عشق مختلف بقلمي اسراء ابراهيم
اسكربت
عشق مختلف
انت فعلا رايح تخطب انهاردة يا عز
عز بابتسامة وهو واقف بيظبط بدلته في المرايا ايوة يا حلا ادعيلي بقي ابو ريم يوافق احسن كان معصلج عالاخر ورافض يعني اي عريس اكمنها لسة مخلصتش جامعة
حلا وهي بتمنع دموعها لا ازاي ان شاء الله هيوافق يا عز هو هيلاقي عريس قمر احسن منك فين
عز بابتسامة وهو بيلف ويبص لحلا احسن مني كتير يا حلا واتقدمولها بس هي اختارتني انا زي ما انا اختارتها عقبالك يا حبيبتي
حلا وهي بتحاول تبتسم متشكرة يا عز بعد اذنك هروح انا اساعد خالتي في اللبس
عز بتكشيرة ايه ده انتي مش جاية معايا انا وامي
حلا بكدب لا معلش مرة تانية اصلي عندي مذاكرة انت عارف انها اخر سنة في الثانوية العامة تتعوض في الخطوبة ان شاء الله
عز بغمزة من عنيه طب شدي حيلك بقي انا مش هقبل بمجموع اقل من تسعين في المية
حلا بابتسامة باهتة ان شاء الله يا عز ادعيلي انت بس اوعدك لو جبت مجموع هدخل الكلية بتاعتك وابقي تلميذتك وتبقي المعيد بتاعي
عز بود وهو بيبتسم بتلقائية ماشي يا حلا هدعيلك بس وقتها متزعليش بقي لما اعاملك كتلميذتي مش بنت خالتي اصلي انا معنديش وسايط
حلا بابتسامة مش مهم المهم اكون جمبك اقصد اكون تلميذتك بعد اذنك
خرجت حلا من اوضة عز وكان واقف هو مستغرب لانه حاسس ان حلا متغيرة ماهو حافظها لانها يعتبر متربية تحت ايديه بس فكر انها جايز مجهدة من المذاكرة وبعدين راح كمل لبس وهو فرحان انه اخيرا هيتجوز البنت اللي بيحلم بيها
في اوضة حلا كانت بتكلم منار صاحبة عمرها وصديقة الطفولة في التليفون وكانت بتعيط وبتحكيلها
منار بضيق يا خيبتك يا حلا طب ليه مقولتلوش انك بتحبيه ليه مصارحتهوش بس مش يمكن كان حس بيكي وعرف انه بيحبك بس مش واخد باله
حلا بدموع انتي بتقولي ايه عاوزاني اقل من نفسي يا منار عايزاني اروح اقوله اني بحبه واجبره انه يشوفني لا انتي مترضيش ليا كدة انا بحب عز اوي لكن حبي ليه ميخلنيش اقل من نفسي وطالما هو مش شايفني غير اخته الصغيرة يبقي هفضل كدة فانا بتمناله السعادة من كل قلبي
منار بحب خلاص يا حلا يبقي ابعدي عنه وبلاش تشوفيه عالاقل عشان تقدري تنسيه لازم تبعدي عنه
حلا وهي بتمسح دموعها متخافيش عليا انا اه موجوعة بس مش لدرجة اني أاذي نفسي انا هفضل اعامله بنفس معاملتي ومع الوقت اكيد هبطل احبه يا منار
منار وهي مش مصدقة ماشي يا حلا بس انا عارفة ان اللي بتقوليه ده مش هيحصل لاني عارفة انتي بتحبي عز قد ايه ده انتي علطول كنتي قارفاني بسيرته وبشخصيته ومن كتر كلامك عنه خلتيني اتشوقت اشوفه عشان اقوله ارحمنا واتجوزها بقي عشان تبطل تجيب سيرتك
حلا بمرارة متقلقيش مع الوقت مش هتلاقيني بجيب سيرته اصلا ولا حتي بيني وبين نفسي يلا سلام بقي عشان عاوزة انام
منار بحزن علي صاحبتها ماشي يا حلا روحي نامي ولما تصحي ابعتيلي عشان اكلمك ونذاكر سوا سلام
قفلت حلا الخط وفضلت تعيط وهي من جواها بتعاتب نفسها لانها السبب وانها هي اللي عشمت قلبها بحبه من غير ما تعرف مشاعره ناحيتها ايه
بعد يومين نزلت حلا وخبطت علي خالتها نجوي بعد ما كلمتها وقالتلها انها عاوزاها ضروري بس اللي فتحلها عز اللي ابتسم بتلقائية اول
عز بابتسامة ايه يا حلا كل ده غياب بقالك يومين مش باينة من يوم ما روحت اخطب
حلا ابتسمت وحاولت تبان طبيعية لانها مقررة فعلا تنسي عز وتتعامل معاه عادي جدا
حلا بمناكشة منا قولت بقي اسيبك تعمل عريس براحتك صحيح مبروك عرفت ان ابو العروسة وافق الله يسهلو يا لمبي
عز بضحك وهو بيقلد اللمبي مش هتكمل بصوتك ان شاء الله
ضحكت حلا وردت بخفة لا متقولش كدة هتكمل وهتتجوزها وهتفرح ان شاء الله فين بقي خالتو اصلها كلمتني وقالتلي انها عاوزاني ضروري
عز وهو مضيق عنيه قولتيلي بقي يعني كمان من نازلة من نفسك انتي نازلة بأوامر من ماما تصدقي انك عيلة فعلا
حلا بتصنع الغرور ايوة وهو انت فاكرني لقيطة ولاجئة عندكم ولا ايه انا كمان ليا مشغولياتي
ضحك عز علي طريقة حلا وقطع كلامهم صوت نجوي وهي خارجة من المطبخ
نجوي بابتسامة طب ياختي هنعطلك بقي عن مشغولياتك وهناخدك المطبخ جوة عشان عندنا عزومة اصل خطيبة عز واهلها جايين وفاضل اربع سعات والدنيا جوة تضرب تقلب
حلا بابتسامة وحماس يا سلام من عيوني يا خالتو يا قمر ساعتين وكل حاجة تبقي جاهزة ادخلي انتي حضري نفسك
نجوي بابتسامة تسلميلي يا قلب خالتك واتعبلك يارب كدة يوم ما تتخطبي وافرح بيكي
ابتسمت حلا بيهتان وسابتهم ودخلت المطبخ وكان متابعها عز بابتسامة وهو مستغرب دعوة امه لانه شايف انها لسة صغيرة لكنه محطش في باله ودخل اوضته يلبس عشان يروح يجيبهم
بعد ساعتين كانت واقفة حلا قدام البوتجاز بتشيك عالاكل كله وانه بقي جاهز تمام
نجوي وهي داخلة المطبخ ايه الاخبار يا وزتي خلصتي
حلا بابتسامة اه يا حبيبتي خلصت
نجوي بابتسامة ماشي يا حبيبتي طب كنتي خليتك وفضلتي معانا ده خلاص شوية وعلي وصول
حلا بسرعة لا مش هينفع معلش اصلي هدومي بقت مش نضيفة من عمايل الاكل فهطلع اخد دش واغير ولو قدرت انزل هنزلك
نجوي بقلة حيلة ماشي بس هستناكي تنزلي عشان تتعرفي علي خطيبة عز ماشي
حلا بابتسامة اكيد يا خالتو يلا همشي انا بقي
خرجت حلا من المطبخ ووراها نجوي ويدوب فتحت حلا الباب لقت عز في وشها ومعاه خطيبته فاتوترت وقلبها وجعها لانهم كانو ماسكين ايد بعض
عز بابتسامة قفشتك كنتي رايحة فين بقي كدة
حلا باحراج وهي بتداري هدومها مفيش اصلي خلصت وكنت طالعة بقي
عز بابتسامة اقدملك بقي يا ستي منار خطيبتي ودي يا مريم حلا بنت خالتي اللي حكتلك عنها
مريم بابتسامة اهلا بيكي يا حلا عز ملوش سيرة غيرك
حلا بابتسامة وهدوء اهلا بيكي نورتي البيت بس يا تري عز بيقول كلام حلو عني ولا وحش
مريم بسرعة لا والله كلام حلو اوي اصلا هو علطول يقولي انك بنته مش بنت خالته
حلا بابتسامة باهتة وهو كمان اخويا الكبير اتفضلو نورتو
عز باصرار لسة مصممة تطلعي
حلا بتوتر هنزل تاني شوية كدة اصلي يعني
لاحظ عز احراج حلا وهي بتداري هدومها المتبهدلة بايديها ففهم وابتسم بهدوء واخد مريم ومامتها ودخلهم الصالون وبعدين رجعلها تاني ولحقها قبل ما تمشي
عز بسرعة حلا استني انا عارف انتي عاوزة تطلعي ليه وعلي فكرة انتي في كل حالاتك قمر يعني وبعدين طبيعي تتبهدلي من عمايل الاكل حقيقي انا متشكر اوي يا حلا
حلا ابتسمت وكان نفسها لو يكون كلام عز هو يقصده
