ابيه يونس بقلم اسراء ابراهيم حصري علي موقع لمحة
اسكربت
هتفضلي باصة للبنت كدة كتير يا سمر
سمر بحزن
بنت اخوك صعبانة عليا اوي يا احمد دي يا حبة عيني حتة لحمة حمرا واتحرمت من ابوها وامها بدري
احمد بحزن
وحدي الله يا سمر ده قضاء ربنا وانا راضي الحمد لله واهو عوضني بحتة من اخويا البنت واخدة كل ملامحه انتي عارفة مكالمته ليا الاخيرة لما قالي انهم عملو حادثة كأنه كان حاسس انه مش هيعيش لما كان بيوصيني عليها
سمر بدموع
ربنا طول في عمرها لحد ما ولدت وبعدين راحت للي خلقها ربنا يرحمك يا عبير كنتي اكتر من اخت ليا
كانت قاعدة سمر على الكنبة وعينيها حمرا من كتر العياط وهي شايلة الطفلة الصغيرة في وبتبصلها واحمد جوزها واقف قدامها عينيه حزينة وهو بيطبطب على كتفها بهدوء
احمد برضا
اهم حاجة تاخدي بالك من البنت يا سمر اعتبريها بنتك علي الولدين اللي عندها
سمر بلهفة
انت بتوصيني علي البنت يا احمد اخس عليك دي بنتي من غير ما تقول وغلاوتها في قلبي يعلم ربنا بيها
البنت عيطت فجأة بصوت عالي
ونور حاولت تهديها بس صوتها علي أكتر وساعتها دخل يونس اللي جه من أوضته وعلي صوت البيبي و عينه نعسانة ووشه باين عليه الضيق
يونس بصوت متضايق
هو في ايه يا ماما وايه الصوت ده
نور بهدوء وهي لسه بتبص للبيبي
دي بنت عمك يا يونس تعالي يا حبيبي شوفها واطمن عليها
احمد وهو بيبص لابنه بحنان
خد شيلها يا يونس واسمع يا حبيبي انت دلوقتي كبير عندك عشر سنين يعني راجل وان عاوزك تبقى سند ليها
يونس اتردد لحظة بس اخد البيبي في وهو بيبصلها باستغراب وفجأة البنت ابتسمت وهي نايمة
يونس بابتسامة
هي بتضحك ليه ازاي كدة وهي نايمة
نور وهي بتمسح دمعتها
أصلها حست يمكن قلبها عرفك يا يونس وعرفت قد ايه انت حنين عشان كدة عاوزاك تاخد بالك منها ماشي
يونس باستفهام
ليه هي هتعيش معانا على طول
احمد بحسم ودفء
أكيد دي مالهاش غيرنا دلوقتي وإنت اللي هتبقى أخوها الكبير وسندها وحمايتها
يونس ببراءة وإخلاص
حاضر يا بابا متخافش أنا هاخد بالي منها أوي هي وحمزة اخويا
في اللحظة دي خرج حمزة الصغير
يونس يقرب منه وهو مبتسم
تعالى يا حمزة تعالى شوف أختكصحيح هي اسمها ايه يا ماما
سمر بابتسامة
انا هخليك انت تسميها يا يونس ايه رأيك
يونس بفرحة وهو بيبص في وش البنت
بجد طيب انا هسميها ملك لانها هادية اوي
ابتسم احمد وسمر وهما بيبصو لبعض و يونس قعد على الأرض وخلي حمزة يقعد جنبه وكان هو شايل ملك وكأنها شئ يخصه
سمر بابتسامة لاحمد جوزها
تعرف يا احمد ان ملك هي اللي هتخلي للقصر الكبير ده طعم وهتملاه حب ولعب
احمد بابتسامة
ولسة لما امي وابويا الصبح يشوفوها هيفرحو بيها اوي يمكن هي اللي هتهون عليهم وجع فراق عاصم اخويا
سمر بحزن
عندك حق
بعد خمس سنين كان داخل يونس اللي بقي عنده ١٥ سنة كان داخل من باب الفيلا وهو لابس هدوم التمرين وبيتفاجئ بملك اللي بقي عندها خمس سنين وهي بتجري عليه و بتعيط فبيشيلها بلهفة وقلق وهو بتكلم معاها
ملك بدموع
يووونس الحقني يا يونس
يونس بلهفة وقلق
إيه يا ملوكة إيه اللي حصل حد خبطك مالك اتكلمي
ملك بدموع وبنفس متقطع
حمزة حمزة ضربني وقالي انتي مش أختي
يونس بحنان وهو بيحاول يهديها
ضربك هو احنا في معركة ولا إيه طب تعالي هنا احكيلي من الأول واهدي كدة انا معاكي خلاص
ملك بعد ما اطمنت
هو كان بيلعب بالعصاية وأنا قولتله هاتها راح قالي لأ انتي مش مننا دي لعبتي ومش ليكي وانتي مش اختي
يونس بابتسامة وهو بيمسح دموعها
ده بيهزر معاكي وبعدين انتي اخته غصب عنه اصلا
ملك ببراءة وهي بتبص ليونس
بصراحة لما قالي كدة انا زقيته يا يونس بس هو زقني أكتر
ردت عايدة جدتهم اللي كانت خارجة من المطبخ
اهم طول اليوم علي كدة يا يونس حمزة يزعلها تروح معيطة وتقولي عاوزة يونس وانا خلاص كبرت عالفرهدة دي
حسين الجد بابتسامة وهو خارج وراهم
طب ما تقوليله بقي مين اللي بيحل وبيهدي ملك ويطمنها ان يونس زمانه جاي ولا خلاص مبقاش ليا لازمة يا ست عايدة
عايدة بابتسامة
وانت مديني فرصة اقول حاجة بس يا حسين عموما حاضر يا سيدي بص يا يونس جدك هو اللي سكتها وخلاها
حسين بغرور مصطنع
امممم مش بطال يا حاجة يلا تعالي بقي نروح نصلي العشا ونسيب يونس يتصرف هو مع بنته
عايدة بضحك
اه والله عندك حق من كتر ما ملك متعلقة بيه حاسة انها بنته يلا ربنا يهديها
كان متابع يونس حوار جده وجدته وهو مبتسم وسعيد بعلاقتهم اوي مع بعض وبعدين انتبه لصوت ملك اللي كانت بتبصله ببراءة وهو باصص ليها باهتمام
ملك بفرحة
ط هو أنا هفضل معاكم على طول يا يونس
يونس وهو بيبصلها بحنان
هتفضلي لآخر العمر أنتي مش ضيفة يا ملك أنتي روحي يا لوكة
الجدة بتدمع وهي بتبصلهم
ربنا يخليكم لبعض وتفضل دايما سند لبنت عمك يا يونس
بعد خمس سنين كمان كانت ملك بقي عندها عشر سنين وكانت في النادي مع جدها وجدتها وكانت بتهزر مع ولد في نفس سنها اسمه سيف وبتضحك معاه
سيف بابتسامة
بتعرفي ترسمي تعالي أوريكي رسمة الكرتون اللي رسمتها
ملك بتضحك
لو طالعة شبهك تبقى مرعبة أكيد
سيف بضحك
لأ بس بصي أنا رسمت بنت شبهك حلوة اوي
في اللحظة دي يونس بيقرب عليهم وسمع كلام سيف لملك
يونس بصوت عالي
ملك انتي بتعملي إيه هنا
ملك بابتسامة
اهلا يا ابيه يونس انا بكلم سيف صاحبي
يونس بيقرب بسرعة وبنظرة مش عاجباه
طيب تعالي معايا يلا وبعدين من امتي واحنا بنكلم ولاد انا مش منبه عليكي
سيف بتلقائية
أنا يا عمو معملتش حاجة والله احنا كنا بنتكلم بس
يونس بحزم
طيب يلا روح لمامتك يا سيف ملك مش فاضية
ملك بتتكلم بزعل
ده كان بيوريني رسمة و إيه يعني!
يونس بعد ما سيف مشي
ملك إنتي بقيتي كبيرة ومش أي حد يكلمك كده فاهمة
ملك بزعل
يعني أقطع مع كل أصحابي عشان انت تبقي مبسوط
يونس قرب منها وهو بيبص لها بعيون مليانة خوف
أنا أكتر حد بيخاف عليكيو وبيترعب لما بيشوف دموعك
ملك سكتت لحظة
بس هو بيضحكنييا ابيه لو سمحت
يونس بغيرته المعتادة
ضحكتك دي متطلعش لاي حد يا ملك ولا عاوزة يونس يزعل منك
ملك بلهفة
لا طبعا انا مقدرش علي زعلك يا ابيه
ابتسم يونس ومن جواه بيتنهد براحة وسعادة كعادته لما بيكون معاها
عدي عشر سنين
ملك وهي بتجري عليه
ابيه يونس
يونس كان واقف بعيد بس عينه كانت مشغولة بيها من بدري و أول ما شافها جاية عليه قلبه دق جامد
ملك وهى بتقرب منه اتخرجت ياااه اتخرجت يا ابيه يونس اخيرا
يونس وهو بيضحك ألف مبروك يا دكتورة الإدارة
ملك بعيون مليانة دموع فرحة انا مش مصدقة أخييييرا حققت حلمي وحلمك
مد يونس إيده وطلع من وراه علبة صغيرة ملفوفة بشريطة سلفر
يونس بابتسامة كنت مستني اللحظة دي اتفضلي دي هديتك
ملك اخدت العلبة وهي مبهورة إيه دا! انت كنت مجهز كل حاجة
يونس بابتسامة هادية كنت عارف إنك هتنجحي من غير كلام وكنت مستني أفرح بيكي بس بطريقتي
فتحت ملك العلبة ولقت سلسلة فضة ناعمة فيها قلب صغير محفور عليه حرفها
ملك انبهرت بيها ولقت نفسها بحماسة
ياااه دي أحلى حاجة حصلتلي انهاردة تسلم إيدك يا ابيه يونس
يونس اتوتر فبعدها عنه بوء وهو بيبتسم ليها وملك وقتها ابتسمت بخجل وهي بتبص في الارض باحراج
يونس بابتسامة
مش يلا نروح بقي ماما وبابا وتيتة وجدو مستنينك علي نار
ملك بانتباه
يا خبر ده انا نسيت حمزة اكيد لية واقف مع صحابي هناك
يونس باستغراب
حمزة هو هنا معاكي
ملك بابتسامة
اه انا اتفاجأت بيه هنا قالي انه جاي عشان يشوفني وانا بتخرج اهو جاي هناك اهو
يونس لمح من بعيد نظرة حمزة أخوه اللي كان بيقرب عليهم وعينه مثبتة على ملك بس مش نظرة عادية دي فيها إعجاب فيها اهتمام فيها حاجة مش مفهومة فابتسم ليه بخفة مصطنعة بس جواه نار غيرة مش عارف يتحكم فيها
يونس بصوت منخفض حمزة انت هنا من إمتى ومقولتليش ليه
حمزة بتلقائية منجيت من بدري عشان اكون مع ملك وبعدين هو تحقيق ولا ايه يا استاذ يونس ولا دي كمان هتعمل فيها كبير
يونس حاول يضحك بس قلبه كان مقبوض بنظرات حمزة وطريقة ملك في الكلام عنه كأنها كأنها مرتاحة
بدأت دماغه تلف فكان بيراقبها وهي بتتكلم مع حمزة و بتضحك معاه وبترد عليه بارتياح كل كلمة كل حركة كانت بتطعن
يونس في
