عشقتها مشوهة بقلم اسراء ابراهيم

واقفة بتتكلم مع واحد من مديري الأقسام
الشاب كان بيشرحلها حاجة، وهي بتبتسم بهدوء وسليم وقف للحظة وهو مكشر ومضايق اوي وشريف لاحظه.
شريف بخبث 
ايه مالك يا بوس ؟
سليم بضيق 
ولا حاجة 
شريف بخبث 
اومال مركز مع ليان ليه وانت مكشر كدة ؟ ده رامز بيشرحلها حاجة يعني مش يتعرفو
سليم بحدة 
شريف.... متبدأش انا مش ناقصك
شريف
ماشي يا سيدي ....بس انا لو منك هعيد حساباتي يا سليم
سليم اتحرك ناحية ليان ورامز
سليم بضيق 
الملف اللي اديتهولك جاهز ؟
ليان بجدية 
أيوه جهز ...هراجعه بس وأبعتهولك
سليم بضيق 
تمام ....ياريت بقي نبطل رغي ونشوف شغلنا يا مستر رامز
رامز بتوتر 
احم حاضر يا مستر سليم ....انسة ليان بس كانت بتسأللني علي حاجة وكنت بش
سليم بىفهة حاجب 
نعمممم ....انسة مين يا حبيبي ؟ قصدك مدام ليان حرم مدير الشركة
رامز بصدمة وتوتر 
ااانا اسف يا فندم ...بعتذر انا مكنتش اعرف ....بعد اذنكم
ليان بصت لسليم باستغراب 
انت ليه قولتله اننا متجوزين ؟ احنا مش اتفقنا مش هنعرف حد في الشركة ؟
سليم بغيظ وضيق 
لا مقولش واسيبه يسبل ويتنحنح معاكي عادي واقف اتفرج ....روحي يا ليان شوفي شغلك وملمحكيش بتتكلمي مع حد لو سمحتي ...انا بتكلم بادب اهو
ليان بصدمة واستغراب 
تمام
وسابته ومشيت وهي مستغربة رد فعله ومش فاهمة ليه بيعمل كدة وهو وقف يلعن غباءه اللي خلاه يتصرف باندفاعية
....................................
تااني يوم كان خارج سليم منن مكتبه وشاف رامز واقف مع ليان قدلم مكتبها فقبض ايديه بغضب ودخل مكتبه تاني وهو متعصب اوي وكمل اليوم وهو عقله مشغول وكل شوية يفتكر الموقف ويضايق
وفي اخر اليوم ليان كانت قاعدة في مكتبها بتراجع آخر ملف وفجأة سمعت خبط خفيف على الباب
ليان من غير ما ترفع عينها
اتفضل.
سليم دخل وقفل الباب وراه
ليان رفعت عينيها باستغراب
خير يا فندم في حاجة ؟
سليم وقف قدام مكتبها لحظة وبعدين حط ملف على المكتب
سليم بجمود
الملف ده محتاج مراجعة قبل ما يتبعت للإدارة
ليان
حاضر... هخلصه بكرة الصبح ان شاء الله
سليم بجمود 
لأ، الليلة لو سمحتي
ليان رفعت حاجبها
الليلة؟
سليم بضيق 
أيوه انهاردة
ليان
تمام مفيش مشكلة...
سليم اتحرك ناحية الباب بس وقف فجأة 
رامز كان بيكلمك في إيه النهارده؟
ليان رفعت عينيها ببطء
نعم؟
سليم بسرعة
بسأل عادي يعني
ليان
كان بيسألني على تقرير يخص الشغل
سليم بغموض 
ومفيش حاجة تانية؟
ليان استغربت
حاجة تانية زي إيه؟
سليم بتوتر 
ولا حاجة بس هو دايما بيقف معاكي بالشكل ده؟
ليان ابتسمت بسخرية
هو حضرتك بتعمل تحقيق معايا؟
سليم
أنا بس بسأل.
ليان
وأنا مش فاهمة ليه السؤال ده يهمك أصلا
سليم اتوتر
انا ميهمنيش اصلا
ليان
أمال بتسأل ليه؟
سليم
عشان أنا مديرك.
ليان
مديري آه... لكن مش مسؤول عن مين بيكلمني ومين مبيكلمنيش
سليم
أنا مش قصدي كده.
ليان
أمال قصدك إيه؟
سليم سكت ومبقاش عارف يرد.
ليان
سليم... إحنا اتفقنا إنك تسيبني في حالي.
سليم
وأنا سايبك.
ليان
لأ....أنت سايبني جسديًا... لكن طول الوقت عينك عليا وبتراقب تصرفاتي وشغلي وبتقيمني
سليم اتصدم وليان كملت
مرة تعترض على شغلي... مرة تسألني بكلم مين... مرة تتضايق لما حد يكلمني... ومرة تتعامل معايا كأني لازم آخد إذنك في كل حاجة.
سليم بعصبية
أنا مش مقيدك ولا مهتم بيكي بالشكل اللي انتي متخيلاه وكأني بغير مثلا
ليان هزت راسها بهدوء
أنا مقولتش إنك بتغير ...أنت اللي قولت.
سليم اتلخبط
أنا...
ليان قاطعته
متقلقش... أنا مش مستنية منك اهتمام ولا حب ولا حتى قبول ...الفكرة بس انك إنت بنفسك وعدتني إنك هتسيبني في حالي...
سليم بصوت منخفض
أنا ملتزم بوعدي
ليان
يبقى خلاص بقي
سكت سليم وخرج وقفل الباب وراه و أول ما خرج...شريف قابل شريف وهو معدي في الممر
شريف بخبث 
ها؟ ايه الاخبار
سليم بضيق
ها إيه؟ واخبار ايه ؟
شريف بثقة 
يزمتك كنت داخل تقولها على الملف ولا تسألها رامز كان بيقولها إيه؟
سليم بغضب
إنت بتتجسس عليا؟
شريف ضحك
مش محتاج... وشك بيقول كل حاجة لما شوفتك الصبح وانت واقف تتفرج عليهم
سليم بهروب وغضب 
شريف أنا مش ناقصك ابعد عن وشي السعادي
شريف  
يا سيدي ماشي... بس متزوقش....بس بزمتك إنت ليه اتضايقت لما رامز كلمها؟
سليم بهروب 
عادي يعني مضايقتش ولا حاجة
شريف بضحك 
آه طبعا طبعا ...كان باين عليك فعلا انك مضايقتش ولا حاجة
شريف بثقة
إنت غيران يا سليم ولازم تعترف لنفسك الأول وتواجها قبل ما تتكلم مع ليان 
سليم اتوتر وضحك ضحكة قصيرة
أنا؟ بغير علي ليان ؟
شريف
أيوه.
سليم بتهرب 
دي أكتر واحدة أنا مش طايقها اصلا
شريف بسخرية 
ماهو ده اللي مخليك مش عاوز تعترف لنفسك انك حبتها
سليم سكت وشريف ابتسم
فكر بس... إنت من أول يوم قررت تكرهها عشان شكلها والندبة اللي في وشها، بس لما بدأت تعرفها... اكتشفت إنها مش الشخص اللي رسمته في دماغك.
سليم بصله بغضب وسابه ومشي وشريف ابتسم وكمل طريقه
....................................
في البيت...
ليان كانت قاعدة في أوضتها بتقرأ كتاب بس تركيزها مكنش موجود لحد ما سمعت الباب بيتفتح.
سليم دخل ليان رفعت عينيها
هو في حاجة؟
سليم
لأ مفيش
ليان
أمال دخلت ليه هنا ؟
سليم
دي أوضتي انا كمان علي فكرة ومتنسيش اني جوزك
ليان بصتله بصدمة واستغراب وقلبها دق 
صح بس عالورق لمدة سنة متنساش انت كمان ده
سليم بصلها بطرف عنيه ومردش عليها وهي رجعت للكتاب اللي كانت بتقرأه وسليم قعد على الكرسي اللي في وشها و بص للكتاب اللي في إيدها.
سليم
بتقرأي إيه؟
ليان رفعت عينيها باستغراب
إنت بتسألني؟
سليم
أيوه... سؤال عادي يعني
ليان
تمام ...دي رواية
سليم بتردد 
حلوة يعني ؟
ليان
آه حلوة
سليم وهو بيحاول يفتح مواضيع 
عن إيه بقي ؟
ليان باستغراب 
عن واحد بيحب واحدة ومش عارف يعترف
سليم بابتسامة
رومانسية يعني؟
ليان ابتسمت
أيوه.
سليم
ومين اللي مش عارف يعترف بقي ؟
ليان
البطل طبعا
سليم بتلقائية 
غبي اوي ...ما يقولها علطول ..... لو بيحبها يقولها ...ايه اللي مانعه
ليان بصتله شوية 
مش دايما الموضوع بالبساطة دي علي فكرة
سليم 
وإيه اللي معقد الموضوع بقي ؟
ليان بتنهيدة 
الخوف
سليم باستغراب 
الخوف من إيه؟
ليان
إنه يقول اللي جواه... فيخسرها
سليم سكت وسرح في جملتها وليان رجعت للكتاب.
سليم
إنتي بتصدقي الكلام ده؟ إن حد ممكن يحب حد ويخاف يقول.
ليان بابتسامة
اه علي فكرة وفي كتير اوي كدة
سليم
وليه يخاف يقول طيب ؟
ليان
يمكن عشان اتوجع قبل كده.
سليم بقصد 
ولو الشخص اللي قدامه مستنيه؟
ليان بحزن 
يبقي اكيد هو الاول استناه كتير لحد ما تعب وزهق 
سليم سكت وليان كمان فقام هو بحيرة
سليم
تصبحي على خير.
ليان
وانت من أهل الخير
....................................
بعد كام يوم في الشركة...
ليان كانت واقفة في اجتماع مع مجموعة من الموظفين، وبتشرح نقطة في المشروع بثقة.
رامز
بصراحة يا مدام ليان التحليل اللي عملتيه ممتاز
ليان
شكرا يا مستر رامز .....
رامز
لو ينفع بعد الاجتماع أراجع معاكي الجزء الأخير انا عارف كويس اوي كام نقطة فيه هتفيدك في الاجتماع الجاي
ليان بهدوء 
تمام مفيش مشكلة
من بعيد...سليم كان واقف بيتابعهم وشريف واقف جنبه.
شريف
صباح الغيرة
سليم بضيق 
اسكت يا شريف انا مش ناقصك 
أنا مش غيران ....أنا بس مش عاجبني أسلوب رامز.
شريف بخبث 
أسلوب إيه بقي ؟
سليم
بيتكلم معاها كتير.
شريف 
ايوة بس ده شغل.
سليم
أنا عارف يا شريف وابعد عن دماغي وسيبني في حالي
ضحك شريف ومشي وبعد دقايق الاجتماع خلص ورامز قرب من ليان 
ليان لو فاضية نراجع الملف؟
ليان بابتسامة 
أكيد.
صوت سليم جه من وراهم
هي مش هتراجع حاجة بعد الغدا.
ليان لفتله باستغراب
نعم؟ ليه بقي ؟
سليم بجدية 
عشان عندي شغل تاني ليكي مهم
رامز
بس الملف محتاج ل
سليم قاطعه
أنا المدير هنا يا رامز.
رامز سكت
حاضر يا فندم ...اللي حضرتك تشوفه بعد اذنكم
ليان بصت لسليم
هو إيه الشغل؟
سليم
تعالي علي مكتبي
ليان
حاضر 
ودخلت وراه وأول ما الباب اتقفل ليان بصتله بحدة
هو إنت بتعمل إيه بالظبط ممكن افهم ؟
سليم
بعمل شغلي
ليان
لأ... إنت بتضايقني
سليم
إزاي؟
ليان بضيق 
قولي بصراحة... ليه منعتني أراجع الملف مع رامز؟
سليم سكت وليان قربت خطوة
إنت خايف علي شكلك قدام الناس مش كدة ؟
سليم اتفاجئ بكلامها 
أنا؟!
ليان بغضب 
أيوه .....ازاي مرات مدير الشركة تقف تتكلم مع موظف فقولت شكلي وبرستيجي بفي
سليم رد بحيرة
ليان انتي مش فاهمة حاجة خالص صدقيني
ليان بجمود 
تمام يا سليم
واتحركت ناحية الباب فوقفها هو بصوته 
استني يا ليان
ليان وقفت وسليم بصلها بس مقدرش يقول الحقيقة 
الملف... أنا هراجعه معاكي بنفسي ...لو ممكن
ليان ياستغراب 
ليه؟
سليم بابتسامة
عشان أنا المسؤول عنك واولي من اي حد اني اساعدك
ليان ابتسمت ابتسامة صغيرة 
تمام يا سليم
وليان قعدت قدامه وسليم فتح الملف...
وهو لأول مرة يبقي مبسوط كدة وهو مع ليان
...................................
بعد كام اسبوع ليان كانت ماشية في ممر الشركة وماسكة ملف في إيدها، ووقفت قدام مكتب سليم وخبطت خبطتين خفاف على الباب وفتحت الباب و أول ما دخلت... وقفت مكانها لما شافت بنت قاعدة قدام مكتب سليم، جميلة جدًا وشيك، ولابسة بدلة أنيقة، وشعرها مترتب، وكانت بتتكلم مع سليم بدلع واضح.
البنت بابتسامة
يعني يا مستر سليم حضرتك شايف إن العرض ده محتاج تاخد وقت تفكر فيه ؟ علي فكرة بقي شركتي عروضها جامدة جدا متتقاومش
ليان وقفت ثواني مكانها وملامحها اتغيرت للحظة وحاجة جواها اتقبضت وبصت للبنت من فوق لتحت، وبعدين بصت لسليم.
وسليم أول ما لمحها اتوتر 
ليان...تعالي واقفة عندك ليه ؟
ليان قاطعته ببرود
معلش... هقاطعكم 
البنت بصتلها بابتسامة فضول وليان قربت وحطت الملف على المكتب قدام سليم.
الملف اللي طلبته... محتاج إمضتك هنا وهنا.
سليم حاول يخفي توتره
آه... حاضر
فتح الملف وبدأ يقلب فيه وليان وقفت قدامه مستنية.
البنت
متنساش يا سليم حفلتي انهاردة بليل ....صدقني هتتبسط جدا وهتشوف كل اصحاب الشركات المنافسة
سليم بصلها بجدية 
انا مليش في جو الحفلات ده يا ريهام
ليان شدت إيديها على بعض 
خلصت؟
سليم
اه يا ليان بس انتي مستعجلة ليه ؟
ليان بصوت ناشف 
اه مستعجلة