خطيبتي المجنونة بقلم اسراء ابراهيم حصري علي موقع ايام
و ولمصلحة زين ابن عمك يا حور
حور باستغراب لمصلحتي ومصلحة زين ازاي بقي مش فاهمة .
فادية بتنهيدة هقولك بس الكلام ده بيني وبينك انتي فاهمة اوعي يا حور حد يعرف بالكلام ده واولهم زين
حور بقلق حاضر يا ماما بس في ايه قلقتيني
فادية بتلقائية اخر مرة كنا متجمعين فيها هنا كلنا سمعت بالصدفة ليلي مرات عمك وبنتها وهما بيتكلمو وبيتفقو علي زين اكمنه الولد الوحيد في العيلة وكل حاجة هتبقي ملكه من بعد جدك لانه هو اللي ماسك كل حاجة طمعهم خلاهم يفكرو ازاي يكوشو علي كل حاجة عشان كدة رقية بتلعب علي زين وواكلة عقله وليلي طبعا اللي مقوياها ماهي حرباية هتجيب ايه غير من نوعها عشان كدة لما جدك فتح موضوع جوازك من زين انا قولتلك توافقي ولما رفضتي هددتك انك هتقعدي من الجامعة حقك عليا يا حور بس انتي متعرفيش نيتهم ايه وايه اللي ممكن يحصل فينا لو الحرابايتين دول ملكو كل حاجة
حور كانت مصدومة وهي بتسمع امها ومش متخيلة ان رقية ممكن فعلا تكون بالبشاعة دي
حور بتفكير ااااه وانا برضه بقول انتي عمرك ما غصبتيني علي حاجة اشمعني جوازي من زين اللي مصممة عليه وعشان كدة جدي برضه قال الكلام اللي قاله هو عارف مش كدة
فادي بلهفة لا طبعا واوعي تقوليله حاجة ده ممكن يروح فيها لما يفتكر ان عمك مطاوعهم لانك عارفة هو بيحب عمك عزيز ازاي هو بس عارف مراته وانها وحشة وعشان كدة هو فرحان انك موافقة علي زين وفرحان بجوازكم انتو الاتنين
حور بغيظ بس يا ماما ده بيعاملني وحش اوي انا مش هقدر استحمل معاملته دي اكتر من كدة وهيجي عليا وقت ومش هسكتله
فادية بحب معلش استحملي بس لحد ما
حور بهدوء ماشي يا ماما ربنا يستر ومفتحش دماغه بسبب كلامه ده صحيح انسان مستفز
....................................
حور بفرحة كسبتك يا جدووووو قولتلك انت مش قدي
عبدالله بضحك بقي كدة يا بت ابني بتكسبيني اكمني مفهمش حاجة في اللعبة اللي اسمها شطرنج دي
حور بضحك يا جدو ده انا علمتك من بدري وانت برضه بتتغلب
عبدالله بثقة انتي بس لاعبيني كوتشينة وانا اكسبك علطول لكن اللعب دي مفهمش فيها انا
كانت حور بتتكلم وبتضحك مع جدها لحد ما قاطعهم زين اللي دخل وباين عليه الضيق
عبدالله بابتسامة خير يا بابن ابني مكشر ليه كدة الشغلفي حاجة ولا ايه
زينبجدية الشغل تمام يا جدي بصراحة كدة انا جيت عشان ابلغك اني هتجوز رقية وده اخر قرار اخدته
حور بصت لجدها بخوف من رد فعله بس هو فاجأها بابتسامته وهو باصص لزين
عبدالله بابتسامة طيب يا سيدي مبروك بس متنساش قبل ما تمشي تسيب مفتاح العربية والمصنع وكمان تشوفلك مكان تقعد فيه غير بيتي وبالسلامة انت انا عندي حور اهي بت بميت راجل ومتأكد انها هتقدر تسد مكانك
زين بغضب انت بتلوي دراعي يا جدي انت بتقولي كدة عشان اضعف واوافق اتجوز حور
عبدالله بجدية لا يا زين حور ست البنات والف راجل يتمناها انا بلوي دراعك عشان متاخدش بنت ليلي انا متأكد ان سعادتك مش هتبقي معاها زي ما انا متأكد انها مبتحبكش زي ما انت فاهم وان ده ملعوب من امها عشان تضمنك وتضمن بيك الورث اللي
زين بجدية بعد الشر عليك يا جدي ورث ايه بس ازاي حضرتك تفكر كدة صدقني انت فاهمهم غلط
عبدالله با مبالاه انت قولت اللي عندك وانا قولت اللي عندي يا زين وبراحتك
زين بغضب مكتوم وتوعد ماشي يا جدي وانا موافق اتجوز حور
عبدالله بفرحة عين العقل يابني علي خيرة الله كتب الكتاب يوم الخميس والدخلة بعد الامتحانات بتاعة الكلية
حور بصت لزين بخوف فبصلها هو بغضب وتوعد وهو من جواه مقرر ينفذ خطته اللي فكر فيها قبل ما يعمل اخر محاولة ويجي يتكلم مع جده
............................................
بعد كام يوم كانت واقفة حور قدام الجامعة مع شوية بنات صحابها وبيتكلمو وبيضكحو لحد ما اتفاجأت حور بريان زميلها بينده عليها
ريان باحراج انسة حور ممكن اتكلم معاكي دقيقة
حور باستغراب خير يا ريان هو في حاجة
ريان بص لصحابها ففهمو وسابوها ومشيو ووقف هو معاها لوحديهم
حور بضيق اتفضل انا سامعاك بس ياريت بسرعة عشان وقفتنا كدة ميصحش
ريان بهدوء انا اسف اني نديت عليكي بس انا كنت حابب اقولك علي حاجة ضروري واتمني تفهميني
حور بهدوء اتفضل سامعاك يا ريان خير
ريان بابتسامة انا بصراحة من فترة كبيرة وانا بشوفك هنا دايما وبشوف قد ايه انتي محترمة ومؤدبة وملكيش اي اختلاط بشباب وبصراحة اعجبت بيكي جدا وعشان كدة قررت اكلمك واطلب معاد مع والدك لو مفيش مانع
حور اتوترت ومبقتش عارفة تقول ايه لحد ما فكرت وكانت لسة هتتكلم بس اتفاجأت بزين بيشدها من ايديها وبيسحبها وراه من غير اي كلام
حور بغضب انت بتعمل ايه هنا اوعي سيب ايدي بقولك
زين بعصبية امشي قدامي يا حور وانتي
حور سكتت وركبت العربية مع زين اللي كان سايق بغضب وهي كانت بتعيط جمبه وكل هما شكلها قدام صحابها وقدام ريان زميلها
زين بعصبية وهو بيوقف العربية بطلي زفت عياط بقيييي
حور باندفاع انت بتزعقلي ليه وبصفتك ايه يا حيوان انت انت فاكر نفسك مين عشان تعاملني كدة قدام الناس وايه اللي خلاك اصلا تيجي ورايا
زين بغضب ازعي تفتكري اني هموت عليكي انتي ولا تشغليني لولا جدي اللي صمم اني اروح اجيبك من الجامعة واديني شوفتك
اتفاجأ زين بقلم نازل علي وشه من حور اللي كانت بصاله بغضب وعيونها حمرا من العياط
حور بببحة مميزة انا اشرف منك ومن اي بنت انت تعرفها واياك تفكر تقول عني كلمة واحدة وحشة صدقني مش هسكتلك
خلصت حور كلامها وسابت زين ونزلت من العربية وكان هو مصدوم من القلم اللي ادتهوله وبعدين نفخ بغضب وفتح الباب ونزل هو كمان عشان يلحقها وبقي ينادي عليها بس حور كانت بتجري ومش بترد عليه فجري وراها لحد ما لحقها قبل ما العربية تخبطها فصرخت حور بخوف و زين اللي كان واقف مصدوم من اللي عملته فضلو كدة شوية لحد ما حور خرجت من وكانت بصاله بحزن وتعب
حور بتعب انا عاوزة اروح البيت
زين بهدوء يلا بينا
اخد زين حور ورجعو تاني العربية بس المرادي حور كانت ساكتة تماما وزين كمان كان سايق وكل واحد منهم عقله مشغول بحاجة
....................................
وصل زين وحور البيت ونزلت حور بسرعة وطلعت تجري علي جوة ووراها زين اللي كان باين عليه الضيق
عبدالله بقلق مالها حور يا زين ودخلت تجري علي اوضتها ليه كدة انت زعلتها
زين بضيق لا يا جدي
