قمر صعيدي بقلم اسراء ابراهيم حصري علي موقع ايام
بقت تعيط لانها مكنتش عاوزة تتجوز من الاساس وخصوصا كامل اللي كانت بتحترمه لانه هو الوحيد اللي سأل عليها من وقت ما اطلقت وكان دايما بيشوفها محتاجة حاجة ولا لا فكانت بتعتبره اخوها
كان داخل كامل من البيت وقت ما بيرجع كل يوم بس المرادي كان مستنيه رعد اللي باين عليه الغضب واول ما شافه قام وقف قدامه فاتنهد كامل بضيق
كامل بضيق خير يا اخوي مستنيني في حاجة
رعد بسخرية وه هيكون في ايه يعني يا كامل دي حاجة بسيطة انت رايد تتجوز مرتي بس
كامل بتحذير الزم حدودك يا رعد جمر طليجتك مش مرتك وانت اللي طلجتها بخوطرك وخلاص هي معدتش تلزمك فايه المانع
رعد بغضب انت رايد تجنني يعني ايه الحديت الماسخ ده بجولك كانت مرتي هتتجوزها كيف وبعدين كيف تفكر اصلا في حاجة زي دي يا محترم انت خابر الناس هتجول علينا ايه
كامل بهدوء اولا انا جولتلك انها كانت مرتك يعني دلوك هي حرة ثانيا بجي ميهمنيش حديت الناس ولا يفرج معايا ثالثا بجي وده الاهم عمك عزيز شيخ البلد هو اللي طلب مني اتجوزها وانا وافجت يعني مش اني اللي روحت طلبتها عشان تلوم عليا رابعا بجي من اهنه ورايح مش رايد تجيب سيرة جمر علي لسانك لانها هتبجي مرتي ونصيحة مني يا رعد خليك في حياتك اللي انت اخترتها عشان متخسرش الاتنين وتبجي خسرت كل حاجة
قال كامل كلامه وساب رعد الغضب عاميه وكان رايح جاي بغضب وهو مضايق لانه معرفش يرد علي كامل
بارك الله لكما وبارك عليكما وجمع بينكما في خير
اول ما قال المأذون جملته المشهورة الكل بقي يزغرط وكانت قمر واقفة حاسة انها في دنيا تانية كانت بتبص لكامل وهي مش مستوعبة انه بقي جوزها خلاص فكانت مخنوقة اوي وهي بصاله والدموع في عينيها وهو لاحظ ده فاضايق اوي وبعد شوية اخدها ومشيو علي بيتهم واول ما دخلت قمر بثت تبص حواليها بحزن لحد ما سمعت صوته من وراها
كامل بابتسامة نورتي
قمر لفت وشها وردت باستغراب من وجت ما عرفت وانا هتجنن واعرف انت ليه وافجت حتي لو ابوي اللي جالك تتجوزني مرفضتش ليه وهو مكنش هيلومك ولا هيعتب عليك ليه وافجت يا كامل ده انا كنت بعتبرك اخوي وكنت بعزك جوي ده انت الوحيد اللي وجفت جاري وبجيت تسأل عليا
كامل بتنهيدة انا خابر انك رايدة تسأليني من زمان بس انا هجولك يا جمر هريحك واجولك الحجيجة وهسيبلك انتي الجرار من جبل ما تتجوزي انتي ورعد واني جلبي ميال ليكي يا بت عمي كنت مستني اخد الشهادة واطلبك من عمي علطول بس ابوي سبجني وطلبك فعلا بس لاخوي
قمر بصدمة وهي بتبتص لكامل كامل انت بتجول ايه
كامل بتنهيدة ايوة يا جمر دي الحجيجة اللي كتمتها في جلبي خمس سنين اول ما عرفت ان ابوي طلب يدك لاخوي سكت وجولت خلاص مش نصيبي ويعلم ربنا اني كنت ببعد عنك وكنت خابر حدودي زين وحتس مكنتش بفكر فيكي بيني وبين نفسي وكنت بعاملك فعلا زي خيتي وحتي لما اطلجتي يا جمر مكنتش بفكر فيكي ولا حاولت حتي اصحي مشاعري ناحيتك لاني كنت خابر انه مينفعش خلاص بس عمي عزيز بجي جالي وفاتحني في الموضوع وجتها حسيت كأنها اشارة من ربنا ان ليا نصيب فيكي يا بت عمي ووافجت صدجيني يا جمر انا مش مستني منك حاجة ولا اي وعود بس كفايا عليا تبجي جاري
قمر مكنتش عارفة ترد من الصدمة مش متخيلة ان كامل طلع بيحبها من قبل ما تبقي مرات اخوه
قمر بتهتهة كامل انت اتجنيت كيف تفكر اكده انا عمري ما هشوفك غير اخوي انا عمري ما هعشجك يا كامل ولا اشوفك كيف ما انت بتجول كيف تجولي اكده
جريت قمر علي اوضتها وهي لسة في حالة الصدمة ومش مستوعبة اللي حصل واللي قاله ليها كامل وهو كان واقف باين عليه الخزلان وللحظة حس انه اتسرع وانه مكنش فعلا للزم يوافق لان قمر عمرها ما هتشوفه غير اخوها
تاني يوم كانت واقفة قمر قدام المرايا بتبص لعنيها المنفخة لما خبط كامل
كامل بهدوء صباح الخير يا جمر امي تحت مع مرت عمي رايدين يشوفوكي
قمر بتوتر طيب انا هنزل اهو يا كامل
كامل بتردد جمر الحديت اللي دار بيني وبينك يفضل بيناتنا مش رايد الموضوع يكبر وابجي حديت الناس
قمر باندفاع متجلجش يا كامل محدش هيعرف حاجة عن الحديت ده لاني هعتبره محصلش من اصله وياريت انت كمان تنسي اللي جولته وتتعامل معايا كيف زمان اني خيتك وبس وانا اللي بجولك يا واد عمي لو رايد تتجوز اتجوز يا كامل انا مش همانع وكفايا عليا اني جاعدة في دار لحالي من غير ما اختلط بحد ولا حد يشوفني
كامل بص لقمر بصة طويلة وسابها ومشي من غير ما يرد وهي وقفت تتنهد بحيرة وهي مقتنعة ان اللي قالته هو الصح
قمر بابتسامة اهلا ياما كيف يا مرت عمي
رابحة بابتسامة مبروك يا بتي عيني عليكي باردة
قمر بحزن متشكرة يا مرت عمي
وردة ام قمر بفرحة طمنيني يا بتي عاملة ايه مع كامل
قمر بكدب زينة ياما كامل راجل زين وانا خابرة انه هيصوني
رابحة بتلقائية اسمعيني يا بتي رعد ولدي وكامل برضك ولدي بس صدجيني كامل عمرك ما هتلاجي راجل زيه زين الرجال بحج انتي بس اديله فرصة وان شاء الله يكون العوض يا بتي
قم بجدية مالك يا مرت عمي حساكي مش زينة في حاجة مضايجاكي
رابحة بحزن هجول ايه يا جمر عرفت جيمتك يا بتي من يوم لما مشيتي بنت الرفضي بجت بتتعامل كانها صاحبة البيت وخصوصا اما حبلت كانها هي بس اللي بتخلف علطول تتأمر وتتحدت كانه الدار دارها وولدي ماشي وراها وربنا يستر من اللي جاي
قمر بشفقة معلش يا مرت عمي متزعليش وبعدين انتي برضك مش قليلة عرفيها انتي تبجي مين وخليها هي اللي تحت طوعك ولو حكمت عرفي ولدك
رابحة بخيبة امل ولدي ربنا يهديه ويفوج جبل الاوان يا جمر يلا سيبك مننا المهم انتي خلي بالك من دارك ومن جوزك كامل زين بابتي اوعي تزعليه صدجيني حنية الدنيا فيه
كامل
رابحة بابتسامة هو في غيرك يا ولدي بدعيلك ربنا يهدي سرك ويعوض عليكم يارب بالخلف الصالح
قم بصت لكامل اللي بصلها وتعمد يرد علي امه ومين جالك اني رايد عيال يا اما كفايا عليا جمر مالية عليا الدار
ورد بابتسامة يسلم اصلك وتربيتك يا ولدي يلا بينا يا رابحة ولو احتجتي حاجة يا جمر رني عليا هجيلك طوالي
قمر بابتسامة حاضر ياما ربنا يخليكم ليا
مشيت رابحة ووردة وكانت قمر هتطلع اوضتها بس وقفها كامل بصوته
كامل بهدوء انا جعان يا جمر هتوكليني ولا اروح اكل عند امي
قمر ابتسمت غضب عنها لا وعلي ايه يا واد عمي هوكلك وامري لله
كامل بابتسامة زين هروح اني احصر السفرة علي ما تعملي الفطار اني زوج مثالي علي فكرة عمرك شوفتي راجل بيساعد مرته انا بجي لقطة يعني حافظي عليا
ابتسمت قمر بتلقائية وسابت كامل ومشيت عالمطبخ وهو كان متابعها بابتسامة ومن جواه بيتمني ان حلمه يتحقق وتحبه
عدس كام يوم كانت قمر بتعامل كامل بتلقائية وهو كمان كان بيتعامل معاها بطبيعته عشان تاخد عليه كانت قاعدة قمر بتتفرج عالتلفزيون لحد ما دخل كامل من الباب
قمر بابتسامة حمدالله عالسلامة يا واد عمي اتأخرت يعني انهاردة
كامل بتعب اه كان يوم طويل يا جمر جوي بس كله يهون لاجل ما ارجع واشوف عيونك
قمر اتوترت وقلبها دق وبصت لكامل بتوتر بس هو غير الموضوع بسرعة
كامل بابتسامة رايد تحطيلي اكل لاني جعان جوي والله مكلتش طول النهار
قمر بصدمة وه ليه يعني اكده هو الشغل هيطير ولا ايه ما تاكل لجمة خفيفة لاجل ما تقدر تسلب طولك يا اخوي
كامل بتعب عادي طول منا شغال مبفكرش في الوكل اصلا المهم هطلع احمم واغير خلجاتي وانزل تكوني حضرتي وناكل سوا
قمر بهدوء هحطلك الوكل حاضر بس انا مش هجدر اكل لاني معدتي وجعاني
كامل بلهفة ليه اكده حاسة بايه طيب دلوك جوليلي
قمر بابتسامة
