ابيه يونس بقلم اسراء ابراهيم حصري علي موقع لمحة
بعد يومين كانت ملك قاعدة لوحدها على طرف الكنبة وماسكة تليفونها بس مش مركزة فيه وعنيها شاردة ووشها باين عليه أثر التعب والهدوء اللي فيها غير مألوف لا بتضحك ولا بتشارك الكلام ويونس بيبص عليها من بعيد وهو بيحاول يظهر إنه طبيعي لكن عنيه مش بتفارقها ومش مهتم اصلا بوعد اللي اتفاجئ بيها جاية تزورهم
يونس بصوت واطي لسمر امه اللي جنبه
هي بقالها كام يوم كده ساكتة ومفيش كلمة واحدة بتقولها انا قلقان اوي يا امي عليها
سمر بحيرة وهي بتبص ليونس
من يوم ما انت شوفتها بتعيط وهي مش بتتكلم مع حد بس واضح إنها بتتجنبك إنت تحديدا
يونس بيحاول يخفي الغيظ
أنا عملتلها إيه يعني دي هي اللي مش عاوزة تتكلم ويوميها روحتلها تقريبا طردتني من اوضتها
وعد بدلع
يونس انت الجرافتة بتاعك مش معدولة استني هعدلهالك
يونس اتوتر وبص لملك اللي
قلبها وجعها و قامت بغضب وسابتهم وخرجت الجنينة
ويونس وقتها
يونس بحسم وهو بيبعد ايد وعد
معلش وعد سيبيني انا مرتاح كدة
وعد باستغراب
ليه في إيه
يونس باحراج
عادي كدة بتنفس احسن
قام يونس وخرج بسرعة ورا ملك وكان متابعهم حمزة بيأس لانه اتأكد انه ملوش مكان في قلب ملك وان يونس كمان بيحبها زي ما هي بتحبه
في الجنينة كانت واقفة ملك عند الشجرة الكبيرة و ضهرها ليونس وكانت بتتنفس ببطء كأنها بتحاول تهدي نفسها
يونس بصوت هادي
ملك خرجتي ليه
ملك ما تردش ولا حتى بصتله ففضل واقف ثواني بتردد و بعدين قرب أكتر
يونس بحدة مكتومة
مالك ليه كل ده ليه بتتجنبيني أنا عملت إيه
ملك لفت وردت بصوت مكسور
مش لازم تكون
يونس اتقدم أكتر صوته بدأ يعلى من غير ما يقصد
يعني أنا بقيت مؤذي ده أنا بحاول أفهم بحاول أقرب وأنتي اللي عاملة سد بيني وبينك
ملك بدموع وصوت بيترعش
انت بتحاول تقرب! إنت بتقرب لمين ليا ولا لوعد خطيبتك انا عمري ما عملت سد بيني وبينك يا يونس انت اللي عملت السد ده لما سبتني وراك ومشيت
يونس فجأة ملامحه لانت وكأنه لقي امل جديد
ملك انتي بتغيري عليا
ملك بحدة وتوتر
انا انا ما بغيرش! بس مش عاجبني اللي بشوفه عادي يعني
يونس قرب منها خطوة بقى قريب جدا
طيب لو ما بتغيريش ليه مشيتي وليه اضايقتي لما شوفتي وعد بتقرب مني ليه عنيكي بتترعش كده دلوقتي
ملك بصتله ودموعها قربت تنزل واتكلمت باندفاع
لأني غبية يا يونس غبية إني كنت فاكرة إنك مهتم او انك ممكن تشوفني غير الطفلة اللي ربتها أو إنك فهمت يوم ما عيطت وانت مسافر إن في حاجة جوايا مش قادرة أقولها وكنت محتاجاك تفهمني من غير ما أتكلم
يونس كان بيسمعها وهو مصدوم وبيتمني يكون اللي فهمه صح وان ملك بتحبه زي ما هو بيحبها
يونس وهو بيمسك ايدها
ملك ارجوكي قوليلي ان اللي فهمته ده صح انا هتجنن
ملك همست بوجع
معتقدش ان ليه لزوم دلوقتي يا يونس لاني عارفة انك مبتحبنيش وانك بتحب وعد من زمان حمزة قالي كل حاجة وانا بتمنالك السعادة من قلبي
قالت كدة ملك وسابته وجريت من قدامه ووقف هو مصدوم وهو مش متخيل انها فعلا بتحبه زي ما بيحبها وان حمزة قالها انه بيحب وعد من زمان ووقتها قبض علي ايديه بغضب لما افتكر حمزة بس لسة ليه
تاني يوم احمد كان قاعد على الكرسي وسمر مراته جنبه ومعاهم يونس وباقي العيلة وشوية وملك قربت منهم بعد ما عمها طلبها
أحمد بص لملك وابتسم بهدوء
تعالي يا ملك تعالى يا بنتي احنا عايزينك في كلمتين كده
ملك بتقرب ببطء وعنيها فيها استغراب
خير يا عمو احمد في حاجة
يونس بصلها بهدوء وقام قالها بصوته الواضح والمباشر
أنا اللي عايز أتكلم يا ملك معاكي
ملك بصت ليونس بحزن وعينيها اتعلقت بيه وهي بتحاول تفهم
يونس بابتسامة
أنا كنت قاعد دلوقتي مع بابا وطلبت ايديكي منهوهو وافق وحددنا كتب الكتاب علطول اخر الاسبوع ايه رأيك
ملك بصوت مصدوم وقلبها بيدق
يونس انت بتقول إيه! كتب كتاب مين انا مش فاهمة حاجة
سمر بابتسامة ودموع في عينيها
يونس بيحبك يا حبيبتي ومن زمان علي فكرة من وانتي عيلة بضفاير
ملك وقفت مصدومة و عنيها بتتنقل ما بين يونس ومرات عمها وقلبها بيدق بسرعة و يونس وقتها قرب منها
يونس بصوت هادي وراسي
أنا بحبك يا ملك من سنين ومحبتش غيرك بس خوفت خوفت إنك تشوفيني زي أخوكي خوفت تبصي لفرق السن بينا أو تندمي لو ارتبطنا كنت خايف أظلمك أو تحسي إني فرضت نفسي عليكي
ملك عنيها اتملت دموع وهي بتقاطعه
بس أنا حبيتك من غير ما أفكر في حاجة من غير ما أقارن سننا أو أفهم مشاعري إمتى بدأت لقيت نفسي مش شايفة غيرك أنت بالنسبالي الأمان والحب والاستقرار أنت كل حاجة يا يونس ولما سبتني وسافرت حسيت ان روحي خرجت من جسمي
يونس وقف وعينيه بتلمع وهو بيقرب منها أكتر
يونس بصوت مكسور شوية
انا مبعدتش
ملك ضحكت من بين دموعها و حركت راسها بالنفي
حمزة ده أخويااتولدت لقيت نفسي شايفاه اخويا لكن انت يا يونس انا عمري ما شوفتك كدة كنت مسئول عني ودايما معايا بس نظرتي ليك وحبي ليك كانو بيكبرو يوم عن يوم
كل العيلة كانت متابعة كلامهم ويونس وقتها بص لحمزة بترقب وفهم حمزة انه عاوز يفهم هو ناوي علي ايه فقرب منه حمزة
حمزة بصدق
انا اسف يا يونس انا عارف اني غلطت وصدقني ملك من انهاردة اختي ومرات اخويا
يونس قرب منه فجأة وبعدين بص لملك اللي كانت واقفة مبتسمة ودموعها فرحتها علي خدها ولقته بيمد ايده ليها
يونس بصوت دافي
هتيجي نبدأ من جديد وكل حاجة حلوة نستحقها نعيشها سوا
ملك ابتسمت وفجأة كشرت تاني لما افتكرت وعد ومسكت يونس من لياقته بغضب مصطنع
ملك برفعة حاجب
تعالي هنا اومال ايه حوار خطوبتك من وعد دي وقصة حبكم الافلاطونية
يونس وهو بيضحك ومستمتع بغيرتها
يا مجنونة افهمي بس دي كانت خطوبة كدة لمصلحة الشغل وبابا السبب اهو عندك اتأكدي منه وبعدين انا يا هبلة لو مش بحبك ومصدقت انك تبقي معايا كنت فسخت خطبتي في يوم كدة اما بقي بالنسبة لقصة الحب فدي كانت تأليفة من استاذ حمزة
ملك بصت لحمزة اللي اتحمحم باحراج ورفع ايديه باستسلام ووقتها ملك اتنهدت براحة
ملك بتلقائية
طب اتفضل كمل تحديد معاد الفرح بالمرة
ضحكو كلهم علي جملة ملك اللي قالتها بتلقائية ووقتها وهي ابتسمت بخجل ويونس متابعها بسعادة وهو مش مصدق انه خلاص حبه وعشقه بقت ليه
يونس بهمس
بحبك يا ملك يا
ملك بخجل
وانا بحبك يا يونس اممم يا ابيه يونس
تمت
بقلمي اسراء ابراهيم
