ابيه يونس بقلم اسراء ابراهيم حصري علي موقع لمحة
المحتويات
سكوته
يونس بجدية
مش يلا بقي عالبيت ولا هنفصل واقفين كدة
ملك بهزار مع حمزة
ايوة يلا عشان الواد ده رخم مش هسلم من رخامته عليا
حمزة بضحك
ده عشان انتي اوزعة يا اوزعة لكن لو طويلة شوية كنتي هتعرفي تتكلمي معايا
ضحكت ملك وحمزة معاها وكانو ماشين يهزرو مع بعض ومتابعهم يونس بغموض
باب الفيلا اتفتح على وسعه ودخلت ملك بين يونس وحمزة وهي لابسة فستان التخرج وشعرها مفكوك على ضهرها ووشها منور بضحكة ما حصلتش
سمر وهي بتجري
تعالي في يا حبييتي أنا مش مصدقة إنك خلصتي خلاص الف مبروك يا نور عيني
أحمد راسها
رفعتي راسنا يا بنتي أبوكي وأمك أكيد فخورين بيكي
ملك بدموع فرحة
كل ده بسبب دعمكم ليا ربنا يخليكم ليا يارب
حسين جدها بصوت هادي ودمعة ف عينه
ربنا يحميكي يا بنت عاصم كنت طول عمري شايف فيكي حاجة كبيرة واديكي حققتيها
عايدة بابتسامة
مبروك يا بنتي الف مبروك يا قمر العيلة فعلا تربية يونس
ملك بصت ليونس وابتسمت بعيون بتلمع وهي بتبصله
حمزة فاجأها وهو بيرمي عليها مخدة
بس يا تيتة متنسيش انها شبر ونص دي لحد امبارح كانت بتعيط عشان مش عارفة حاجة في المحاسبة
ملك بغيظ وهي بتحدفه هي كمان بالمخدة
بلاش كدب بقى! أنا اللي كنت بفهمك نسيت ولا علشان اتخرجت خلاص من سنتين هتعمل ابو العريف
حمزة بيجري وراها
طب اقولهم اني كنت بعملك الواجب بتاعك يا نصابة
ملك ضحكت وهي بتجري منه وسط الصالة ولما قرب منها حمزة فجأة استخبت ورا يونس وحطت إيديها على ضهره وقالت بمرح
ملك بسرعة
احميني يا ابيه يونس حمزة عايز يقتلني
يونس واقف ساكت و عينيه بتتنقل بينها وبين نظرة حمزة اللي كان باصص لملك بطريقة خلته يحس بنغزة في صدره والكلمة طلعت من قلبه قبل لسانه
يونس بحدة مفاجئة
كفاية هزار بقي وانت يا حمزة ملوش لزوم هزارك السخيف ده
سكت الكل وكانو بيبصو ليونس باستغراب
حمزة مستغرب
إيه يا يونس مالك إحنا بنهزر بس في ايه
ملك بحزن
هو أنا عملت حاجة يا ابيه
يونس بثلهم بسرعة وعينيه فيها ضيق مش قادر يخبيه وبعدها لف من غير ما يرد وطلع السلم بخطوات سريعة الباب
ملك بهمس لنفسها
هو مالو يونس ليه اتغير كده فجأة
سمر وأحمد اتبادلوا النظرات بس محدش رد والجو اللي كان مليان ضحك فجأة بقى ساكت وحمزة كان بيبص بعيد وهو بيفكر في حاجة وعقله مشغول بيها
كانت واقفة ملك مترددة قدام باب أوضة يونس قبل ما تخبط وكان وشها باين عليه قلق واضح عليه
ملك وهي بتفتح الباب
ابيه يونس إنت صاحي
يونس كان قاعد على السرير ضهره مسنود ووشه مدفون بين كفيه بيقلب في حاجة في دماغه بس أول ما سمع صوتها بيقوم بسرعة وبيعدل قعدته
يونس بابتسامة
آه صاحي ادخلي يا ملك
ملك بتدخل وتقفل الباب وراها وبتمشي بخطوات هادية وبتقعد على طرف السرير
ملك بتردد
كنت عايزة أطمن عليك
من ساعة ما سبتنا وطلعت وأنا حاسة إنك مش طبيعي
مالكهو انت زعلت مني في حاجة
يونس بيبصلها باستغراب وبعدين بيتنهد
يونس بتنهيدة
لأ طبعا هزعل منك ليه انا عارف اني اتعصبت عليكي انتي وحمزة بس أنا مخنوق شوية من الشغل ضغط كتير ومواعيد مش ماشية وأنا مش حابب أزعلكم بحاجة ملاش لازمة فعشان كدة طلعت
ملك بهدوء وحنان
تعرف ان أنا بحس بيك وانت متضايق من غير ما تتكلم
يونس أنا أكتر واحدة مفروض تعرفك لانك انت اللي مربيني
يونس بابتسامة باهتة
أيوه يمكن عشان كده مش بحب أبان ضعيف قدامك إنتي بالنسبالي نقطة ضعفي يا ملك
سكت كأنه وقف نفسه من إنه يكمل حاجة كان هيقولها بصراحة بس هتقلب كل حاجة
ملك وهي بتبتسم
ضعيف إيه بس يا ابيه انت دايما شايل حمل كل حاجة
بس حتى اللي بيشيل بيحتاج يرتاح شوية وإنت تستاهل ترتاح انا خايفة عليك من الضغوط دي اوي يا ابيه
يونس سكت وبص في عينيها فترة طويلة وملك حست إن نظرته فيها حاجة مختلفة دفى غريب وابتسامة خفيفة مالهاش تفسير
يونس بصوت واطي
عارفة إن وجودك بس بيهديني
مجرد ما بتقعدي جنبي بحس الدنيا بتهدى اوي معايا
ملك بتبتسم بخجل
مهو أنا أختك الصغيرة برضه ولازم أطبطب عليك شوية اشمعني انت علطول بتعمل معايا كدة
يونس بيضحك ضحكة مخنوقة وفي عينه وجع
يونس ببهتان
أختي آه طبعا انتي بنتي كمان يا ملك
ملك بتمد إيدها بتلقائية
يونس بصدق
إنتي مش واخدة بالك إزاي وجودك بالنسبالي بيغير كل حاجة حتي زعلي بتقدري تمحيه
ملك ببراءة
ربنا يخليك ليا يا ابيه يونس
أنا فعلا مش متخيلة حياتي من غيرك
يونس خبي خيبة امله وقام اول ما سمع كلمة ابيه يونس منها
يونس وهو بيديها ضهره
أنا كمان يا ملك مش متخيل حياتي من غيرك ولا يوم
ملك بابتسامة دافية
طيب هتفضل مكشر كدة بقي انا جيت اصالحك حتي
يونس بابتسامة
صدقيني مفيش حاجة يلا روحي نامي انتي يا ملك ومتنسيش دايما اني معاكي وجمبك
ملك بابتسامة
انا متأكدة من ده يا ابيه تصبح علي خير
بعد يومين كان يونس واقف عند السور الحديد للجنينة ودماغه مشغولة بنظرات حمزة لملك اللي بقت واضحة وضحكتها وهي معاه بقت بتوتره اوي وتخليه يخاف قلبها يكون مال ليه
انتبه يونس لحمزة اللي قرب منه فجأة
حمزة بهدوء
أنت سرحان في إيه كده بكلمك بقالي شوية
يونس بابتسامة باهتة
في الدنيا وسرعة الوقت لحد امبارح كنتو لسة عيال انت وملك
حمزة باستغراب
مالك يا يونس حساك متغير بقالك فترة هو ده بسبب ملك طيب
يونس اتلفت ليه بسرعة والنظرة في عينيه كانت شبه الصدمة
يونس بغموض
وانت مالك ومال ملك
حمزة بابتسامة خفيفة ونظرة شبه واضحة
مالي ايه يا يونس ملك متربية معايا زيك بالظبط يعني طبيعي امرها يهمني واهتم بيها
يونس اخد نفسه بغضب وحاول يتحكم في نفسه
يونس بصوت هادي بس مضغوط
أنت بتحبها يا حمزة
حمزة اتوتر ومردش بس بص ليونس بعيون ما بتكذبش
يونس بهمس غاضب
سكت ليه طيب اسمع يا حمزة ملك صغيرة أنا اللي مربيهاوأنت كمان يعني تنسي اي حاجة زي دي
حمزة بضيق
وإنت ليه متضايق كده
هقولك انا ليه مش عشان هي صغيرة ولا أختنا اللي اتربت معانا ولا علشان أنت شايف نفسك بس مسئول عنها عشان بتحبها يا يونس مش كدة بس يا تري بقي هي شايفاك ازاي
يونس بصوت قوي وهو بيبص لحمزة
انت قصدك ايه
حمزة بثقة
يعني القرار في الاول وفي الاخر لملك
يونس بص لحمزة بغضب وسابه ومشي وحمزة متابعه بغموض
في مكتب يونس كان رايح جاي في مكتبه بعصبية وهو هيتجنن من وقت كلامه مع حمزة وطريقته معاه وشوية وسمع صوت ملك وهي بتخبط عالباب
ملك بصوت متردد
ابيه يونس ينفع ادخل
يونس وهو بيحاول يداري ضيقته
تعالي يا ملك ادخلي
ملك بقلق وهي بتقرب منه
ابيه يونس أنت مضايق من حاجة حمزة قاللي إنك مش طبيعي خالص
يونس قام وقف قدامها وهو بيتأملها للحظة كأن دي آخر مرة هيشوفها كده
يونس باندفاع
ملك أنا بالنسبالك إيه
ملك باستغراب وضحكة بريئة
إيه السؤال الغريب ده
أنت ابيه يونس اللي مربيني وأخويا الكبير وضهري وسندي ومسئول عني
يونس ابتسم ابتسامة باهتة وعنيه وقعت علي الأرض وقلبه بيتكسر ببطء بس بيخبي
يونس بصوت مبحوح
يعني بس كده
ملك بعفوية
يعني إيه بس كده
إنت حياتي يا ابيه يونس انا فتحت عنيا عليك ومش بحس بالامان غير معاك
يونس بلع ريقه بخيبة امل ورجع خطوتين وهو بيحاول يبتسم و قلبه بينهار
يونس بجمود
طب لو سافرت هتبقي كويسة
ملك بسرعة وخوف
هتسافر ليه في إيه
يونس بهدوء مؤلم لقلبه
في حاجات محتاجة وقت بعيد علشان أرتبها وأنا شايف إن الوقت جه الشغل يعني مش متظبط ولازم اسافر يا ملك
ملك بلهفة ورفض
بس انا مش هبقي كويسة ارجوك متمشيش يا ابيه خليك معايا هنا
يونس باصرار
انتي كبرتي يا ملك ومبقتيش محتجاني خلاص وكمان حمزة هنا اكيد هياخد باله منك انا بس قولت اعرفك عشان متزعليش اني خبيت عليكي
ملك حاولت ترد بس هو كان بيبص ليها بنظرة طويلة فيها حب ما اتقالش ووداع صامت وبعدين عدي جنبها وخرج وهي فضلت واقفة تبص وراه بحيرة ومخها مش مستوعب انه فعلا هيبعد
عدت سنة كانت فيها ملك بتحاول دايما تتواصل مع يونس بس هو كان مبيردش او بمعني ادق بيتهرب منها رغم انه هيتجنن ويسمع صوتها لحد ما هي يأست وبطلت تسأل حتي عنه ووقتها يونس فهم انها رضيت بالامر الواقع كان واقف يونس بيتكلم مع امه في التليفون
ادهم بتنهيدة
شوري عليا يا امي اعمل ايه في موضوع اني اخطب وعد دي انتي عارفة اني رافض وبابا كلمني وقالي
سمر بقلق
والله يا يونس انا
مش عارفة وغلبت اقنعه مفيش فايدة رغم ان دي مش طريقة
متابعة القراءة
