خطيبتي المجنونة بقلم اسراء ابراهيم حصري علي موقع ايام
وجواز بجد اومال لو مكنتيش عارفة الحقيقة كلها
فادية بحب يا حور يا حبيبتي انتي بس لو تسمعي كلامي وتتعاملي عادي كل حاجة هتبقي حلوة وكمان متنسيش انه فعلا جواز بحق وحقيقي وقدام ربنا والدنيا كلها يعني لازم تفرحي
كانت حور هترد بس قطع كلامها خبط الباب وصوت زين من برة
زين بصوت عالي ممكن ادخل يا حور
حور بصدمة وهي بتبص لشكلها المنعكش يا لهوي ده زين ايه اللي جابه
فادية بفرحة يوه اكيد جاي يصبح عليكي تعالي يا زين ادخل يا حبيبي
دخل زين بحماس وعلي وشه ابتسامة واسعة وفي ايديه علبة كبيرة
زين بحماس صباح الخير ازيك يا حور
حور بزعل كويسة
زين بتلقائية وهو بيمد ايدهطب خدي شوفي ده كدة وقوليلي رأيك
حور باستغراب ايه ده
اخدت حور العلبة وفتحتها وفجاة ابتسمت بتلقائية اول ما شافت الفستان اللي اختارته مع زين امبارح وكانت طايرة من الفرحة وهي بتخرجه من علبته
حور بفرحة الله ده الفستان اللي اختارناه سوا انت رجعت تاني جبته عشاني .
زين بابتسامة طبعا وجبتلك حاجته كلها معاه انا فرحان اوي انه عجبك
حور ابتسمت بسعادة مش عشان الفستان بس عشان زين فكر فيها ورجع مخصوص المحل تاني عشانها يعني ده معناه انها في باله
حور بسعادة شكرا يا زين بجد متشكرة اوي
زين بسعادة اكبر قوليلها حاجة يا مرات عمي هو في واحدة تشكر الراجل اللي هيبقي جوزها
فادية بفرحة من تغير معاملة زين لحور ايوة يا حور زين عنده حق انتي بتشكريه ده خلاص كلها كام ساعة وهتبقي مراته
حور بخجل احم انت هتلبس بدلة لون ايه
زين باستغراب اسود ليه في حاجة
حور بخجل طب ممكن الجرافت يبقي لونها بينك لون الفستان
زين باندفاع طبعا هروح انا اجهز بقي اشوفك بليل
حور بفرحة سلام
خرج زين وحور فضلت تتنطط من الفرحة وبقت حاضنة الفستان وتلف بيه تحت نظرات فادية اللي فرحانه علي فرحتها
فادية بخبث سبحان مغير الاحوال من دقيقتين كنا زعلانين ومقموصين دلوقتي بقي الضحكة مسمعة البيت كله
ابتسمت حور بخجل فادية اللي طبطبت عليها بحنان ومن جواها فرحانة ان
..................................
بارك الله لكما وبارك عليكما وجمع بينكما في خير
كانت واقفة حور بتبص لزين وهو كمان بيبصلها بغموض ومن جواه مشاع متلخبطة كان في وقت تاني متخيل ان يوم ما ده يحصل هيبقي مش طايقها بس ميعرفش ليه حاسس انه مبسوط بس هو بيقاوم احساسه ده
رقية كامت متغاظة وهي شايفة نظرات زين لحور فقربت منه وهمست ليه ايه يا زين خلاص هتنساني كدة
زين بتوتر وهو بيبص ناحية حور لا طبعا يا رقية بس يعني اعشان الناس بعد اذنك
حور شافتهم بيتهامسو فدورت وشها بعيد عنهم بحزن وعملت نفسها مشغولة بمباركة الناس ليها
ليلي بسخرية وهس بتقرب من حور مبروك يا حور بس متفرحيش كتير عشان مش هتدوم
حور بصتلها بزعل بس اللي ردت فادية اللي كانت واقفة جمب حور وكأنها بتحميها وهي بتبص لليلي بشر
فادية بغضب ومش هتدوم ليه حور ست البنات ولايقة علي زين اصلها شبهه يعني مش متجوزاه عشان طمعانة في الليلة ولا ايه يا ليلي
ليلي بتوتر انتي تقصدي ايه يا فادية اوعي تفتكري ان الكلام الفارغ ده حد هيصدقو لو قولتيه
فادية بسخرية متلقيش ربنا موجود وان شاء الله يكشفكم علي حقيقتكم انتي وبنتك
حور كانت متابعة الحوار وخدتش بالها من زين اللي قرب عليها واتفاجأت بيه بيمدلها ايديه فرفعت عنيها زاتقابلت مع عيونه اللي كانت بتلمع ولايقة مع دقات قلبه ورعشة ايديها اللي مدتها في ايده منغير ما تحس بنفسها ووقتها وقفت حور قدام زين اللي كان مبتسم بجاذبية
زين بتلقائية تعرفي انك زي القمر حور وانتي فعلا حور
حور بخجل كلامك بيوترني يا زين لو سمحت بطل وبعدين منامتي شايفني كدة انتلحد من يومين كنت شايفني المتطفلة اللي معندهاش كرامة واوزة تتجوزك غصب عنك
زين بتنهيدة هتصدقيني لو قولتلك مش عارف حقيقي مش عارف يا حور بس اللي متأكد منه واللي بحاول اهرب منه بقالي فترة هو احساسي ناحيتك اللي مش عارف افسره
حور بابتسامة وتشجيع وانا كمان علي فكرة
ابتسم زين بتلقائية
..........................................
عدي كام يوم كانت حور حياتها مختلفة خالص من كتب الكتاب وده لان زين اتغير مية وتمانين درجة معاها وبقي مهتم بيها اوي وهي فرحانة اوي بده انهاردة اول يوم امتحان لحور فكانت واقفة قدام المرايا بتظبط لبسها لما جتلها رسالة فمسكت التليفون وفتحتها بسرعة وبعدين ابتسمت بتلقائية لما قرأتها وعرفت انها من عمر وبيقولها انه مستنيها تحت فخدت شنطتها بسرعة ونزلت بحماس واول ما خرجت لقته واقف مستنيها وفي ايده بوكيه ورد
زين بابتسامة صباح الخير اتفضلي
حور بسعادة مكنتش تعبت نفسك كفايا انك مستنيني كمان وهتوصلني
زين بقصد طبعا مش مراتي
حور اتكسفت وركبت العربية وزين هو كمان ومشي بيها عالجامعة بس في الطريق كان زين متردد انه يتكلم وحور لاحظت ده
حور باستغراب زين هو في حاجة حساك عاوز تقول حاجة ومتردد
زين بابتسامة اممم واضح انك خلاص حفظتيني يا حور بصراحة ايوة
حور بتشجيع طب قول انا سامعاك ومتخافش مش هعضك الا علي حسب يعني الموضوع
ضحك زين واتكلم بتشجيع بصراحة كدة انا مش عاوزك تتكلمي مع اللي اسمه ريان زميلك ده ممكن وعلي فكرة انا واثق فيكي بس يعني هضايق لو شوفتك بتكلميه ..
حور بسعادة اممم وانت لسة فاكر اسمه ما شاء الله ذاكرتك قوية
زين بتحذير حووور
حور بضحك خلاص خلاص اوعدك مش هتكلم معاه وده لاني متزوجة وعيب اني اتكلم مع اي راجل غريب عني انا بس بستأذنك لو هو اتكلم معايا اعرفه اني اتجوزت وامشي علطول
زين بفخر انتي تعملي اللي انتي عاوزاه لاني واثق فيكي يا حوري
حور ابتسمت بتلقائية وفرحت اوي بأسمها اللي نطقه زين وزود عليه ياء الملكية فكانت في قمة سعادتها
...............................................
عدي اليوم وكانت داخلة حور وزين اللي عدي خدها من الجامعة بعد ما خلصت وكانو داخلين يضحكو من باب البيت بس وقفو فجأة لما شافو رقية واقفة وباين عليها الغضب
رقية بغضب
زين بضيق اهدي يا رقية وبعدين نتكلم
رقية بغضب بعدين هو انت فاضيلي يا استاذ زين كلايا عليك ست حور ومشاويرها دي خلتك حتي تليفوناتي متردش عليها
فادية بغضب وهي خارجة من المطبخ وده مش المفروض يخليكي يبقي عندك كراكة وتنسحبي يا رقية زين خلاص مبقاش عاوزك هو بيحب حور وهيفضل معاها قولي لامك ان خطتها باظت ومقدرتوش تضحكو علي زين
زين باستغراب يضحكو عليا يعني ايه يا مرات عمي
فادي بتنهيدة اسمعني يا زين البت دي هي وامها انا سمعتهم وهما بيتفقو عليك ويخلوك تتجوز
رقية عشان الورث اللي هتاخده من بعد حياهدة جدك وعشان كدة انا كلمت حور وخلتها توافق عليك غصب عنها عشان ننقذك من العالم دي يابني لاني خفت اقولك وقتها متصدقنيش لانك مكنتش شايف غيرهم
كان زين مصدوم وهو بيسمع مرات عمه ومكنش حاجة شاغلاه قد جملة فادية ان رقية مكنتش موافقة ومغصوبة عليه يعني مش بتحبه زي ما كانت مبيناله في الاول بص زين لحور اللي بصت في الارض بحزن ووقتها كانت رقية بتتكلم وتكدب فادية بس وقفها زين باشارة من ايده
زين بجمود خلاص يا رقية انتي لعبتك اتكشفت ومن قبل ما اكشفها انا كدة كدة كنت هقولك اني مش هكمل لاني حبيت بجد واكتشفت ده متأخر بس للاسف
كان بيقول زين اخر جملة وهو باصص لحور اللي دموعها نزلت اكتر ووقتها رقية سابتهم ومشيت وهي بتقول كلام كتير مش مفهوم عليهم
زين بهدوء انا متشكر يا مرات عمي علي خوفك عليا ومتشكر ليكي انتي كمان يا حور بس مفيش داعي نمثل اكتر من كدة ولا تغصبي علي نفسك يا حور وتفضلي معايا
حور باندفاع ومين قالك اني لسة مغصوبة يا زين انا بحبك بجد
زين بصدمة حور انتي متأكدة من كلامك
حور بابتسامة من بين دموعها صدقني يا زين انا بحبك من اول ما اقتحمت حياتك بحجة اني اعمل نفسي بحبك بس الموضوع قلب جد وحبيتك من كل قلبي
زين فجاة ابتسامته وسعت بتلقائية و قرب من حور وشالها ولف بيها وهو بيضحك بسعادة وبيردد ليها وانا بحبك يا حور بحبك
