عشقتها مشوهة بقلم اسراء ابراهيم

اوي بصراحة وعندي شغل ...مش فاضية انا للكلام
سليم بصلها باستغراب لانه هو عارف نبرة صوتها دي وعارف إنها مش طبيعية 
إنتي كويسة؟
ليان بغيظ 
اه كويسة
البنت بصت بينهم باستغراب.
هي قريبتك ولا ايه يا سليم؟
سليم اتوتر وليان رفعت عينيها له.
سليم بثقة 
اه هي...
ليان قاطعته بسرعة 
أنا مجرد موظفة هنا.
سليم بصلها بحيرة وليان أخدت الملف.
شكرا
البنت بتكبر 
بالمناسبة... أنا أول مرة أشوفها هنا ...جديدة دي ولا ايه يا سليم
ليان
اه... أنا بدأت قريب هنا
البنت بصت على وش ليان للحظة، وبعدين قالت بعفوية مستفزة
بس غريبة... أنا كنت فاكرة إن شركتك بتختار الموظفين بعناية
ليان سكتت والبنت كملت وهي بتضحك
خصوصا البنات... يعني لازم الشكل يكون مناسب لطبيعة المكان مش اللي بالمنظر ده
ليان ملامحها اتجمدت وبصت في الاارض وعيطت وسليم رفع عينه للبنت بغضب 
إنتي قلتي إيه؟
البنت اتوترت
أنا... كنت بقول رأيي ... مقصدش حاجة
سليم بغضب
انتي عارفة دي تبقي مين اللي بتقولي عليها كدة ؟
البنت بتهتهة 
أنا مكنتش أقصد أضايقها ...انا بس
سليم
انتتي اصلا متعرفيش تدوسيلها علي طرف
ليان مسحت دمعة نزلت غصب عنها وحاولت تتحرك ناحية الباب وسليم وقفها لما وقف بسرعة و مسك ايديها واول ما شاف دموعها اتجنن.
سليم بانفعال كبير 
إنتي فاكرة نفسك مين عشان تتكلمي عنها بالطريقة دي؟ دي مراتي ...يعني مرات صاحب الشركة اللي انتي جاية تترجي صاحبها يقبل شغلكم
البنت اتجمدت مكانها وليان رفعت عينيها له بصدمة وهي بتبص لسليم
البنت بصدمة وتهتهة 
أنا مكنتش أعرف...
سليم بغضب
لأن ده مش من حقك تعرفيه أصلا وانا بقي عاوزك تعرفي حاجة واحدة...ليان بالنسبة لي أجمل بنت في الدنيا كلها
ليان عينيها وسعت من الصدمة وهي سامعاه بيكمل 
وأي حد يفكر يتكلم عنها بالطريقة دي، يبقى بيتكلم عني أنا شخصيا
البنت بتوتر 
أنا آسفة اوي بجد يا سليم
سليم ببرود 
اعتذري ليها هي مش ليا
البنت بصت لليان بإحراج
أنا آسفة يا مدام ... مكنتش أقصد.
ليان مردتش والبنت خرجت بسرعة وسليم وقف مكانه للحظات، وبعدين بص لليان.
اللي كانت بتعيط في صمت.
سليم قرب منها
ليان...بصيلي
ليان مسحت دموعها بسرعة 
شكرا ....إنك دافعت عني
سليم ببحة مميزة 
ليان...انا
ليان بابتسامة موجوعة
أكيد عشان صعبت عليك مش كدة؟
سليم اتصدم
إيه؟
ليان
ايوة يعني... طبيعي تدافع عن مراتك لما حد يهينها قدامك
سليم بسرعة 
لا مش عشان صعبانة عليا.
ليان
أمال عشان إيه؟
سليم سكت.
ليان بقهر 
أنا فاهمة يا سليم... متحاولش تجبر بخاطري.
سليم
أنا مش بجبر بخاطرك.
ليان بحزن 
يبقي عشان بتحاول تعوضني عن اللي عملته فيا؟
سليم
لأ.
ليان
أمال ليه قولت كدة ؟
سليم بص في عينيها 
عشان دي الحقيقة.
ليان هزت راسها
لا مش مصدقاك.
سليم
ليه؟
ليان
لأنك طول الوقت كنت شايفني حاجة تانية.
سليم قرب خطوة.
انا كنت غبي.....لأني كنت خايف.
ليان
من إيه؟
سليم
منك
ليان بصتله باستغراب.
سليم 
كنت خايف أكتشف إن جدي كان صح.
ليان باستغراب 
صح في إيه؟
سليم ابتسم بحزن 
في إنه كان عارفني أكتر مني ....عارف إني لو قربت منك... هحبك.
ليان قلبها دق بعنف.
ليان
سليم...
سليم قاطعها 
أنا بحبك يا ليان.
ليان اتثبتت مكانها وبصتله وكأنها مش مصدقة.
سليم كمل
ومش عشان شكلك... ولا عشان إنتي مراتي... ولا عشان جدي فرض عليا الجوازة ...أنا بحبك عشان إنتي فعلاا خلتيني احبك
ليان دموعها نزلت وهي بتبتسم فكمل سليم 
حبيت قوتك... حبيت إنك كل مرة كنتي بتتجرحي كنتي بتقفي تاني بقوة .....حبيت طريقتك وإنتي بتدافعي عن نفسك.... حبيت حبك لشغلك..... حبيت ضحكتك اللي بتحاولي تخبيها عني ولما بشوفها قلبي بيتشقلب كيانه وحتى عصبيتك اللي بتجنني حبتها
ليان حاولت تبعد عنه فمسك ايديها سليم وكمل
أنا عارف إني اتأخرت
ليان ببحة 
أوي يا سليم اوي
سليم هز راسه
عارف يا قلب سليم وحقك عليا
ليان بحزن 
عارف إن كلامك ده مش سهل أصدقه؟
سليم بابتسامة
عارف.
ليان بحزن 
وعارف إني مش هقدر أنسى كل اللي قولتهولي؟
سليم 
عارف ومش مستعجل ومش عايزك تسامحيني دلوقتي..عاوز بس فرصة اثبتلك اني بحبك بجد
ليان سكتت
سليم بابتسامة
تعرفي اني كنت بقنع نفسي إنك مش فارقة معايا... بس لما كنتت بشوفك مع رامز بتجنن و كنت ببقى عايز أروح اضربه وأبعده عنك.
ليان لأول مرة ابتسمت وسط دموعها
يعني كنت غيران؟
سليم بابتسامة
بشكل يكسف والله
ضحكت ليان بصوتها وسليم قلبه اتخطف لما شاف ابتسامتها 
أهو... الضحكة دي ...دي أكتر حاجة خلتني أعرف إني وقعت فيكي ...متعرفيش بتعمل فيا ايه
ليان وشها احمر من الخجل وكانت فرحانة اوي 
أنا... مش عارفة أقولك إيه.
سليم بابتسامة
ولا تقولي حاجة غير موافقة اديلك فرصة
ليان بابتسامة 
موافقة يا سليم لاني بحبك اوي
سليم كأنه فجأة بقي اسعد راجل في الدنيا ومسك ايديها وضمها لصدره وهو بيقولها 
اوعدك انك مش هتندمي انك حبتيني يا ليان واني هعيش عمري كله اعوضك واثبتلك اني حبيتك
تمت