خطيبتي المجنونة بقلم اسراء ابراهيم حصري علي موقع ايام
اسكربت
خطيبتي المجنونة
يعني انتي مصممة علي رأيك ومش هتطلعي تقوليلهم انك مش عاوزاني يا حور
حور بدلع تؤ تؤ مش هغير رأيي يا زين عشان انا بحبك وانت كمان بتحبني بس مش واخد بالك
زين بعصبية انتي هبلة يا بت هو ايه اللي مش واخد بالي اني بحبك ده حووور انتي عارفة ومتأكدة اني بحب رقية بنت عمنا ازاي هتقبلي انك تتجوزيني وانا بحب واحدة تانية
حور ببرود مليش دعوة ثم تعالي هنا رقية اصلا مش شبهك انت بتحب البنت الجامدة الاند بندت وومن لكن رقية دي فافي دي لو ضفرها اتكسر هتعيط عليه يومين يابني انت عاجبك فيها ايه بس
زين بعصبية وانتي مالك انا بحبها كدة زي ما هي وبعدين مين قالك اني بحب البنت الجامدة زي ما بتقولي وبعدين في فرق من انها تبقي قوية بس فيها انوثة مش مسترجلة وفاكرة نفسها رامبو
حور بغضب وهي بتضيق عنيها والله بقي اللي مش بتحط احمر ولا اخضر ومش بتلبس ضيق يتقال عليها مسترجلة عجبت لك يا زمن تصدق ياض انت انا خسارة فيك بس زي بعضه هبقي اظبطك بعد ما نتجوز واخليك تراجع الكلام العبيط بتاعك ده وتغير رأيك وفكرتك دي خاالص
زين بغضب وهو بيقف يعني برضه مصممة اننا نتجوز يا حور
حور بتلقائية لا بص الموضوع ده خلاص مفروغ منه وانا مش هقول لجدي اني مش موافقة لاني موافقة قلبا وقالبا بس عندك جدي لو قدرت تقنعه يغير رأيه انا تمام غير كدة بقي يا قمر انت هتبقي زوجي قرة عيني قريب جداااا
زين بتوعد ماشي يا حور بس صدقيني هخليكي تندمي وتتمني لو يرجع بيكي الزمن وترفضيني واوعي تفتكري ولا يكون عندك امل اني ممكن احبك في يوم من الايام وده لاني
خلص زين كلامه وساب حور وخرج من الاوضة ووقتها حور قناعها وقع وعيونها احمرت والدموع نزلت شلال منهم وكأن كل كلمة سمعتها منه كانت بتوجع قلبها بس للاسف كانت مضطرة تستحمل ومضطرة تسكت فمسحت حور دموعها بسرعة وخرجت ورا زين عشان تشوف الموضوع هيرسي علي ايه
.......................................
عبدالله الجد بفرحة ها يا زين يابني خلاص اتفقتو
زين بضيق يا جدي اسمحلي اتكلم معاك علي انفراد
عبدالله بجدية قول اللي عاوز تقوله هنا يا زين محدش غريب ده عمك ناصر اللي هيبقي حماك ومراته فادية اللي هتبقي حماتك برضه ماهي اللي مربية حور يعني مش مرات ابوها بس دي زي امها
زين بغضب مكتوم طب حيث كدة انا مش موافق اتجوز حور يا جدي لاني بصراحة بحب رقية بنت عمي عزيز وكنت ناوي اتجوزها بعد ما تخلص الجامعة
عبدالله بغموض اممم ولو قولتلك ان حور من صغرها وهي مكتوبة ليك يا زين حور اول حفيدة في العيلة وهي الكبيرة عن رقية اينعم بسنة واحدة بس دي عادتنا قولت ايه
زين باصرار قولت اني مش موافق يا جدي حور بالنسبالي مش اكتر من بنت عمي وزي اختي لكن اتجوزها صدقني صعب
في نفس الوقت كانت خارجة حور من اوضتها وبصت لفادية اللي بصتلها باستفهام كانها بتسألها فحركت حور راسها بايجابية فاطمنت فادية وبصت لزين
عبدالله بجدية كلامك ده كله ميفرقش معايا كل اللي يهمني حور لو موافقة يبقي جوازك منها هيتم غصب عنك لاني مش هكسر قلبها ولو رفضتك برضه مش هجوزهالك ولو انت اللي عاوزها يعني القرار قرارها
بص زين لحور بغضب وحور اتوترت وبصت لفادية مرات ابوها
حور بتردد انا بقول يا جدي لو زين يديني فرصة انا متأكدة اني هقدر اسعده
زين بعصبية انتي اتجننتي انتي ايه معندكيش كرامة
عبدالله بغضب زييين احترم نفسك وصوتك ميعلاش قدامي ولا نسيت نفسك حور خلاص قالت رأيها واعمل حسابك انك هتتجوزها والا ملكش اهل وابقي وريني هتتجوز رقية ازاي
زين بصلهم كلهم بغضب ومشي ووقتها حور عيطت بحرقة وجريت اترمت في عبدالله جدها اللي طبطب عليها بحنان تحت نظرات ناصر اللي مكنش عاجبه اللي بيحصل
عبدالله بحنية اهدي يا قلب جدك متزعليش الواد ده طول عمره كدة صوته عالي متزعليش نفسك وانا اوعدك اني هجوزهولك
ناصر بضيق انا مش عاجبني اللي حصل ده يا بابا انا بنتي مش رمية ولا بايرة عشان اديها لزين ابن اخويا وهو مش عاوزها
عبدالله بجدية زين مش فاهم ولا عارف حاجة يا ناصر فمتعاتبش عليه هو بس الحمية واخداه عشان بنت عزيز اخوك و انا بقي لا يمكن هخليه يتجوزها
كانت سامعة حور كلام جدها وهي مستغربة وبتبص لفادية مرات ابوها بشك و قررت تفهم الحقيقة ومتفضلش هبلة بتسمع الكلام بس عشان خايفة
.............................................
زين كان قاعد قدام عمه عزيز وباين عليه الضيق وكانت قاعدة معاهم ليلي مراته ورقية بنتها
عزيز بهدوء اهدي يا زين وبلاش الاندفاع ده انت ناسي ان جدك مبيرجعش في كلامه ولو عندت قصاده مش هيجيب نتيجة معاه اسألني انا
زين بعصبية خفيفة يبقي اتكلم معاه انت يا عمي روح كلمه وقوله اني مش بحب حور واني مش عاوزها واني عاوز اتجوز رقية انا قولتله كدة وبرضه مصمم
رقية بغيظ طبعا ماهو مش هيقدر
ليلي بخبث طب بقولك ايه يا زين ايه رأيك لو تحطه قدام امر واقع وتتجوز رقية
زين بصدمة اتجوز من وراه
عزيز برفض لا يا ليلي مش هيحصل كدة ابقي بعادي ابويا وانت يا زين جدك هتخسره يا ابني انت حاول اتفاهم معاه
رقية بخبث لامها شوفتي يا ماما ازاي عاوزين يحرموني من زين ويفرقو بينا انا مش عارفة ليه بيعملو كدة هو انا مش حفيدتهم زيها
ليلي بخبث اكبر معلش يا حبيبتي ربنا عوضك اهو بزين وحبه ليكي اكيد مش هيسيبك وهيتحداهم عشانك مش كدة يا زين
زين بتأثر اكيد طبعا يا مرات عمي انا بحب رقية وهما عارفين كدة وم هسكت الا لما اقنعهم
ليلي بفرحة ايوة كدة يا حبيبي ربنا يخليك لينا
كان متابع الكلام عزيز بضيق لانه مش عاجبه اللي بيحصل بس سكت لانه مش بايديه حاجة يعملها او هو فاكر كدة
...........................................
تامي يوم كانت واقفة فادية بتعمل الاكل لما دخلت عليها حور اللي قربت منها بسرعة وحيرة
حور باندفاع ماما ممكن تفهميني الحقيقة لو سمحتي متكدبيش عليا في حاجة انا من حقي افهم كل حاجة انا مش صغيرة
فادية بتنهيدة قولي يا حور عاوزة تفهمي ايه عشان انتي مبقتيش صغيرة زي ما بتقولي
حور باندفاع اانا عاوزة اعرف ليه حضرتك صممتي اني اوافق علي زين رغم انك متأكدة انه مش بيحبني ولا انا كمان بحبه ليه اجبرتيني اسمع اهانتي وهو بيرفضني قدامكم كلكم ليه تقبلي بحاجة زي دي عليا
فادية بحنية يا حور انتي بنتي وانا عمري ما اقبل عليكي الهوار وانتي عارفة بس في حجات اوقات بتجبرنا اننا نمشي في طريق مش طريقنا وانا لما
