولا باظت ولا حاجة.. دي أحلى مفاجأة في عمري يا آدم
آدم قرب قالها
بحبك يا نور.. بحبك..وكنت محظوظ لما بقيتي نصيبي
نور بكت وهي بتهمس
وأنا كمان.. بحبك يا آدم.. من قبل ما تقولها من وانا شايفاك بتحب غيري بس كنت بصبر نفسي واقول بكرة يشوفني واهو جه اليوم ده
آدم بحب وقالها
عارف يا حبيبتي وعشان كدة كنت مستني لما اتأد من مشاعري عشام لما اقولهالك تبقي خارجة من قلبي يا نور
تمت
