عشقت فتاه الملجأ بقلم اسراء ابراهيم حصري علي موقع ايام
ومشيت وكان متابعها سيف بغضب وغيظ من تصرفاتها فراح وراها واول ما دخلت المطبخ اتفاجأت بسيف بيسحبها من ايديها بدون ما يقصد فبقت قريبة منه وعنيهم اتقابلت وكانت ندي ضربات قلبها سريعة اوي وهي بصاله
ندي وهي بتبعد بغضب
انت ازاي تعمل كدة انت اتجننت
سيف برفعة حاجب
اتجننت واضح ان الاحترام والحاجز اللي كان موجود اتشال.... انتي اتغيرتي اوي
ندي بحزن وخنقة
لا متغيرتش بس انت اللي تصرفاتك غريبة .... عموما انا اسفة لو اتعديت حدودي بس انا اتفاجأت بوجودك
سيف بعصبية خفيفة
ممكن اعرف ليه اتغيرتي كدة وليه قولتي الكلام اللي ملوش لازمة ده قدام مديرة الملجأ
ندي بحزن
عشان دي الحقيقه... احنا فعلا خدامين هنا..... بس انا اللي كنت رافضة اصدق ده
سيف بتنهيدة
مين قال كدة.... انا لو فكرت فيكم فعشان اساعد مش اكتر وانتي لو لسة حاطة الفكرة دي في راسك انا ممكن ارجعك تاني الملجأ ومتقلقيش من اي حاجة انا هتصرف
ندي بهدوء
لا يا سيف بيه.... انا تمام هنا ومتشكرة حقيقي لاهتمامك بيا وبرغدة.... انا مش هنسالك ابدا الجميل ده
سيف بصلها بحيرة واتنهد بضيق
ندي... لو في اي وقت انتي اضايقتي وحبيتي تمشي كلميني علطول وانا اوعدك اني اتصرف بس متعمليش حاجة غصب عنك انتي فاهمة
ندي بابتسامة باهتة
فاهمة.... وحقيقي انا ممتنة لحضرتك اوي واهتمامك بينا.... ربنا يسعدك
سيف بابتسامة
ايوة كدة... انا مكنتش عاوز غير اني اشوف ابتسامتك القمر دي
بصتله ندي بخجل وقطع كلامهم دخول رغدة اللي كانت بصالهم باستغراب
رغدة بجدية
اسفة لو قطعت كلامكم يا سيف بيه بس نجوي هانم عاوزة حضرتك برة
سيف بابتسامة
انا كدة كدة كنت طالع يا رغدة... اتمني المكان يكون عجبك ولو في اي مشكلة كلميني علطول متتردديش
رغدة بابتسامة
ان شاء الله.... متشكرين اوي يا سيف بيه
خرج سيف وسابهم واقفين مع بعض ورغدة بتبص لندي بشك وقلق
ندي بتلقائية
متقلقيش انا فوقت من اوهامي خلاص يا رغدة... وسيف بالنسبالي مجرد شخص محترم بيعطف عليا لاني صعبانة عليه اكمني اتربيت في ملجأ
رغدة بقلق
ربنا يكملك بعقلك يارب يا حبيبتي.... يلا
..................................
نجوى كانت قاعدة على كرسي الهزاز في البلكونة وهي ماسكة الموبايل.
نجوى بابتسامة دافية
والله يا سيف البنات دول طيبين أوي ندي ورغدة فعلا نورو البيت وشايلين عني كل حاجة. ورغدة بتضحكني اوي وندي دي قلبها أبيض و بتحاول تخليني مرتاحة على طول. حاسة إني كأني جبت بناتي بعد العمر ده.
سيف من التليفون صوته فيه ابتسامة فخورة
أنا قولتلك هترتاحي معاهم دول بجد جدعان وقلبهم نضيف وانا شخصيا متطمن طول ما هما معاكي.
نجوى بحنان
رغدة قاعدة معايا دلوقتي إنما ندي راحت الامتحان يا حبيبتي منامتش من امبارح كانت بتشوف طلبات البيت وبعدين لبست ومشيت عالامتحان علطول ادعيلها ربنا يسهل ليها الحال
سيف بإخلاص
ربنا معاها ويسهلها الامتحان... هي تستاهل كل خير طب يا يت الكل هقفل دلوقتي وهكلمك تاني
نجوى بحب
ماشي يا ابني متقلقش مع السلامة انت
سيف قفل المكالمة وهو حاسس بنبضة حنين وشغف ناحيتها. فقرر إنه يروح يطمن على ندي فاخد جاكيته وكان خارج بس فجأة ظهرت دينا قدامه.
دينا بابتسامة مفاجأة! جيت أقول نخرج النهاردة بقالي كتير مشوفتكش
سيف بنبرة مضايقة بس احنا كنا لسه خارجين من كام يوم وصرفنا كتير وكمان عندي شغل يا دينا وبصراحة كدة انا الشلة بتاعتك دي مش بالعها لاني حاسس انهم مش ظابطين
دينا بصوت دلع مصطنع مالهم صحابي بس يا سيف...دول كويسين اوي....طب حتي ناكل سوا بس نص ساعةايه رأيك وهنكون لوحدنا كمان
سيف ببقلة حيلة
تمام يا دينا يلا بينا
..............................
سيف كان سايق العربية وهو متضايق ودينا قاعدة جنبه بتتكلم بس هو مش مركز عينه بتسرح في الطريق قدامه لحد ما لمحت عينه ندي وهي واقفة على الرصيف...
سيف فجأة قال وهو بيشاور
دي ندي
دينا باستنكار
واحنا مالنا متقولش إنك ناوي توقف
سيف قال وهو بيبدأ يهدي السرعة
هي قاعدة عند عمتي دلوقتي وبتساعدها ومش هسيبها واقفة في الشارع كده اكيد يعني
دينا بتهمس بضيق
طالما كمان بتشتغل عندكم
وصلت العربية قدام ندى اللي اتفاجئت بعربية سيف بتقف وشتفته بينزل الشباك ويقولها بهدوء
اركبي
ندى ردت باحترام وهي بتخفي ضيقها
أنا زي ما جيت همشي مش محتاجة توصيلة... شكرا ياسيف بيه
سيف بصرامة
بقولك اركبي ولا أنزل أركبك بالعافية
اتنهدت ندى وبان على وشها الغضب والضيق وركبت العربية وهي عارفة نظرة دينا ليها اللي بالفعل فضلت كانت بتبصلها من فوق لتحت.
دينا قالت بسخرية
مش مصدقة إنك لسه بتتعامل معاهم كده يا سيف يا حبيبي يعني جبتهم من الملجأ وبقو شغالين عند عمتك... جميل اوي انك بتعمل خير
ندى اتخنقت وبصت لسيف من مراية العربية بنظرة فيها عتاب واضح كأنها بتسأله
هي عرفت منين طبعا انت اللي قلتلها
سيف اضايق وكان بيبص لندي باسف بس كان باين عليه التوتر وده زود النار جوا ندى اللي فجأة قالت بصوت عالي
أنا مش شغالة عند حد! أنا قاعدة أساعد عمتو عشان هي محتاجاني انا وصاحبتي بس الظاهر سيف بيه نسي يقولك ده...... واعرفي ان أنا مهما كنت بنت ملجأ بس عندي كرامة أكتر منك اللي مش بعمل حاجة غير اني اقلل من اللي قدامي
دينا اتفاجئت وردت بغرور
إيه الأسلوب ده! بجد بيئة اوي
ندى التفتت لها بعصبية
أسلوبي ده ميجيش حاجة جمب اسلوبك... لأنه خلاص زهقت من غرورك ومن إنك شايفاني أقل منك رغم إنك ما تعرفيش عني حاجة غير اني اتربيت في ملجأ
بصت ندي بعدها لسيف وهي بتكتم دموعها
وقف العربية حالا.
سيف قال وهو بيحاول يهديها ندى اهدي ماينفعش تنزلي كده في نص الطريق.
ندى باصرار
نزلني لو سمحت مش قادرة أتنفس.... نزلني حالا
سيف وقف العربية بسرعة وندى نزلت وجريت بعيد عنهم من غير ما تبص وراها.
لحظة صمت قاتلة سيطرت على العربية قبل ما سيف يلف لوشه ناحية دينا ويبصلها بنظرة مش متعود يوجهها لحد
إنتي عارفة إنك خسرتي كل حاجة دلوقتي
دينا باستغراب
أنا طب ليه هي اللي اتكلمت بأسلوب مش محترم!
سيف قال بحدة
أنا كنت ناوي أراجع قراري من زمان بس دلوقتي اتأكدت أنا مش هتجوز واحدة ما عندهاش قلب ولا بتحس بغيرها ولا بتفكر غير في انها تهين غيرها
دينا بتتكلم ببرود
لو بتدور على واحدة من الملجأ تمشيها على مزاجك يبقى براحتك.
سيف هز راسه بحزن وهو بيشغل العربية
عندك حق بس لازم تعرفي ان
....................................
تاني يوم كان داخل سيف من الباب عند عمته بعد ما فتحلته رغدة
نجوى بنبرة حادة
أخيرك نورت... انا قولت هتيجي امبارح تراضي البنت اللي انت جرحتها
سيف بنتنهيدة وهو بيقعد
بصراحة كنت عارف اني لو جيت الموضوع هيبقي اسوأ عشان كدة جيت انهاردة.... قولت اكيد هي هديت
نجوى بصوت غاضب
انت بجد ازاي توافق عاللي حصل ده ... البنت رجعت منهارة دي كانت مرمية زي الطفل الصغير اللي اتضرب من غير ذنب... وانت تقولي اسيبها تهدي
سيف بضيق
انا والله مسكتش و
نجوى قاطعت كلامه
يا سلام بعد ايه بقي.... بعد ما سبت خطيبتك تهينها وتقعد ترمي كلام زي السم وانت ساكت! دي لا اخلاقنا ولا طباعنا يابني ليه كدة وكمان تقولها ان البنات شغالين عندي انت ازاي كدة
سيف بنبرة دفاع
أنا مقولتش كده يا عمتو... بالعكس كنت بدافع عنها...
نجوى بحدة
دافعت عنها فين فين يا سيف! لما قالت إنها بتشتغل عندكم وانك اللي قولتلها كده! إزاي تعمل كده إزاي تخليها تحس إنها قليلة بقي دي اخلاقك
سيف وبدأ نبرته تهدى
أنا أنا مكنتش أقصد.... واكيد مقولتهاش كدة ابدا.... انا كنت بتكلم عادي. بس مكنتش فاكر إن دينا ممكن تقول الكلام ده لندي بالطريقة دي.... وعارف ان هي غلطت وأنا
نجوى بحزن وغضب
هي غلطت وانت سكت.... وسكوتك ده أصعب من غلطتها... وخلي ندي تحزن اكتر... البنت دي طول عمرها شايلة نفسها وعزة نفسها فوق دماغها....يبقي منجيش احنا نقلل منها
سيف بيبص في الأرض وبنبرة خجل
وانا رديت ليها كرامتها يا عمتو....لاني مقدرتش اسمح ليها انها تهين ندي.... أنا سبت دينا
نجوى بتتجمد في مكانها
إيه
سيف بيرفع عينه ليها
سمعتيني صح سبتها....انا مش هكمل مع واحدة مفيش في قلبها ذرة احترام لغيرها..... خصوصا لندى. أنا عارف إني اتأخرت في الرد بس كنت لازم أشوف اللي جوه قلبي بجد.
نجوى دمعة تنزل على خدها وهي بتحاول تسيطر على نفسها
يعني يعني انت خلاص فعلا خلاص
سيف بيهز راسه
أيوه يا عمتو... وندى أنا عمري ما
نجوى بتقرب منه وتحط إيدها على كتفه
أهو كده يا سيف. أهو كده تبقى ابن أخويا اللي ربيته على الصح. ندى تستاهل اللي يرفع راسها مش ينزلها..... ربنا يجبر بخاطرك زي ما جبرت بخاطر ناس كتير يا
