عشقتها مشوهة بقلم اسراء ابراهيم

اسكربت
عشقتها مشوهة
أنا ممكن أتجوز أي واحدة في الدنيا... إلا هي
الجملة نزلت على كل الموجودين في وسط الفيلا بصدمة وخصوصا عبد الرحمن جد سليم اللي مكنش متوقع ان سليم يرفض بالطريقة المهينة دي بنت عمته ليان
عبدالرحمن بحدة 
عيد كلامك كده يا سليم تاني ...انت قولت ايه ؟
سليم بمنتهى الثبات
انت سمعتني يا جدي كويس ...انا قولت إني مش هتجوز ليان
ليان كانت قاعدة ساكتة تماما وإيديها شابكة في بعضها ووشها ثابت رغم إن قلبها كان بدأ يدق بعنف وحابسة الدموع في عنيها
سامح عم سليم بغضب 
اتكلم باحترام يا سليم ....دي بنت عمتك قبل ما تكون البنت اللي جدك اختارها ليك .....انت فاكر نفسك ايه عشان تتكلم وتقول كدة وتجرحها بالشكل ده ؟
سليم ابتسم سخرية
أنا محترم جدا يا عمي... وعشان كده بقولها قدام الكل بدل ما أوافق وأظلمها معايا .....وقتها برضه كلكم هتزعلو مني
عبدالرحمن بانفعال 
فكرك انت انا هسمحلك تظلمها او تيجي عليها ولا ايه ؟ ده انا كنت وريتك مقامك بجد
سليم سكت لحظة وبص ناحية ليان اللي لابسة فستان رقيق، وشعرها مرفوع والندبة اللي علي خدها ظاهرة بوضوع
سليم ببرود 
من غير تهديد يا جدي ....اظن هي عارفة انا رافضها ليه
ليان رفعت عينيها ليه لاول مرة
انا عارفة إيه بالظبط ؟
سليم بتردد 
عارفة إني مش شايف إن الجوازة دي مناسبة زبدون دخول في تفاصيل عشان مجرحكيش يا ليان
ليان بهدوء
فعلا انت من حقك ترفض....بس مش من حقك تقلل مني بالشكل ده ولا انا هسمحلك بده
سليم رفع حاجبه
وهوأنا قللت منك؟
ليان بسخرية 
من أول ما قعدت وإنت بتتكلم عني كأني مشكلة لازم تتحل وكأني قاعدة مستنية موافقتك ومليش رأي
سليم بتوتر 
أنا بتكلم بصراحة مش اكتر
ليان بقوة 
الصراحة اوقات معناها بيبقي قلة ذوق
جدها عبد الرحمن ابتسم ابتسامة صغيرة وفرح بقوة ليان قدام سليم
سليم ببرود
طيب طالما مش مستنية قراري ما تردي انتي وتقولي انك رافضة ولا انتي الموضوع علي هواكي ؟
ليان بقوة 
أنا مش محتاجة إذن منك عشان اقول رأي ولا انا مستنية انك توافق انا سكوتي معناه اني واثقة في نفسي وجدي اصلا عارف رأيي من الاول وعارف اني رافضاك
سليم باحراج من رفضها ليه قدامهم 
احم بس يعني مش باين
ليان بسخرية 
لأنك مش شايف غير اللي على وشي وخايف تتكلم عنه
سكت سليم وليان وقتها ابتسمت ابتسامة موجوعة
بس أنا مش مستغربة اصلك إنت مش أول واحد يبصلي بالطريقة دي.
سليم بتهرب 
جدي خلاصة الموضوع ...أنا مش هتجوز واحدة لمجرد إن حضرتك عايز كده
عبدالرحمن بحدة 
بس دي مش واحدة غريبة يا سليم... دي بنت عمتك وانت اولي بيها من الغريب
سليم بحسم وهو بيقوم من مكانه 
وده مش هيغير رأيي يا جدي انا اسف
عبدالرحمن ضرب بعكازه عالارض بقوة 
يبقي متنساش ان أنا اللي بنيت البيت ده، وأنا اللي حافظت على اسم العيلة، وأنا اللي شايل مسؤولية الكل من سنين... ولو انت فاكر إنك عشان كبرت وبقى ليك اسم وشغل وفلوس تقدر تقولي لأ؟ تبقي غلطان
سليم بانفعال وصوت عالي 
جدي انا عارف كل ده كويس ومش كل شوية هتفكرني باللي حضرتك بنيته وياريت متنساش اني انا دلوقتي اللي شايل الشغل ده علي كتافي
عبد الرحمن بهدوء 
وانا بعفيك من الشيلة دي يا سليم
سليم باستغراب وقلق
يعني ايه يا جدي ؟ انت هتبعدني عن الشركة
عبد الرحمن بثقة
يعني انت طالما شايف ان الشيلة تقيلة عليك خلاص انا بعغيك منها ...وانت مش حفيدي الوحيد ...اه البكري بس مش الوحيد ....شريف ابن عمك سامح اهو يقدر يديرها
سليم بانفعال قوي 
انت بتلوي دراعي يا جدي ؟ كل ده عشان اتجوز ليان مش كدة ؟
ليان بغضب
وانا بقي رافضاك لاني عمري ما هقبل أعيش مع واحد شايف نفسه بيعمل فيا معروف
عبدالرحمن
وأنا بقى لسة عند كلامي يا سليم يا هتتجوز ليان بنت عمتك ياما انسي الشركة وكل حاجة
ليان برجاء ودموع محبوسة 
جدو...
عبدالرحمن بحنية 
لأ..... المرة دي اسمعيني يا ليان وبكرة تشكريني .....انا لازم اطمن عليكي
عبدالرحمن لسليم 
وانت يا سليم لازم تفهم ان لو ليان وافقت عليك ...هتكون هي اللي مديالك قيمة مش العكس.
سليم بجمود 
و أنا برضه مش موافق
عبدالرحمن بجمود 
وأنا مش بطلب رأيك ...انا قولت قراري 
انت تتجوز بنت عمتك لمدة سنة ....سنة واحدة تعيشوا في بيت واحد ولو بعد السنة لسه شايف إنك مش قادر تكمل معاها، أنا بنفسي هكمل اجراءات الطلاق وأديك حقك كامل
سليم بسخرية وهو بيبص لجدو
موافق
عبد الرحمن براحة 
علي بكرة الله يا ولاد .....متزعليش يا قلب جدك ....انا اصلا بعمل كل ده عشانك
ليان باست ايد جدها وسابتهم وطلعت علي فوق جري وكان متابعها سليم بعنيه وهو بيتوعدلها لانه شايفها السبب في انه يفضل مربوط بيها وهو مش طايقها اصلا
...............................................
بعد أسبوع من كتب الكتاب
ليان كانت واقفة في الصالون بتتكلم مع جدها وسليم داخل من باب الفيلا وأول ما شافها وقف مكانه واتنهد بضيق
عبدالرحمن
تعالى يا سليم كنت مستنيك بقالي شوية
سليم بهدوء وهو بيقرب منهم 
خير يا جدي؟ في حاجة بخصوص الشغل ؟
عبدالرحمن بابتسامة 
كنت عايز أقولك إن ليان هتبدأ تشتغل معانا في الشركة من اول الاسبوع
سليم بص لليان بسرعة وغضب
نعم ؟ ده اللي هو ازاي ان شاء الله؟
ليان رفعت حاجبها
أيوه... زي الناس علي فكرة ....في حاجة مضايقاك ولا حاجة ؟
سليم بضيق 
ايوة ليه يعني تشتغل في الشركة مش فاهم ؟
عبدالرحمن بتبرير 
لأنها خريجة إدارة أعمال، ومؤهلة للشغل يا سليم واصلا ده كان شرطها عشان توافق علي جوازها منك وانا وافقت يبقي خلااص
سليم بغضب 
وأنا معترض ......طالما حضرتها بتتشرط عشان توافق تتجوزني .....علي اساس اني كنت ميت في دبادبها
ليان بصتله ببرود 
وهو انا طلبت رأيك عشان تعترض؟
سليم بصلها بغضب ورد ببرود متصنع
أنا بتكلم مع جدي .....انتي مالك اصلا بكلام الكبار
ليان ببرود اكبر 
وأنا سمعت اسمي بيتقال فحبيت أعرف حضرتك عندك اعتراض على شغلي ولا اعتراض على وجودي عموما وكأن الشركة شركتك يعني فبتتحكم بقلب اوي ؟
سليم بغضب
الاتنين .....واه انا اللي بتحكم مين يشتغل ومين يقعد في البيت و يا جدي أنا شايف إن الشركة مش مكان مناسب للتجارب بتاعة العيال
ليان بابتسامة باردة
متقلقش... أنا مش تجربة ...انا فاهمة ودارسة كويس اوي ويمكن احسن منك
عبد الرحمن بحسم
خلاص يا سليم ...قولتلك ليان هتشتغل معانا وانت بنفسك هتشوف انها شاطرة جدا
سليم بسخرية 
هنشوف
ليان بسخرية اكبر  
أيوه هتشوف
عبدالرحمن
خلاص.... ليان هتبدأ من يوم الأحد، والموضوع منتهي
سليم بضيق
براحتك يا جدي ماهي شركتك وانت اللي بتتحكم
عبدالرحمن بقصد 
ايوة كدة....واه صحيح ....انت هتكون مسؤول عن ليان وتدريبها
سليم بانفعال
إيه؟ ليه بقي ...اشمعني انا يعني
ليان بصت لجدو وبعدين لسليم وحاولت تخبي ابتسامتها وشماتتها في سليم
سليم بهمس 
متفرحيش اوي... أنا مش هسهلها عليكي وهخليكي تقولي حقي برقبتي
ليان بثقة 
وأنا مش مستنية منك تسهيل ....انا اعرف اثبت كفاءتي كويس اوي
سليم قرب خطوة منها 
بس متجيش بعدين تقولي إن الشغل صعب وتعيطي
ليان بثقة 
الشغل عمره ما كان صعب... الصعب بس التعامل مع شخص شايف إن وجودي لوحده عبء عليه
سليم بتوتر 
والله مش ذنبي انك إنتي اللي بتفسري كلامي غلط ....انا مشكلتي اصلا مكنتش معاكي انتي حتي معندكيش شخصية انك تعترضي زيي وتقولي لا مش موافقة
ليان بهدوء عكس اللي جواها 
انا لو سكت فعشان بحب جدي وبحترم قراراته حتي لو هي ضد رغبتي وبعدين عالاقل انا بنت لكن انت بقي بالنسبالك ايه يا راجل ؟ ولا صح نسيت ان انت كل همك الشركة والفلوس وبس
سليم اتصدم وبصلها بغضب مكتوم وبعدها قال باندفاع 
جدي عشان بيحبك وانتتي صعبانة عليه فمشجعك بس في الشركة الناس هنشوف شغلك بجد لانك هتبقي لوحدك ... ومش هتلاقي اللي هتصعبي عليهم عشان الندبة اللي في وشك
الجو كله سكت وليان ثبتت مكانها 
وعبدالرحمن بص لسليم بغضب جامد بعد ما سمع كلامه
عبدالرحمن
سليم ...انت اتتجننت ؟ انت بتقول لمراتك كدة ؟
سليم نفسه اتوتر وكأنه استوعب متأخر هو قال إيه وليان ابتسمت ابتسامة صغيرة جدا رغم إن عينيها لمعت
ليان
لا يا جدو... سيبه ...خليه يطلع كل اللي جواه
سليم بتوتر 
ليان أنا مكنتش أقصد
ليان قاطعته
متعتذرش يا باشمهندس ....أنا خلاص بقيت متعودة عالاهانة منك .....بس هقول ايه ربنا يسامحك يا جدو عشان قبلت عليا كدة من الاول
عبدالرحمن بحزن
يا بنتي...انا
ليان بصوت مخنوق  
خلااص مفيش حاجة يا جدو ....انا كويسة
وبصت لسليم مرة أخيرة وقالتله
عاوزاك تفتكر بس حاجة واحدة ... الندبة دي مش هي اللي هتحدد امتي وان ردي عليك هيكون بشغلي وكياني اللي هعمله لنفسيي
قابت كلامها وسابته ومشيت وعبدالرحمن بص لسليم بغضب
عبدالرحمن بعتاب 
إنت إزاي قدرت تقولها كده؟
سليم بعصبية
أنا مكنتش أقصد ....انا اضايقت من كلامها
عبدالرحمن
كلامها كان رد فعل لكلامك ليها اللي زي السم
سليم سكت وعبدالرحمن كمل 
إنت فاكر إنك كل ما تجرحها أكتر هتثبت لنفسك إنك صح ؟ عشان مش عاوزها
سليم بضيق
أنا مش عارف أتعامل معاها يا جدي .....الارتباط مخليني طول الوقت حاسس اني مجبر عليها
عبدالرحمن
ده عشان انت قررت تكرهها قبل حتى ما تعرفها
سليم
بس أنا فعلاا عارفها كويس.
عبدالرحمن
لا... إنت عارف شكلها، وعارف الندبة اللي على وشها، وعارف إنها بنت عمتك... بس لسه متعرفش ليان.
سليم