عشقت فتاه الملجأ بقلم اسراء ابراهيم حصري علي موقع ايام
ليها...
ومش عارفة إنت شايف فيها إيه عدل
سيف بياخد نفس بتوتر
يعني... بحب طريقتها او شكلها وكلامها يمكن مش كاملة بس محدش كامل برضو يا عمتو
نجوى بتكمل بنبرة جد
طيب وبالنسبة لقناعتها ايه...مش مهنة عندك....يعني مش ملاحظ إن طلباتها زادت كل يوم طلب بخروجة وكل خروجة وراها تمن وكل حاجة عايزاها بسرعة لا صبر ولا رضا...وأنت يا ابني قلبك طيب وبتسكت وبتدفع بس أنا شايفة لا كدة طمع مش حب
سيف بيتردد شوية وبعدين بيقول بثقة مصطنعة
أنا واخد قراري خلاص يا عمتو...
أنا هخطبها وخلاص...هي كويسة ومش زي ما إنتي متصورة... لما تعرفيها هتحبيها
نجوى بتبصله بنظرة ثقة
أنا مش ضدك يا سيف ولا ضد حبك...بس أنا شايفة بعين غير عينكوياما شوفت في الدنيا... وعموما براحتك دي حياتك وانتي ادري بيها
سيف بيبتسم ويمسك إيدها
عشان كده أنا بسمعك وبحترم رأيك...بس عشان خاطري المرة دي خليني أمشي لاخر الطريق
ولو غلطت هبقى اتعلمت على الأقل.
نجوى بتتنهد
ربنا يهديك ويكتبلك الخير يا ابني...أنا بس قلبي مش مطمن
بس إن شاء الله تكون هي الصح
سيف بهدوء
إن شاء الله يا عمتو.... صح انا هشوفلك قصة البنت اللي هتيجي تساعدك دي وان شاء الله هلاقيلك حد كويس وثقة
نجوي بابتسامة
ان شاء الله يا حبيبي... المهم انت خد بالك من نفسك
.....................................
ندى كانت لسه واقفة في نفس المكان بتحاول تتمسك بابتسامتها بعد ما سيف سلم عليها بس فجأة الدنيا كلها وقفت لما شافت واحدة شيك شعرها مربوط بشكل أنيق ولبسها غالي وواضح إنها مش من هنا خالص دخلت وهي ماسكة شنطتها وكأنها داخلة أوضة فندق مش ملجأ
منى الصغيرة بهمس وهي بتشد ندى من كمها
ندى هي دي خطيبته
ندى مردتش بس كانت عينيها بتلف بينهم بين سيف اللي واقف جنبها والبنت اللي بتقرب منه وبتبص حوالين المكان بقرف ظاهر.
دينا بصوت عالي وهي بتكلم سيف
إنت ليه جايبني المكان ده أنا كنت فاكرة هنقابل ناس من الإدارة مش كده يعني.
سيف بهدوء
دول مش كده دول أطفال أيتام وأنا بحترمهم جدا وده مكان مهم في حياتي.
دينا بصتله بزهق واضح وبعدين لفت
سيف وهو بينادى علي ندي
ندى! تعالي عاوزك .
ندى قربت وهي حاسة برجليها تقيلة وخطواتها بطيئة وكل ما تقرب قلبها يدق أكتر.
سيف بابتسامة
دى ندى يا دينا من أكتر البنات اللي فخور بيهم هنا شاطرة في دراستها وطيبة ومحترمة.
دينا بابتسامة مزيفة ومدت إيدها
أهلايا ندى.... سمعت عنك من سيف كتير
ندى مدت إيدها بس عنيها ما كانتش قادرة تبص في عيونهم وفي قلبها حاجة بتتكسر.
ندى بصوت واطي
اتشرفت بحضرتكيا هانم
سيف بصوت طبيعي كأنه مش شايف اللي بيحصل جوا ندى
عقبالك يا ندى إن شاء الله تلاقي حد يستاهلك وتعيشي حياة حلوة.
ندى ابتسمت بس ابتسامة حزينة قوي من النوع اللي يوجع القلب.
ندى بصوت مكسور
متشكرة يا سيف بيه أتمنالكوا كل خير.
ندى استأذنت ومشيت بسرعة كأنها بتهرب منهم وراحت جنب شجرة بعيدة في الجنينة و قعدت على الأرض وحطت وشها في إيديها ودموعها نزلت من غير صوت
رغدة كانت مراقباها وجت وراها بسرعة
رغدة بصوت هادي وحنين
متزعليش يا ندى أنا كنت عارفة ان ده هيحصل من اول ما دخلو مع بعض وانا آسفة إني كنت دايما قاسية في كلامي بس والله كنت خايفة عليكي من اللحظة دي لما تيجي
ندى بصت لها عينيها مليانة دموع
انتي كان عندك حق.... أنا اللي كنت غبيةكنت فاكرة إنه شايفني
كنت بحلم وبعيش نفسي في خيال.
رغدة مسكت إيديها بتشجيع
الحلم مش غلط يا ندى بس لازم نعرف إمتى نصحى منه..... وانتي أقوى من كده انتي ندى اللي عمرها ما كانت ضعيفة
ندى ابتسمت و رغدة بحب وقامت مشيت و دموعها لسه بتنزل بس من غير صوت.
وفجأة مسحتهم بسرعة لما سمعت صوت سيف وراه بيقول
ندى... انتي اختفيتي ليه كنت بدور عليكي
كان هو ودينا مع بعض وندى وقفت وحاولت تخبي كل حاجة.
سيف بابتسامة بسيطة
كنت عاوز أعرفك أكتر على دينا خطيبتي.... انا متأكد انها هتحبك
ندى بصتله ومدت إيدها مرة تانية لدينا
تشرفت تاني.... ومبروووك
دينا برد بارد
ميرسيانا حقيقي معجبة بسيف لانه دايما بيحب يبقى كريم مع الناس المحتاجين
سيف بضيق
دينا ملوش لزوم الكلام ده وهما علي فكرة
ندي حاولت تكتم دموعها وهي سامعة رد دينا عليهم ببرود
اهو انت كدة دايما متواضع يا حبيبي... حقيقي بعشقك
ندي بجمود
انا مضطر استأذن.. بعد اذنكم
سيف بسرعة
عقبالك يا ندى واتمني متزعليش
ندى بابتسامة حزينة وكأنها بتودع حلمها
متشكرة أوي وعادي مش زعلانة
مشيت ندي بسرعة من قدامهم وسيف بص لدينا بعتاب بس هي اتجاهلتو
...............................
كانو نازلين رغدة وندي من عالسلم ورايحين مكتب مديرة المكتب
رغدة بقلق
تفتكري مدام هالة عاوزانا في ايه انا تعبت من المشاوير اللي بروحها كل يوم دي
ندي بجدية
هيبان دلوقتي وبعدين اهي المشاوير دي اللي بنلاقي من وراها قرشين يصرفو علي تعليمنا
دخلو هما الاتنين مكتب مديرة المكتب اللي كانت قاعدة على مكتبها و قدامها ملف مفتوح ف ندى ورغدة دخلوا بخطوات مترددة ولما بصوا قدامهم اتفاجأو بسيف قاعد وعلي وشه ابتسامة بسيطة
سيف بلطف
أهلا يا ندي انتي ورغدة.
ندى ببرود وهي بتحاول ماتبصلوش
أهلا يا سيف بيه.
هالة بابتسامة واسعة
بصوا بقى أنا طلبتكم النهاردة عشان في فرصة ممكن تساعدكم
.... عمة سيف بيه ست كبيرة وساكنة لوحدها وعايزة حد يكون معاها يساعدها في حاجات البيت ويونسها... وانا رشحتك يا رغدة.
ندى بحدة وسخرية باينة
يعني حضرتك تقصدي إن البيه بيدور على خدامة لعمته!
سيف بصوت مصدوم وهو بيدافع عن نفسه
أكيد لا يا ندى متفكريش كده!
أنا عمري ما شوفتكم كخدامين أنا بس طلبت حد يكون جدير بالثقة وحد عارف إنه محترم
ندى بعينين كلها غضب وابتسامة مزيفة
يمكن حضرتك شايف كده بس الهانم خطيبتك كان ليها رأي تاني وانا فاكرة كلامها كويس لما اتعمدت تقولك قدامي.... كويس إنك كريم مع الناس المحتاجين
.... واضح إنها شايفانا تحت رجليها بس عادي يمكن ده رأيك انت كمان فينا فعلا.
سيف اتجمد مكانه ومش مستوعب لهجتها
ندى أنا ما قصدتش كده ودينا هي بس
ندى قاطعت كلامه بسخرية
حضرتك ملكش دعوة وخلي دينا هانم تدور ليكم على خدامة تليق بعيلتكوا....لكن مش إحنا يا سيف بيه..
لحظة صمت وسيف باين عليه الاستغراب من لهجتها الجديدة أما هالة المديرة فبصتلهم بضيق.
هالة بحزم
عيب كده يا ندى أنا لو رشحتكم فده مش تقليل منكم بالعكس.
المرتب حلو جدا وانتو بتدرسوا ومحتاجين فلوس.... يعني بدل الشغل اللي بره اللي ممكن يتعبكم يبقى الشغل ده أأمن وأفضل ليكم.
رغدة بصوت هادي وواثق
أنا موافقة يا مدام .
بس بشرط ندى تبقى معايا.
ندى عينيها وسعت من الصدمة
إنتي قولتي إيهانتي موافقة نشتغل خدامين بجد!
رغدة بهدوء ووجع
ندي إحنا مش بنشتغل خدامين إحنا بنشتغل عشان نعيش.
لو هفضل أستنى أحلام مش هتتحقق يبقي مش هنخرج من هنا أبدا .... وعمة سيف بيه ست كبيرة والمرتب هيغطي مصاريف الكلية والسكن لما نسيب الملجأ بعد التخرج وانتي فاهمة يعني إيه دا دي فرصة يا ندى يمكن تكون بداية للي جاي.
ندى اتنفست بصعوبة وقلبها اتكسر وبصت لسيف بسرعة وبعدين بصت في الأرض بصوت حزين
براحتك يا رغدة
طالما إنتي عاوزاني أوافق
فانا موافقة لاني مستحيل اعيش من غيرك في اي مكان
كان سيف واقف مش قادر يتكلم وندى ما بصتش ليه ولا لحظة وكان كل اللي جواه غضب من ناحية ندي وطريقتها معاه وسوء التفاهم اللي حصل
هالة بابتسامة خفيفة
كويس اوي يا بنات خلاص هخلص الاجراءات مع سيف بيه و وتبدأوا من الأسبوع الجاي.
ندى خرجت من المكتب ورغدة وراها وسيف واقف مكانه باصص في الأرض وكل كلمة ندى قالتها كانت بتلف في دماغه.
سيف في سره وهو بيبص للباب اللي خرجت منه
كل ده عشان كلام دينا
ماشي يا ندي
...............................
بعد اسبوع كانت واقفة ندي ورغدة قدام نجوي اللي كانت بترحب بيهم بحرارة
نجوي بابتسامة
اهلا وسهلا بالبنات القمر... سيف حكالي عنكم كتير وقالي انكم قمرات بس طلع عنده حق
رغدة بود
تسلمي يا طنط والف سلامة علي حضرتك.. انا مش عاوزاكي تشيلي هم انا وندي هنشيل كل حاجة عنك انتي بس ارتاحي
نجوي بحب
تسلمولي والله يا حبايب قلبي... انا متأكدة انكم قدها... وانا لما هو قالي انكم بنتين مش بنت واحدة فرحت قولت اخيرا هلاقي ونس حاكم انا مليش حد غير الواد
ندي بتردد
ممكن حضرتك تعرفيني مكان المطبخ
نجوي بابتسامة
اه طبعا.. وريها يا سيف المطبخ فين وعرفها علي باقي الشقة يا حبيبي
ندي بضيق
لا ملوش لزوم يا طنط.. انا هعرف كل حاجة لوحدي بلاش تتعبي البيه... بعد اذنكم
ندي سابتهم
