قمر صعيدي بقلم اسراء ابراهيم حصري علي موقع ايام
عملت ينسون وخلاص
كامل بقلق طب خلاص روحي انتي ارتاحي وانا هتحمم واحضر انا الوكل بس هتاكلي معايا
قمر كانت مستغربة معاملة كامل ليها حنيته دي غريبة اوي يمكن عشان اول مرة تعيش اللحظات دي وان حد يخاف عليها اوي كدة
قمر بابتسامة لا طبعا انت تعبان وطول النهار شغال انا هحضر الوكل متجلجش انا زينة يلا روح انت بجي
كامل بتردد طيب اوعديني لو حسيتي بأي حاجة تجوليلي علطول ونروح للحكيمة ماشي يا جمر
قمر بابتسامة حاضر يلا روح بجي
كامل ابتسم وسابها وطلع وراحت قمر تحضر الاكل وعقلها مشغول بمعاملة كامل وانها اول مرة تحس ان حد بيخاف عليها اوي كدة
قمر بصوت عالي يلا يا كامل الوكل هيبرد
كامل ابتسم وهو بيقرب واتفاجأت بيه قمر بيسحب ايديها بحب تسلم يدك يا جمري
قمر قلبها دق وسحبت ايديها بخجل وهي بتقعد عالسفرة وبتبص لكامل بتوتر
كامل بابتسامة انا رايدك تغمضي عنيكي عندي ليكي مفاجأة
قمر بابتسامة بجد ايه هي
كامل بتحذير منا لو جولتلك مش هتبقي مفاجأة يلا غمضي
غمضت قمر ووقتها لقت كامل بيلبسها دبلة ففتحت وبصتله وابتسمت وهي بتبص عليها بصدمة
قمر بصدمة وه يا كامل دي غالية جوي انت ليه كلفت نفسك
كامل بابتسامة الدنيا كلها متغلاش عليكي يا جمري
قمر بخجل احم طب مش هتاكل بجي يلا انت مكلتش حاجة من الصبح
كامل بتعب اه والله يا جمر تعرفي هموت وانام هاكل لجمة واطلع اريح احسن هصحي بدري كالعادة
قمر بصتله بتردد وكانت عاوزة تقول حاجة بس مترددة
كامل بابتسامة جولي يا جمر رايدة تقولي ايه
قمر بتردد بصراحة اكده اني من وجت ما جيت هنا وانا بخاف انام لوحدي ودايما بحلم بكوابيس اصلي مش متعودة انام لحالي
كامل بتلقائية والله انا عندي حل بس اخاف تفهميني غلط بس هجولك وخلاص تعالي نامي معايا في اوضتي ومتجلجيش انا هنام عالكنبة
قمر باحراج اايوة بس يعني كدة هخليك تسيب فرشتك عشاني
كامل بابتسامة ولا يهمك يا جمري المهم انك تبجي مطمنة وتنامي وانتي مرتاحة
قمر بابتسامة تسلم وتعيش يا كامل بجد انت راجل زين
كامل بهيام وانا مش رايد غير بنتة واحدة يا جمر ادعيلي تكون من نصيبي
اتوترت قمر وقامت بخجل وهي بتقول انا هطلع انقل حاجتي بجي وانت لما تخلص وكل ابجي نادم عليا
مشيت قمر بسرعة من نظرات كامل اللي بتوترها وكانت مستغربة احساسها اوي ناحيته وتوترها اول ما بيتكلم معاها كدة بطريقته بس كالعادة لما بتفكر في كدة بتحاول تغير تفكيرها وتهرب لاي حاجة تانية
عدي فترة علي كامل وقمر كانو اخدو علي بعض اكتر وخصوصا قمر اللي كانت مشاعرها بتزيد ناحية كامل يوم عن يوم بس كالعادة مش عاوزة تعترف بيها كانت واقفة مستنية كامل لانه اتأخر اوي وتليفونه مقفول والساعة عدت اتنين الصبح وكانت كل شوية تروح ناحسة الشباك وقلبها مقبوض ودموعها تنزل كل ما تفتكر انه ممكن يكون حصله حاجة وكانت خايفة اوس واول مرة تحس الاحساس الوحش ده من يوم ما اتجوزت كامل انتبهت قمر لصوت قفل الباب بلع ريقه بتوتر و ضربات قلبه ذادت لانه مكنش متوقع حاجة زي دي ووقتها غمض عنيه بسعادة وهو بيحاوطها بايديه بس صوت شهقاتها خلاه يقلق عليها
كامل بلهفة مالك يا جمري فيكي ايه
قمر بغضب وعياط وهي بتبعد عن كامل انت اتأخرت جوي خوفت يكون حصلك حاجة انت حتي قفلت تليفونك ليه عملت اكده
كامل بلهفة حجك عليا بس واحد صاحبي تعب وروحت معاه المستشفي وفضلت جمبه وتلفوني فصل شحن بس ده اللي حوصل
قمر بغضب كان ممكن تكلمني من اي تليفون تطمني عليك لكن انت مهمكش ونسيتني وهملتني اهنه اموت من القلق والخوف
كامل بحنان حجك عليا يا جمر مكنتش اعرف اني فارج معاكي جوي اكده انا جولت انك هتفرحي انك هتجعدي لحالك يوم بحاله
قمر بغضب وهي بتمسح دموعها انت اناني وعندك حج انا بعد اكده مش هيفرج معايا وجودك وغيابك انا اللي غلطانة
كان كامل هيتكلم بس قمر سابته وطلعت علي اوضتها اللي كانت بتنام فيها وقفلت علي نفسها وفضلت تعيط بطريقة غريبة هي نفسها كانت مستغربة خوفها علي كامل يالطريق دي وانها كانت هتموت من القلق عليه وكانت بتسأل نفسها ازاي وامتي كامل فرق معاها اوي
تاني يوم فضلت قمر في اوضتها وكامل كان عارف انها بتعاقبه فراح عندها وخبط عالباب بس قمر مردتش فقلق اوي
كامل بقلق جمر افتحي رايد اجولك علي حاجة
قمر بضيق وانا مش رايدة هملني بجي لحالي
كامل براحة بجي اكده ماشي يا جمري بس متزعليش بجي لو اني بت برة البيت انهاردة وهملتك تباتي اهنه لحالك
قمر فتحت الباب بغضب ووقتها كامل
ابتسم حجك عليا يا جمري اوعدك اني مش هتأخر تاني اكده ولو حصل هكلمك اول هام جبل ما اروح في اي حتة
قمر بهدوء ماشي يا كامل بس لو اتكررت تاني
كامل بلهفة وجتها حضريلي شنطتي ووديني عند امي غضبان ايه رأيك
ابتسمت قمر غصب عنها علي كلام كامل ووقتها كامل ابتسم ومسك ايد قمر اللي كانت بتبص في عنيه
كامل بابتسامة عمري ما كنت اتخيل اني ممكن اجف جصادك وامسك يدك اكده يا جمر كاني بحلم
قمر بخجل وهس بتسحب ايديها طب انا هروح احضر الفطار تيجي تساعدني
كامل بابتسامة لا تعالي انتي بس معايا وانتي تشوفي
سحب كامل ايد قمر واخدها للسفرة اللي كان عليها الفطار جاهز
قمر بصدمة وه انت عملت كل ده ميتي
كامل بحب وهو انا اطول احضر الفطار لمرتي برضك وبعدين حبيت اصالحك اكمنك واخدة علي خاطرك مني
قمر بابتسامة تسلم يدك كفايا انك فكرت تراضيني ده اهم حاجة عندي
كامل كان هيتجرأ ويعترف بحبه ليها وكان عنده امل انها تكون بتبادله نفس الشعور بس قطع كلامه خبط الباب
قمر بابتسامة ده مين اللي حماته بتحبه جوي اكده وهياكل من يدك
كامل ضحك وراح يفتح وكانت رابحة امه
كامل بابتسامة اهلا ياما حماتك بتحبك تعالي اتفضلي
رابحة بابتسامة كيفك يا ولدي لجيتكم مش باينين جولت اجي اطمن عليكم
قمر بابتسامة نورتي الدار يا مرت عمي تعالي اتفضلي هناكل سوا
قعدو كلهم عالسفرة وكانت رابحة سرحانة وباين عليها القلق وقمر شاروت لكامل يشوفها مالها
كامل بقلق وه مالك ياما فيكي ايه من وجت ما جيتي وانتي سرحانة خالص
رابحة بحزن هجولك ايه يا ولدي احنا بجالنا شهر عالحال ده ومرضيتش اجولك عشان متزعلش
كامل بقلق
رابحة بتنهيدة اخوك يا ولدي مرته طلعت بت حرام خليته كتبلها كام فدان بحجة انها تضمن حج ولدها اللي خلفته وبعد كام يوم هملت الواد وباعت الكام فدان وطفشت
قمر بصدمة يا مري ليه اكده تهمل ولدها ده غيرها بيتمني ضفره طب حتي تاخده معاها منها لله
كامل بجدية وهو بيبص لقمر انا جولتله ياما ان البنتة دي مش سهلة بس هو مصدجنيش ربنا يعوض عليه ويرزقه ببت الحلال اللي بحبه لحاله مش لفلوسه
قمر بصت لكامل باستغراب و انسحبت وسابتهم ودخلت المطبخ وهي من جواها مضايقة اوي ومخنوقة لحد ما سمعت صوت كامل من وراها
كامل بغموض جومتي ليه يا جمر
قمر بغضب يعني مش خابر ليه انت كنت تجصد ايه بحديتك اللي جولته
كامل بتكشيرة جولت ايه يا جمر كنت بدعي لاخوي انتي ايه اللي يزعلك في اكده
قمر بعتاب بتدعي لاخوك وانت بتبصلي يا كامل انت شاكك اني لساتي عاشجة رعد
كامل وهو بيضغط علي ايديه جامد ولازمته ايه الحديت ده دلوك يا جمر رايدة توصلي لايه يابت الناس
قمر باصرار جاوبني يا كامل حالا انت فعلا مفكر اني لسة بحب رعد
كامل بحيرة وغضب مخبرش يا جمر مخبرش بطلي تتحدتي في الموضوع ده بجي عاد
قمر بتردد طب هسألك بطريجة تانية يمكن تفهم انت لساتك عاشجني يا كامل ولا لاه
كامل بصدمة انتي بتجولي ايه هو ده سؤال اصلا تفكر تسأليني فيه ما انتي خابرة اجابته يا جمر لو بصيتي في عنيا هتلاجي الاجابة لو اديتي نفسك فرصة هتعرفي انا عاشجك قد ايه
قمر ابتسمت بتلقائية واتنهدت براحة و كامل كان متابعها بقلق وخوف من انها تفكر
تسيبه بس اتفاجئ بيها
قمر بهمس وانا بجولك اني كمان عاشجاك يا كامل يمكن لما دخلت البيت ده كنت متوكدة انه هيشوف اكتر اوقات حزني بس عشان انت معايا فيه بقي فيه اجمل واسعد لحظات حياتي واتوكدت فيه اني عشجتك يا كامل ورايداك جوزي وحبيبي وسندي
كامل كان مغمض عنيه ومش مصدق ان قمر بتقوله انها بتحبه من فرحته اللي مكنش
