فرحة قلب صعيدي بقلم اسراء ابراهيم
عليه التعب بس فجأة سمعت اصوات برة البيت و الباب اتفتح ودخل رعد ماسك معتز من دراعه وبيرميه قدامها
فرحة بخضة
رعد في إيه
رعد بهدوء
ما تخافيش يا فرحة جولتلك إني مش ههمل حجك وهو دلوك جاي يطلجك بنفسه انطج يا واكل ناسك انت
معتز بص لفرحة بخوف وهو بيحاول يعترض بس مفيش فايدة
معتز بصوت واطي
أنتي طالج يا فرحة
فرحة عنيها دمعت وهي بتحط إيدها على وشها بس عنيها بتلمع بارتياح و بتبتسم ابتسامة خفيفة كأنها بتتنفس أول مرة من شهور
فرحة بابتسامة راحة
الحمد لله
رعد خلي معتز يخرج ورجع تاني ليها وهو بيبصلها بحنية
رعد بابتسامة
ماتخافيش محدش هيقربلك تاني وأنا وأبوي في ضهرك
فرحة بدموع
أني غلطت يا رعد صدقت اللي ما يستاهلش وكدبت اللي كان بيخاف عليا بجد انا اسفة جوي حاسة اني لازم أتكلم واجولك اني ندمانة جوي و دلوجتي إني حرة وبسببك يا واد عمي ربنا يخليك ليا
رعد بيهز راسه بابتسامة
كلنا بنغلط بس المهم إنك عرفتي الحجيجة وابتديتي من جديد
فرحة بتنهيدة وهي بتكلم نفسها
أنا نفسي الزمن يرجع تاني كنت اخترتك أنت مش هو يا رعد كان زمان حياتي غير
رعد ابتسم بتلقائية
سرحتي في ايه يابت عمي جولتلك انسي اللي فات وكفاية إنك رجعتي لنفسك يا بنت عمي وأنا موجود دايما موجود لو احتجتيني
نظرة طويلة بينهم مافيهاش كلام لكن كلها لغبطة وندم من ناحية فرحة
عدي كام شهر كانت فرحة فيهم رجعت تاني زي الاول واحسن وكان رعد مهتم بيها وبيكلمها دايما كل يوم وكانت هي سعيدة اوي باهتمامه ده كانت قاعدة في الصالة ووشها منور الضحكة وهي لابسة فستان بسيط بس جميل وقاعدة جنب أمها صبرين اللي بتراقبها بابتسامة خفيفة
فرحة بتضحك وهي بتبص في الساعة
رعد جرب يوصل دايما بيجي في نفس المعاد كل جمعة
صبرين بتضحك
منا خابرة انه بيجي كل جمعة وخابرة برضككيف وشك بيبجي منور وهو مستنيه
فرحة بخجل
انتي بتجولي ايه بس ياما بس اجولك انتي عندك حق الجمعة دي بجت أغلى يوم في الأسبوع عندي
دق الباب و فرحة قامت بسرعة تفتح وفعلا شافت رعد ووراه الشيخ حسن و ابتسامتها وقتها وسعت وعينيها بتلمع
فرحة بابتسامةوراحة
نورتوا يا عم حسن تعال يا واد عمي اجعد
رعد بابتسامة وهو بيشاور
السلام عليكم كيفك يا فرحة انهاردة
فرحة بابتسامة
وعليكم السلام اني زينة يا واد عمي تعالى بجي انا جهزت الغدا مع امي وكنا مستنينكم
رعد بابتسامة
وه ده انا شكلي انهاردة بطني هتوجعني ربنا يستر يا مرت عمي
فرحة بصدمة وهي بتضحك
بجي اكده يا رعد بتعيب علي واكلي طيب ابجي
رعد بابتسامة
بهزر معاكي يا فرحة وبعدين كله الا الشاي بتاعك حاكم ده بيعدل راسي وبيخليني طول اليوم مزاجي رايق
ابتسمت فرحة بخجل و بعد الغدا كانو قاعدين في الصالة وفرحة بتحكي لرعد عن كل حاجة حصلت طول الأسبوع عن كورسات بدأت تاخدها وأكلات جديدة جربتها وحتى عن الزرع اللي بتحبه
فرحة بحماس
تخيل إن الصبار اللي جبته من شهر طلع له وردة أول مرة أشوف صبار يورد حسيت إنه بيضحكلي يا رعد
رعد وهو بيسمعها باهتمام
شكلك بجيتي فنانة في كل حاجة يا بت عمي بس جدعة انك مهتمية بدراستك اهم حاجة
فرحة بخجل
دا من تشجيعك يا رعد ربنا يخليك ليا يا واد عمي
الشيخ حسن يبتسم وهو بيبص لابنه وبنبرة هادية يقول
مجولتلهاش يا رعد إنك مش هتيجي الجمعة الجاية
فرحة وشها اتغير وكشرت بعفوية وهي بتبص لعمها
ليه يا عمي عندكم شغل يعني ولا خير
الشيخ حسن بفرحة
لا يا فرحة بس رعد ولد عمك أخيرا وافج وهنروح نخطبله
فرحة اتجمدت للحظة وملامحها اتغيرت و قلبها اتقبض فجأة وهي بتبص لرعد اللي كان ساكت وعينيه فيها حاجات كتير مش مفهومة
فرحة بنبرة حزينة بتحاول تخفيها
مبروك يا واد عمي تستاهل كل خير
قالت كدة وهي بتقوم فجأة وكملت بصوت واطي
عن إذنكم هطلع أصلي افتكرت حاجة كنت نسيتها
مشيت فرحة بخطوات سريعة وهي بتحاول تمنع دموعها وصبرين متابعاها بحزن وبعدين بصت لرعد اللي كان مشغول ومتابع فرحة بعنيه
صبرين هدوء
مبروك يا ولدي ربنا يقدم اللي فيه الخير
عدي كام يوم كان رعد بيتصل على فرحة وهي مش بترد وكان هيتجنن من القلق عليها وهي كانت شايفة ان كدة احسن وانها مش لازم تعلق قلبها بيه اكتر من كدة بس المرادي رعد رن كتير اوي فاضطرت ترد
فرحة بحزن وهي بتحط التليفون علي ودنها
ألو كيفك يا واد عمي
رعد بلهفة وهو بيتعدل
فرحة! أخيرا رديتي انا كنت هتجنن ليه مكنتيش بتردي من يوم ما مشيت من عندكم وأنا بكلمك ومفيش رد ليه اكده انا زعلتك في حاجة
فرحة بصوت باين فيه الحزن
كنت مشغولة شوية وقلت أكيد انت كمان مشغول بتحضر ليوم خطوبتك ومحبتش أزعجك
رعد ساكت لحظة وبعدين يتكلم بصوت هادي فيه حيرة
ليه حاسس إنك زعلانة يا فرحة عشان يعني معرفتكيش أنا وعرفتي من أبوي
فرحة بنبرة حزينة وعيونها بتدمع
أنا عمرى ما ازعل منك يا رعد وبالعكس بتمنالك كل السعادة من جلبي عشان انت تستاهل كل خير
رعد بيتنهد
أنا خايف يا فرحة والله خايف من الخطوة دي انا مش حمل وجع جلب
فرحة بحزن
خايف من ايه بس يا رعد انت
رعد بيبتسم وبيرد بتوهان
من ناحية زينة فهي زينة البنتة يا فرحة أخلاج وأصل وجمال بس خايف خايف ترفضني وتكسرني
فرحة قلبها كان واجعها من كلامه اوي يمكن عشان اتمنت يكون لسة عاوزها بعد اللي حصل بس كلامه اكدلها انه عمره ما هيبصلها بعد اللي حصل فكانت بتحاول تهون عليه رغم وجعها
فرحة بصوت حزين
إزاي ترفضك ! ده انت زين الرجال وهي مكنتش تحلم براجل زيك أنا متأكدة إنها هتوافج يا رعد
رعد بصوت تنهيدة
ربنا يسمع منك بس مش عارف ليه حاسس إن جلبي مش مطمن اصلك متعرفيش انا عارفها من زمان بس هي مكنتش شايفاني غير اخوها ومخبرش هي دلوك شايفاني ايه
فرحة بتغير الموضوع بسرعة علشان ما يبانش وجعها
الجلوب بتتغير يا رعد واكيد هي شافت جلبك كيف نضيف وعشجك ملي جلبها متخافش وتوكل علي الله وان شاء الله خير صحيح هتعمل خطوبة ولا هتكتب علطول
رعد بتنهيدة
أبوي قال في الدار على الضيق بس أنا مشغول بالي انها توافج الاول أكتر من أي حاجة تانية
فرحة بابتسامة حزينة
ما تشغلش بالك كل شيء هيبجى تمام وأكيد هي هتوافج هي هتلاقي زيك فين يا واد عمي
رعد بصوت فيه حيرة
لو تعرفي أنا ليه كنت مستني أرد على مكالمتك صوتك لوحده بيهون عليا حاجات كتير
فرحة بصوت واطي وهي بتحاول تخفي وجعها
وأنت كمان يا واد عمي دايما الامان بالنسبالي وعشان كدة رديت لاني مجدرتش استحمل مسمعش صوتك ولا اسمع حديتك اللي بيطمني
لحظة سكون بينهم و كل واحد مش قادر يقول اللي فعلا جواه
رعد بصوت شبه هامس
فرحة رايد اسألك علي حاجة
فرحة بسرعة
طبعا اسألني يا واد عمي
رعد بتردد
لو الزمن رجع كنتي هتختاريني
فرحة كان نفسها ترد وتقوله انها كل يون بتندم الف مرة انها مختارتهوش بس للاسف مقدرتش تنطق لانه خلاص فات الميعاد
فرحة بصوت مخنوق
مبجاش ليه لازمة السؤال ده يا رعد ربنا يسعدك مع البنتة اللي جلبك اختارها
رعد بقلق
فرحة انتي بتبكي
فرحة وهي بتمسح دموعها اللي خانتها
لا يا واد عمي دي دموع فرحة هجفل معاك بجي عشان اني بتنادم عليا سلام
قفلت فرحة بسرعة ووقتها بقت تعيط وهي من جواها احساس الندم بيزيد
يوم الجمعة كانت فرحة قاعدة في الصالة بتجهز السفرة وهي متأكدة إن رعد مش هييجي النهارده خصوصا بعد اللي عرفته من الشيخ حسن الجمعة اللي فاتت ومن رعد اخر مرة بس رغم كده كل دقة على الباب كانت بتخلي قلبها يتنفض وتفتكر هو بس املها بيخيب لحد ما سمعت صوت امها
صبرين بصوت عالي
يا
فرحة وقفت مكانها و قلبها بيخبط بسرعة وبسرعة راحت تفتح الباب وابتسامتها خرجت قبل حتى ما
تشوفهم
فرحة بفرحة تلقائية
يا أهلا وسهلا اتفضلوا كيفك يا عمي
الشيخ حسن بابتسامة واسعة
سلمتي يا بت أخويا كيفك يا فرحة
فرحة وهي بتبص لرعد اللي ساكت وعنيه مش بتسيبها
الحمد لله يا عمي بس ما مجولتليش إنكم جايين كنت جهزتلكم حاجات أكتر انا خابرة ان انهاردة رعد هيروح يخطب وانكم مش هتيجو كيف ما جولتلي الجمعة اللي فاتت
الشيخ حسن بضحكة خفيفة
لا ما إحنا جايين زيارة ونكمل مشوارنا
فرحة بخيبة امل
مشواركم طيب اتفضلو نورتو
الشيخ حسن بضحكة خفيفة
بنورك يا بتي انا كنت جوتلك جبل سابق انه رعد هيخطب
فرحة ابتسامتها و اختفت وبصت للأرض
فرحة بصوت واطي
ايوة ما شاء الله يا عمي ربنا يتممله على خير
سكتت لحظة وبعدين رفعت عينيها وبصت لرعد اللي ابتسم ليها بحب وقام من مكانه وقرب منها وهو بيتكلم
رعد بهيام
طب مش رايدة تعرفي مين العروسة يا بت عمي
فرحة بتوتر وخوف وهي بتبص لرعد
مين يا رعد اني اعرفها
الشيخ حسن بابتسامة
ايوة يا فرحة العروسة تبجي بت عمه
فرحة بصدمة وهي لسة مش مستوعبة
بت عمه مين انا مش فاهمة
رعد بابتسامة جذابة
ايوة العروسة هي انتي يا فرحتي
فرحة متفاجئة مش مصدقة
أنا ! بجد يا رعد انت تجصد انا
الشيخ حسن بابتسامة
هو من زمان جلبه عندك بس كان مستني اللحظة المناسبة
فرحة بدموع فرحة
بس بس انت قولت إنك هتخطب بنت زينة وخايف ترفضك انت كنت تجصدني انا يا رعد
رعد بيقرب أكتر وبيقعد جمبها
وهي فعلا زينة أنتي الزينة يا فرحة وانتي اللي عمري ما شوفت غيرك وخوفت أجولك ترفضي تاني وتكسري جلبي ورغم كدة جلبي مابقاش قادر يستنى أكتر وعشان كدة جولت هتقدملك وزي ما تيجي
فرحة بتبصله بعينين كلها دموع وهي مش مصدقة انه فعلا بيحبها الحب ده
اياك فاكرني مجنونة عشان ارفضك تاني واضيع سنين من عمري وانت بعيد عني يا رعد انا دبوك هجاوب علي سؤالك اللي سألتهوني لما جولتلي لو رجع بيكي الزمن هتوافجي يا فرحة والجواب هو اني كل يوم بندم الف مرة اني موافجتش يا رعد كنت بخاف من يوم رجعت اهنه انك تبعد عني وارجع اتغرب تاني صدجني يا رعد انا من غيرك تايهة وبيك الدنيا مش فارجالي يا واد عمي
الشيخ حسن بفرحة
خلاص إحنا جينا نطلبك النهارده رسمي والباجي عليكي يا بت اخوي
فرحة وهي بتبص لرعد بحب
وأنا موافجة يا عمي
صبرين بفرحة
يا الف نهار
رعد كان جمب فرحة وبيبصلها بحنية وهي بتردله النظرة بابتسامة كلها حب وبتحمد ربنا انه عوضها خير وبعتلها اللي داوي جرحها تمت
