فرحة قلب صعيدي بقلم اسراء ابراهيم
إنت وامك فاكرينها جارية عندكم ولا إيه !
كريمة بغيظ خليكي في حالك يا صبرين مش كفايا انك جيتي لدارنا من غير ميعاد ولا استئذان وبعدين ايه يعني اللي حصل دي مشاكل عادية بين راجل ومرته
صبرين بانفجار مرته ! إنتي عاملتي بتي كأنها خدامة عندكم بتي اللي كانت أمانة ابوها وفرطتو فيها بتي اللي اختارتك يا فارس عشان كانت مفكرة انك هتحافظ عليها بس انتو طلعتو ناجصين وانا مش ههملها عندكم ساعة واحدة وبكافايا اللي عملتوه فيها
معتز ببرود وهو داخل الأوضة اللي حصل حصل وهي مرتي و لازم تسمع الكلام ولما ترفع صوتها عليا يبجي لازم تتربي ومفيش خروج من داري الا باذني
صبرين بانفعال إنت راجل قليل الأصل ولو فاكر ان كلامك هيمشي عليا يبجي انت متعرفش انا مين يا ولد كريمة
معتز بسخرية والله أنا راجل الدار واحنا مش محتاجين حد يدخل بيناتنا انتي فاهمة وانا مبخافش
فرحة بهمس وانكسار كفاية يا أمه بالله عليكي كفاية انا زينة
صبرين بتعيط وهي بتبص لبنتها اسكتي يا بت انتي حجك انا مش ههمله واللي عملو فيكي هو وامه انا مش هعديه وانتي حسابك معايا بعدين عشان كدبتي عليا كل مرة كل مرة أسألك تجولي انا بخير
فرحة بضعف كنت خايفة خايفة تكبري في الموضوع وأقولك إيه إن بنتك بقت مكسورة كل يوم إن كل يوم الراجل اللي اختارته بيكسر فيها حاجة عشان كدة سكت
كريمة بسخرية
بجولك ايه يا صبرين متخربيش علي بتك وعرفيها قيمة جوزها وعيلته ولو رايدة تتدلع تجعد في بيت أهلها إنما هنا تمشي عدل ولا احنا نعدلها
صبرين بصوت عالي أنا مش هسكت وربي ما هسكت ولو فاكرة ان بتي هتتجهر واسمت تبجي غلطانة يا كريمة انتي وولدك وانت يا فارس لو فاكر انك بجوازك من بتي تبجي ملكت فلوسها وكل حاجة تبجي غلطان لان كل اللي سابه عمك بأسمي لانه كان خابر ان بته هتبجي لحالها يعني نأبك طلع علي شونة ولما وافجت اجوزك بتي كان عشان هي رايداك مش اكتر
معتز بصدمة كيف يعني كل حاجة باسمك انا مش فاهم عمي ميمعملش اكده ابدا
صبرين بشماتة لكريمة وهي بتسحب فرحة من ايديها
ابجي اعملي يا كريمة لولدك طاسة الخضة اصله الصدمة يا عيني اثرت عليه ورجة بتي توصلها الا يمين بالله لاطربجها علي دماغك انتي وولدك يلا بت همي قدامي
مشيت صبرين وفرحة ووقف معتز يبص لامه بصدمة وهي كمان مكنتش مصدقة ان فعلا كل حاجة راحت بعد ما كانو ضمنوها بجواز معتز من فرحة
بعد كام يوم كانت قاعدة صبربن مستنية رعد اللي شوية ودخل مع ابوه الشيخ حسن
رعد بقلق خير يا مرت عمي في إيه جوتيلي تعالي بسرعة وهات ابوك في يدك
صبرين برجاء وهي بتقوم تقف أنا طلبتكم عشان عاوزاكم تقفوا جمب فرحة عاوزاها تخلص من معتز وتطلق منه بسرعة
حسن بيبص لرعد بجدية
يبجى حصل اللي كنا خايفين منه يا ولدي فارس بيأذيها مش اكده يا صبرين
صبرين بحزن أكتر من كده كمان بيتعامل معاها كيف الجارية هو وامه وكأنها مش مرته و أمه بتخليها تخدمها كأنها جت البيت دي شغالة مش مرت ولدها
رعد بعصبية مكتومة وهي كانت ساكتة على ده كله ليه يا مرت عمي ما جولتليش قبل كده كنت وجفته عند حده ويعرف انها مش لحالها
صبرين بكسرة كانت بتكدب عليا كل مرة أسألها تقول كويسة وتقول عايشة مستورة وأنا جلبي كان بيصرخ لما عرفت اللي كان بيتعمل فيها بس مش هسكت وحجها مش هسكت وهجيبه بس اطلجها منه الاول
حسن بغضب البت دي شالت فوق طاجتها ده مش جواز ده سجن وانا كنت خابر نية معتز وابوه من الاول مش اخوي بس خابر زين ان جلبه اسود وعشان كدة كنت رايد رعد يتجوز فرحة بس النصيب
رعد بهدوء غير اللي جواه وفرحة لسه عندهم يا مرت عمي
صبرين بحزن من يومين خدت بعضي وجبتها لما عرفت الحجيجة بس والله من وجتها ما نزلت من أوضتها خطوة كأنها بتعاقب روحها على اللي بيدها اختارته
رعد بتنهيدة
نادمي
صبرين بطاعة حاضر هروح اجيبها واجي
طلعت صبرين فوق تنادي فرحة ودخلت ليها اوضتها وشافتها قاعدة سرحانة ودموعها علي خدها
صبرين بحنية
جومي يا فرحة رعد واد عمك تحت جاي مخصوص عشان يشوفك
فرحة بصوت مبحوح
مش هجدر ياما مش هعرف أبص في عينه بعد اللي حصل بعد ما طلع عنده حق وانا اللي اختارت غلط
صبرين بحنان طب وماله ده هو بنفسه اللي طلب يشوفك جومي يا بتي ده مهما حصل برضه ولد عمك
بعد شوية نزلت فرحة وهي مكسوفة و عينها في الأرض مش قادرة ترفعهم
رعد وهو بيحاول يتجنب انه يبصلها السلام عليكم كيفك يا فرحة
فرحة بصوت حفيف
وعليكم السلام انا زينة يا واد عمي
قربت فرحة من عمها حسن ووطت تحب علي ايديه
رعد بغضب وهو بيقوم هو اللي عمل فيكي كده
فرحة بدموع أيوه وانا مش رايداه يا واد عمي بالله عليك ساعدني أطلج منه
رعد بغضب مكتوم هيحصل بس بعد ما نجيب حجك كامل المهم تنسي اللي فات وتبدأي من جديد وأنا وابوي في ضهرك
فرحة بابتسامة حزينة حاسة إني بأمان دلوقتي بس ندمانة ندمانة إني ماسمعتكش يا رعد اني اسفة يا واد عمي
رعد بصوت قوي عادي يا بت عمي المهم إنك عرفتي الحجيجة ومهما حصل متسمحيش لحد يكسرك انتي بت عمدة البلد كلياتها
حسن بحزم من النهاردة معتز مش ليه حجة عليكي ولا كلمة عندنا وانا هجف ليه عشان يعمل في عرضنا كدة بينا يا ولدي
رعد وحسن يقوموا يخرجوا وفرحة واقفة مكانها بتعيط وهي متابعاهم و من جواها حاسة بالندم واحساس راحة وامان أول مرة تحسهم من سنين من وقت جوازها بمعتز
في بيت معتز كان داخل حسن ورعد وراه وكان باين عليهم الغضب وسيد شافهم فاتوتر
سيد بابتسامة باردة وه الشيخ حسن اخوي جاي بنفسه داري غريبة دي يا ولاد
الشيخ حسن بنبرة حازمة
إحنا جينا النهارده يا سيد عشان نخلص الموضوع ده كله ونرجع للبنية حجها
سيد بعصبية مصطنعة وهو بيحاول يظهر ثباته
موضوع إيه بس حسن وبعدين بنت اخونا متجوزة ولدي واكيد كل المتجوزين بينهم مشاكل ولا ايه
الشيخ حسن حرك راسه بيأس
مش هتتغير يا سيد أنا من زمان وانا شايفك جلبك مش صافي طمعان في مال أخونا المرحوم وأكتر من مرة حذرتك يا اخوي وياما جولتلك الدنيا فانية بس امت طمعك عاماك واخوي كان طيب وكنت انت بتستغل طيبته
سيد بنبرة حادة
ما بلاها الحديت اللي لا بيودي ولا يجيب ده يا حسن وخلينا نتكلم في المفيد
الشيخ حسن بهدوء غاضب
المفيد اني شايف نفسي مسؤول قدام ربنا عن مال أخويا وبته والحمد لله إنه سمع نصيحتي وكتب كل أملاكه باسم مرته صبرين جبل ما يموت عشان يحميهم منك ومن غيرك
سيد بعين فيها نار
يعني انت اللي كنت ورا الموضوع ده ! انت السبب إني ماخدتش حاجة !
الشيخ حسن بضيق
أنا السبب إن احمي حج فرحة بت اخوي اه بس مجدرتش احميها هي من ولدك ومن غباءه عليها بس خلاص لا انت ولا ولدك هتقدروا تمدوا إيدكم على شبر واحد حجها ولا من البنتة ذات نفسها بعد كدة
في اللحظة دي دخل معتز اللي بان عليه التوتر الشديد لانه متوقعش يشوف رعد ولما شافه بيبصله بغضب خاف من جواه واترعب لانه عارفه كويس وفعلا ال ما شافه رعد قام بغضب وقرب منه
و فجأة مسكه من هدومه وبدأ يضرب فيه
رعد بغضب
ده حج فرحة يا معتز عشان فكرت تمد يدك عليها و تهينها وهي جوه دارك
معتز بوحع وهو بيبعد عن رعد
رعد والله كنت متعصب والموضوع كبر مني
رعد بغضب
دلوك هتيجي معايا وترمي عليها يمين الطلاق ومش هيطلعلك صبح لو ما عملتش كده فاهم !
سيد حاول يتدخل بس الشيخ حسن وقفه بنظرة حاسمة
الشيخ بغضب
خليه راجل ويتحمل نتيجة افعاله يا سيد و يواجه اللي عمله وإحنا هنا عشان نرجع
كانت فرحة قاعدة ووشها باين
