قمر صعيدي بقلم اسراء ابراهيم حصري علي موقع ايام
كنت حاسس انها غريبة اهنه فجولت اطمنها
قمر بقهرة اسكت يا رعد متجولش حاجة تاني انت رايد تزود النار في جلبي روح يا رعد روح لمرتك الجديدة وام ولدك وانا حتي مش هعاتبك واجولك حاجة عشان انا اللي استاهل انا اللي وافجت واتحايلت عليك عشان تتجوز
قمر بجدية انا هروح بيت ابوي اجعد يومين انا محتاجة ابعد
رعد بسرعة ليه بس اكده انا اسف يا حبيبتي بس بلاش تهملي الدار
قمر بسخرية حبيبتي ياااه بجيت احس الكلمة دي غريبة علي جلبي لا يا رعد انا رايدة ابعد عن الدار اهنه مش متحملة اشوفك معاها واشوف دلعها عليك جدامي
رعد بتنهيدة خلاص روحي يا جمر بس هما يومين وهترجعي فاهمة ولا لا
قمر بصت لرعد بخزلان وكأنها كانت مستنية انه يرفض ويصمم انها تفضل معاه وجمبه بس للاسف هو فعلا بقي واحد تاني وهي شايفة ده
عدي كام يوم كانت بمر فيهم بعيدة عن البيت ورعد مفكرش حتي يكلمها يطمن عليها وكأنه ضامنها او بقت بالنسباله شئ مفروغ منه كانت سرحانة قمر لما دخلت عليها رقية امها
رقية بغيظ هتفضلي حاطة يدك علي خدك اكده وسايبة جوزك واحدة تانية تخطفه منك
قمر بحزن وهعمل ايه ياما ده حتي مفكرش يسأل عني كانه ما صدق اني مشيت
رقية بثقة ومش هيسأل طول ما انتي سايباه لمرته التانية ماهي اكيد معوضاه عنك يا خايبة
قمر بتنهيدة يعني رايداني اعمل ايه انا مش هجدر اجف ليها دي واحدة سيطرت علي عجل جوزي في اول يومين ياما كانها سحراله خلته اتغير وبجي واحد تاني
رقية بلهفة يبجي متسكتيش تروحي وتتدلعي علي جوزك وتخليها هي اللي تخاف منك مش انتي خابرة ومتوكدة ان جوزك بيحبك يبجي خلاص اسحبيه ناحيتك يا خايبة
قمر بتفكير تصدجي حتي دي مبجتش متوكدة منها اوجات بيجيلي احساس ان رعد محبنيش اساسا والخديت ده من جبل ما
قمر بتفكير عندك حج ياما
دخلت قمر البيت بشنطة هدومها وكانت بتدور بعنيها علي رعد بس ملقتش حد فطلعت اوضتها تغير هدومها بس وقفت اول ما عدت علي اوضة رعد وبدور وسمعت كلامهم سوا ووقتها قلبها اتقبض ودموعها نزلت من غير ما تربش حتي
رعد بفرحة وه ده الجواز عن حب طلع حلو جوي يا بدور انا عمري ما حسيت اني سعيد الا من بعد ما اتجوزتك
بدور بدلع ايوة طبعا ما انا الاصل والعشج الجديم يا رعد اياك تكون فاكر ان الايام عدت عليا سهلة اكده بعد ما انت اتجوزت اللي اسمها جمر دي ده انا كنت بموت
رعد بثقة مش اكتر مني انا كمان بعد ما ابوكي رفضني كنت هتجنن ولما ابوي الله يرحمه طلب مني اتجوز بت عمي وافجت عشان انساكي بيها بس خلاص اهو لينا نصيب نرجع لبعض من تاني
مشيت قمر علي اوضتها وهي في حالة وحشة اوي كانت صدمتها في رعد صعبة لدرجة ان قلبها واجعها دموعها بتنزل وهي بتفتكر كل موقف عدي عليها هي ورعد وكانت بتحس فعلا انه مش بيحبها ولما كانت بتسأله كان بيتهرب ويرجع يعاملها كويس اوي عشان متشكش فيه كانت بتأنب نفسها علي غباءها اللي خلاها متعرفش حقيقة شعوره ناحيتها ووقتها قررت تقهره زي ما قهرها وبعدين رجعت قالت لنفسها انها عاوزة تبعد بس وتسيبه لحياته وهي كدة كدة مش هتسامحه علي كدبه عليها في نفس الوقت دخل رعد فمسحت قمر دموعها بسرعة
رعد بتوتر حبيبتي حمدالله عالسلامة مجولتليش ليه كنت روحت جيبتك من دار ابوكي
قمر بسخرية لا بتفهم في الاصول يا رعد جوي عشان اكده هملتني اسبوع وحتي مفكرتش تسأل عني بس انا عذراك العروسة الجديدة برضك ليها شنة
رعد بسرعة وتبرير حجك عليا والله انا بس جولت اهملك تغيري جو ومضغطش عليكي يعني كيف ما انتي كنتي رايدة
قمر بثقة طلجني يا رعد والا
رعد بصدمة انتي عرفتي كيف جمر عشان خاطري اسمعيني الاول يا بت عمي
قمر بغضب مهسمعش حاجة يا رعد دلوك بتجول بت عمي عمك شيخ البلد اللي انت مراعتش بته وروحت ضحكت عليها ده لو جاله خبر باللي انت عملته مش بعيد يجرسك في البلد كلها بس انا بجي خلاص مبجتش تفرج معايا وهطلج منك وانت اشبع بالسنيورة بتاعتك منك لله عيشتني في نار وخلتني احس اني معيوبة وكل ده عشان تخليها تيجي مني وانا اللي اجولك اتجوز وتروح انت تتجوز السنيورة بحجة الخلفة مش مسامحاك يا رعد طلجني بجولك
رعد بقلة حيلة انتي طالج يا جمر
قمر بدموع وصوت مخنوق دلوك هجولك اني مش مسامحاك يا رعد وبكرة تجيلي ندمان وانا اللي هجولك مكنش يتعز يا واد عمي عشان خلاص خرجتك من جلبي
عدت سنة عالاحداث اللي حصلت كانت قمر للاسف مش قادرة تتخطي اللي حصل ليها من رعد كانت مقتنعة انها خلاص كرهته بس للاسف مش قادرة تنسي اللي عمله معاها وخصوصا لما عرفت ان مراته حامل وانه عايش حياته وهي الوحيدة الخسرانة انتبهت قمر لصوت ابوها اللي دخل ليها اوضتها بعد ما خبط كتير ومسمعتوش
عزيز بجدية وه ما انتي صاحية اهو يا جمر اومال مش بتردي ليه بجالي ساعة بخبط
قمر باحترام حجك عليا يا ابوي انا شكلي كنت سرحانة شوية اتفضل اجعد
عزيز بابتسامة وهو بيقعد خابر انك لساتك متأثرة باللي حوصل معاكي بس متجلجيش ربنا هيعوضك يا بتي يعلم ربنا اني كنت حزين لما اطلجتي من واد عمك انا كنت رايد لن العيلة تفضل جوية بيكم وبنسلكم من بعدنا انا وعمك العمدة
قمر بتنهيدة النصيب يا ابوي وبعدين حضرتك اكيد مش هترضالي
عزيز بتلقائية وه كفا الله الشر يا بتي متجوليش اكده لا عاش ولا كان اللي يكسرك يا بت الغالي وعشان اكده اني جررت اني اخلي راسك مرفوعة جدام الخلج
قمر باستفهام انت تجصد ايه يا ابوي وكيف يعني ارفع راسي
عزيز بابتسامة المثل بيجول اخطب لبتك ولا تخطبش لابنك وانا بصراحة صعبان عليا جعدتك دي فاتحدت مع كامل وهو وافج يتجوزك
قمر بصدمة يا مري كامل اخو رعد انت بتجول ايه يا ابوي ده كلن اخو جوزي كيف يعني اتجوزه وبعدين للدرجادي انا تجيلة عليكم عشان تروح تطلب منه يتجوزني ليه ترخصني اكده حرام عليك يا ابوي
عزيز بضيق حرمة عليكي عيشتك ايه الحديت الفارغ ده ماله كامل راجل زين وهو موافج يتجوزك وخابر انك مبتخلفيش في ايه لده كله
قمر بدموع في انه كان اخو جوزي يعني كان بالنسبالي كيف اخوي اتجوزه كيف اني وكمان انت اللي جولتله طب ليه تجلل مني فهمني
عزيز بنفاد صبر اباي عليكي يا جمر وعلي راسك الناشفة جولتلك مفيهاش حاجة كامل ده ولدي وكمان اني لازمن اطمن عليكي احمدي ربنا اني متحدتش مع رعد يرجعك وعكلت حساب كرامتك اللي بتجولي عليها
قمر بانهيار يا ابوي مش هينفع صدجني كامل ده كيف اخوي وانا مش هجدر اتجوزه وبعدين هو نفسه اكيد مش موافج مش يمكن عنديه حد في حياته ليه تظلمه معايا يا ابوي
عزيز بثقة لا من الناحية دي ارتاحي انا لما اتحدت مع كامل كان مرحب جدا وموافج وهو اللي جالي افاتحك في الموضوع كمان اعجلي يا جمر ما انتيش صغيرة وحضري نفسك اخر الاسبوع كتب كتابك علي كامل ومتجلجيش هو هياخدلك دار لحالك هو اللي جالي اكده
قمؤ مكنتش مستوعبة كلام ابوها وخصوصا ؤد فعل كامل معقول هو موافق علي حاجة زي دي طب ازاي ورجعت قالت لنفسها ان اكيد كامل اتحرج من ابوها
