قمر صعيدي بقلم اسراء ابراهيم حصري علي موقع ايام
اسكربت
قمر صعيدي
شايفة يا مرت عمي بيرجص كيف اني هطج من جنابي بجي ده رعد اللي طول حياته جد كانه رايد يكيدني بيها بت الشهابي
رابحة بغمزة يا هبلة ده انتي الاصل هي حيالا اهنه بس عشان تجيب الواد لكن انتي اللي الجلب
قمر بحزن جصدك اني اللي معيوبة ولازمن احط جزمة في خشمي انا كان ممكن اجلب الدنيا واطلج ده انا بت شيخ البلد بس هجول ايه في جلبي اللي مش شايف غير رعد
رابحة بتوتر انتي خابرة زين يا جمر ان رعد مكنش موافج علي الموضوع ده بس انتي اللي صممتي وجلبتي الدنيا عشان يتجوز يبجي خليكي واثجة في نفسك بجي للاخر واعرفي ان رعد مش ممكن يعشج حد غيرك يا هبلة
كانت بتسمع قمر كلام مرات عمها وهي بتبص لرعد اللي الفرحة باينة عليه ومش قادر يخبيها وكانت حاسة ان في حاجة غلط الكلام متناقض ومش باين ان رعد غصب عنه ولا حاجة زي ما هو واهمها لكنها استغفرت ربها عشان تبعد الشيطان اللي عاوز يخرب عليها
رابحة بتوتر بجولك يا جمر انتي الليلة دي متباتيش لوحدك روحي مع ابوكي وامك خليكي معاهم يومين
قمر بحسم لا يا مرت عمي انا مش هسيب بيتي ابدا معلش بس هسيب الفرح واطلع علي فوج انا رايدة اكون لحالي
طلعت قمر تحت نظرات رابحة اللي كانت بتبص لرعد مع عروسته الجديدة بقلق ودعت ان ربنا يستر
بعد الفرح كان واقف رعد في اوضته قدام مراته الجديدة بدور
رعد بفرحة يا ابوي انا مش مصدج حالي بجي اخيرا بجيتي ليا يا بدور
بدور بدلع اني اللي مش مصدجة حالي يا رعد كنت فاكراك خلاص نسيتني لما اتجوزت
رعد بلهفة وه انساكي كيف يعني الله يجازي اللي كان السبب تعرفي الخمس سنين دول عدو عليا كأنهم عشرين سنة
بدور بدلع ايوة فاكر يا رعد لما كنت بتجيلي عالترعة عشان تشوفني وجتها كنت بفضل ابصلك واملي عيني منك ولما اتجدمتلي كنت حاسة اني اسعد بت في الدنيا بس وجتها بجي ابوي رفض وصمم اني اتجوز واد عمي
رعد بضيق
بدور بغيظ يا سلام هتضحك عليا يا رعد ولا ايه فكرك اني مش خابرة انك مكنتش رايد تتجوز واتجالي انك رفضت وجولت لاه وان مرتك هي اللي صممت
رعد بلهفة يا بت افهمي متجفليش مخك اكده ده كانو شويتين اكده عشان بس متزعلش انتي خابر برضك انها مبتخلفش يعني مكسورة
بدور بغيظ وه عامل علي زعلها ومشاعرها جوي يا حبيبي
رعد بابتسامة انا شايفك بتغيري اهو جوليها
بدور بخبث ومغير عليك ليه مش حبيبي وجوزي بس اسمع البت دي خلاص مبجاش ليها لازمة عندك يعني متجولييش هروح عنديها
رعد بتوتر مينفعش يا بدوى جمر برضك مرتي وانا مشوفتش منها غير كل خير انتي خليكي في حالك وهمليها لحالها ولازمن اكيد هبات عنديها ايام بس المهم انك خابر اللي في الجلب مين
بدور بمكر عنديك حج يا حبيبي يلا خش بجي اتحمم وانا هغير هدومي
رعد بلهفة ماشي يا جلبي ده باينها ليلة حلوة جوي
دخل رعد الحمام بعد ما اخد هدومه ووقفت بدور تبص حواليها بسخرية ومن جواها بتكلم نفسها
بدور لنفسها خليك فاكر اني عاشجاك يا ابن العمدة متعرفش انك كنت بالنسبالي صيدة لاجل ما اخرج من الفجر وهعمل المستحيل عشان مرجعلوش تاني وبكرة تشوف
تاني يوم كانت واقفة قمر بتساعد ام سعد الشغالة في المطبخ زكانت بتعمل الفطار وهي باين عليها الحزن وخصوصا انها توقعت ان رعد هيجيلها بليل وهيحاول يراضيها او يواسيها بس حتي مفكرش يعمل كدة في نفس الوقت دخل كامل ويبقي اخو رعد الاصغر منه بسنتين
كامل بابتسامة صباح الخير يا مرت اخوي كيفك انهارده
قمر بحزن زينة يا كامل كيفك انت
كامل باستغراب وه زينة كيف وانتي باين عليكي حزينة اكده حصل ايه عاد اوعي يكون موضوع رعد وجوزاه انا نفسي كنت معارض
قمر بقهرة تخيل يا كامل حتي مبصش في وشي ولا جه في باله يطل عليا اني كاني حاسة ان علي هواه الجوازة دي وما صدج
كامل بصلها باستغراب وكان هيتكلم بس اتدخلت رابحة امه اللي جت من وراه بعد ما سمعت كلامهم
رابحة بسرعة ايه اللي بتجوليه ده بس علي هواه كيف يعني ما كان علي يدك كل حاجة وانتي اللي اتحايلتي عليه عشان يتجوز ويخلف انتي بس كبري دماغك دي ورعد هتلاجيه بيجري عليكي اهم حاجة متنكديش عليه وعلي نفسك
قمر بحزن حاضر يا مرت عمي هروح احط الوكل عالسفرة
مشيت قمر وخرجت من المطبخ ووقتها كامل بص لامه بشك
كامل بجدية ممكن اعرف انتو جايلين لجمر ايه بالظبط هي متعرفش ان رعد هو اللي كان رايد يتجوز وان الموضوع مش موضوع الخلفة
رابحة بلهفة وه وطي حسك يا كامل اكيد طبعا مكناش هنجولها اخوك مش رايد وجع دماغ هي خابرة انها مبتخلفش يعني اكيد كان اخوك هيتجوز مش فارجة بجي هيتجوز واحدة رايدها ولا واحدة مش رايدها
كامل بغضب مكتوم اللي بتعملوه ده غلط وميرضيش ربنا وولدك اللي فرحانة بيه بكرة يندم عشان البنتة الغلبانة دي متستاهلش انه يضحك عليها يا اما وبكرة تجولي كامل كان عنديه حج
مشي كامل بغضب وساب رابحة تبص لمكانه بقلق وحيرة وهي بتدعي ان كل شئ يعدي علي خير
عالسفرة كانو قاعدين كلهم ما عدا رعد وبدور اللي كانو نازلين سوا عالسلم وبيضحكو بصوت عالي وقمر كانت متابعهم بقهرة وحزن وكان متابعها هي كامل بشفقة اما رعد ازل ما لمح قمر ونظراتها ليه سكت ونزل بهدوء
رابحة بابتسامة الف مبروك يا حبيبي تعالي اجعد اجعدي يا عروسة
بدور بخبث شكرا يا عمة تعالي يا رعد اجعد جاري يا حبيبي
رعد بتوتر وهو بيقعد جمب بدور اخبارك ايه يا كامل
كامل بضيق زين يا اخوي ياريت تجول لمرتك الجديدة بعد اكده تنزل وهي حاطة طرحة علي شعرها هي خابرة ان في راجل غريب اهنه
بدور ببرود
كامل قام بضيق حديتي مش معاكي عشان تردي انا بتحدت مع راجلك
رعد بجدية عنديك حج يا كامل وانتي يا بدور غطي شعرك ده يلا عيب اكده
رفعت بدور طرحتها علي شعرها بغيظ وهي بتبص لكامل اللي اتجاهلها وسابهم ومشي ووقتها قامت قمر هي كمان بزعل لان رعد حتي مبصلهاش
رعد بتوتر وه رايحة فين يا جمر انتي مكملتيش فطورك
قمر بعتاب زين انك خدت بالك اني لساتي عايشة اصلا وانك كنت متجوز جبل مرتك الجديدة
قالت قمر كلامها وطلعت علي اوضتها ورعد اضايق لامه فعلا نسيها خالص وكان هيقوم يروح وراها بس وقفته بدور
بدور بغيظ رايح فين يا رعد اجعد مش هتروح وراها كانها فارجة معاك جوي
رابحة بصدمة وه بتجولي ايه يا بت انتي ماهي مرته كيف ما انتي مرته يا حزينة روح يا ولدي راضي جمر دي مهما كان مرتك وبينكم عيش وملح
رعد طلع فعلا لقمر وبدور نفخت بغيظ وكانت هتقوم هي كمان بس وقفتها رابحة
رابحة بثقة رايحة فين عاد يا عروسة
بدور ببرود رايحة اوضتي يا عمة ممكن ولا مش ممكن عاد
رابحة بسخرية ممكن ياختي بس انتي تشيلي الوكل الاول فاكرة نفسك بجيتي هانم ولا ايه اياك تكوني نسيتي الترعة اللي جيتي منها
بدور بغيظ حاضر يا عمة يا سلام انتي تؤمري
وكملت بدور بينها وبين نفسها اتمكن من رعد بس واحبل بالواد وهوريكي يا حيزبونة انتي والعجربة اللي اسمها جمر
كانت قاعدة قمر بتعيط قدام رعد اللي مكنش عارف يقول ايه ويبرر تصرفاته ازاي
رعد بتردد يا جمر يا حبيبتي مالك بس والله علي عيني اشوفك بتبكي اكده حجك عليا لو اني زعلتك ماشي
قمر بانهيار انت بتجول اكده كيف وانت السبب في دموعي انت جولتلي انك عملت اكده عشاني وانا مش شايفة ده ده انت مفكرتش تبصلي من عشية حتي مخدتش بالك اني مش اهنه واني حزينة لحالي انت اتغيىت من اول يوم جواز يا رعد فهمني ليه ده
رعد بكدب يا حبيبتي حجك عليا انا بس
