عشق مختلف بقلمي اسراء ابراهيم
ومسك ايديها وهو سايق فحلا اتصدمت وسحبت ايديها بسرعة ووقتها سمعو صوت عز من وراهم بغضب
عز بغضب وقف العربية حالا يا احمد
احمد بتوتر حاضر بس في ايه يا عز
عز بجمود انزلي يا حلا يلااا
حلا بتوتر حاضر
نزلت حلا وركبها عز مكانه جمب مريم وركب هو جمب احمد اللي كان مستغرب رد فعله وكانت متابعاهم مريم بغموض وشوية ووصلو كافيه ودخلو كلهم وقعدو عالترابيزة
احمد بابتسامة حلا ما تيجي نروح نتمشي شوية
عز برفض لا حلا مش هتروح في حتة وبعدين هو احنا مش جايين مع بعض ولا ايه
مريم بضيق احمد اكيد مش قصده حاجة يا عز هو قال عشان ناخد راحتنا وهما كمان يتكلمو لوحديهم
عز برفض لا احنا كلنا هنقعد مع بعض يا مريم
حلا بتوتر احم مريم تعالي طيب
نلعب سوا لعبة افلام ايه رأيكم
مريم بابتسامة ماشي ايه رأيك يا عز
عز بابتسامة تمام يلا بينا
فضلو يلعبو شوية وبعدين عز طلب ليهم اكل وبعد ما اكلو قامت مريم عشان تغسل ايديها وراح وراها احمد بحجة انه يغسل ايديه وبعدين وقفها عشان يتكلم معاها
احمد بضيق مريم انتي مش شايفة ان عز مزودها اوي ده لو اخوها فعلا مش هيعمل كدة ايه الخنقة دي
مريم بحيرة مش عارفة يا احمد فعلا بس جايز هو فعلا قلقان عليها منك اكمنك يعني سمعتك سابقاك عموما انا هحاول اتكلم معاه واخده ونروح نتمشي ونسيبك مع حلا تتكلمو براحتكم
احمد بامتنان تسلميلي يا مريم حقيقي متشكر اوي
مريم خلصت و رجعت الترابيزة تاني
مريم بابتسامة عز حبيبي تعالي نروح نتمشي نجيب اي حاجة ممكن
عز مكنش عارف يقول
عز بقلة حيلة تمام يا مريم يلا بينا مش هنتأخر عليكم
احمد بخبث لا خدو راحتكم عالاخر
بصله عز بغضب ومشي مع مريم وحلا كانت مضايقة اوي ومخنوقة وهي متابعاهم لحد ما انتبهت لصوت احمد
احمد بحب ايوة كدة اخيرا بقينا لوحدينا وهعرف احب فيكي براحتي
حلا بتوتر لو سمحت يا احمد انا مش حابة طريقة كلامك دي
احمد بخبث اومال بتحبي ايه الافعال صح
قال احمد كدة وهو بيمسك ايد حلا وتبت فيها
حلا وهي بتحاول تسحب ايديها احمد عيب كدة سيب ايدي لو سمحت عز لو شافنا هتحصل مشكلة
احمد بلا مبالاه عز مش فارق معايا يا حلا وبعدين انتي خطيبتي يعني من حقي امسك ايديكي
حلا بضيق لا طبعا الكلام ده لما نتجوز لكن دلوقتي ميصحش وكمان حرام مكن تسيب ايدي بقي
احمد بهيام حلا انتي مش حاسة بأي حاجة ناحيتي زي ما انا حاسس
حلا بانفعال احمد سيب ايدي لو سمحت ايدي وجعتني
احمد كان هيتكلم بس قاطعه عز اللي سحب ايديه من ايد حلا بغضب
عز بانفعال انا كنت عارف انك هتستغل قاعدتكم لوحديكم عارف لو فكرت تقرب منها تاني هعمل فيك ايه
احمد بنفاد صبر انت ملكش دعوة بينا يا عز وبعدين حلا خطيبتي ومش اختك ولا حبيبتك عشان تصرفاتك دي اللي بصراحة مش لاقي ليها مبرر
عز بغضب عندك حق بس حلا اختي غصب عنك و انا المسئول عنها ومش هديلك فرصة تضايقها
احمد بسخرية وتفتكر لو هي مضايقة كانت سابت ايديها ليا انت بس اللي فاهم غلط حلا بتحبني وبالعكس كانت مبسوطة اننا لوحدينا
حلا اتصدمت من كلام احمد وبصت لعز االي
عز بغضب مكتوم يلا هنمشي دلوقتي حالا
بليل كان قاعد عز في اوضته لما رنت عليه مريم وهو كان سرحان فرد بهدوء
عز بهدوء مريم معلش قولت هكلمك وانشغلت
مريم بهدوء ولا يهمك يا عز انا كنت عاوزة اتكلم معاك في موضوع مهم
عز بقلق خير يا مريم في ايه
مريم بابتسامة احنا لازم نسيب بعض يا عز
عز بقلق ليه بتقولي كدة يا مريم كل ده عشان مكلمتكيش
مريم بمقاطعة لا يا عز مش عشان كدة بس عشان انا متأكدة انك مش بتحبني يا عز انا يمكن كنت قربت احبك واتعلق بيك بس اللي خلاني ابعد في علاقتنا هو معاملتك مع حلا
عز بصدمة وتوتر مالها حلا بس باللي بينا يا مريم صدقيني انا
مريم بهدوء انا عارفة انك متقصدش تجرحني يا عز وده لانك انت نفسك مش عارف انك بتحب حلا او يمكن عارف وحاسس بس احساس الذنب من ناحيتي مخليك مش عاوز تعترف لنفسك
عز بحيرة انا مش عارف بصراحة اقولك ايه بس حلا انا طول الوقت كنت بشوفها زي اختي واني انا اللي مربيها
مريم بتأكيد صدقني يا عز انا اتمني اقابل حد يحبني نفس الحب اللي بتحبه لحلا
عز بابتسامة انا بجد مش عارف اقولك ايه يا مريم حقيقي انتي انسانة جميلة وانا مش ندمان اني عرفتك
مريم بتشجيع اهم حاجة انك متضيعهاش من ايديك يا عز وتخليها تروح منك واقولك علي سر اصلا هي خسارة في الواد احمد ده
ضحك عز بخفة وقفل مع مريم ووقتها ابتسم
تاني يوم كانت قاعدة حلا بضيق وهي مستنية مكالمة احمد عشان تخرج معاه زي ما اتفق مع امها وشوية وجرس الباب ضرب فقامت تفتح وهي معتقدة انه احمد بس اتفاجأت بعز
حلا بتوتر اهلا يا عز اتفضل ماما جوة
عز بابتسامة انتي كنتي رايحة في حتة
حلا بتنهيدة خارجة مع احمد وانا اصلا مستنياه من بدري و
عز بثقة لا متخافيش هو مش جاي انا كلمته ونهيت كل حاجة معاه
حلا بصدمة واستغراب نهيت كل حاجة ازاي انا مش فاهمة
عز بابتسامة جذابة وهو بيقرب من حلا يعني قولتله ان خلاص كل شئ قسمة ونصيب وانك هتتجوزي
حلا بتهتهة اتجوز مين وازاي
عز بهيام انا يا حلا اصل انا اكتشفت اني بحبك واني للاسف مش هقدر اسيبك لغيري
حلا بصدمة وفرحة وعتاب في نفس الوقت انت لسة مكتشف فجأة كدة انك بتحبني يا عز ازاي اصلا ثم مريم انت هتسيبها
عز بعشق مريم هي السبب في اني اعترف لنفسي اني بحبك انا كنت دايما بسأل نفسي ليه بعمل معاكي كدة ليه بتجنن لما بشوفك مع احمد وليه دايما بحس انك ملكي تخصيني انا وبس بس كنت اجبن من اني اعترف لنفسي اني بحبك
حلا بدموع فرحة انا كنت زيك لحد ما انت خطبت ووقتها اتأكدت انك مش شايفني يا عز كنت طول الوقت بستني اللحظة اللي تعترفلي بيها انك بتحبني صدقني انا حبيتك من قبل حتي ما اعرف يعني ايه حب
عز بسعادة تعرفي اني حبيتك اكتر دلوقتي واجمل احساس مريت بيه هو لما عرفت انك انتي كمان
تمت
