احببتها لانها شبهها بقلم اسراء ابراهيم حصري علي موقع ايام
اسكربت
عشقتها لانها شبهها
كان قاعد ادم في كافيه عالشارع وباين عليه الارهاق ندمان انه سمع كلام امه وخرج يغير جو يمكن ينسي طب ازاي وهي عايشة بين جوارحه عدت سنتين وهو هو نفس الشخص مش بيتغير كل يوم بيحلم بيها احساسه انه السبب في موتها كان اقوي منه كان قاعد بيفتكر كل لحظاتهم سوا كان خلاص فاضل شهرين ويتجوزو بس للاسف راحت في غمضة عين كان بيفتكر وهو بيلعب بالدبلة الفضي اللي في ايديه صغير
ننفخ ادم بغضب وقام بضيق وهو مقرر انه يرجع اوضته من تاني بس في نفس الوقت خبط في بنت جميلة كانت معدية من جمبه لدرجة انها كانت هتقع فلحقها هو وقبل ما يتكلم ويعتذر اتصدم اما شافها
آدم بهمس مستحيل ميرا
شمس بغضب انت مجنون مش تاخد بالك ايه القرف ده
آدم وهو علي صدمته أنا آسف ما كانش قصدي بس انتي
شمس بغضب انا ايه اظن هتقولي ان انا اللي خبطتك ماهو مفيش راجل هيجيب الغلط علي نفسه
ادم بحنين وسرحان انتي اسمك ايه
شمس بصدمة لا انت بجد بتهزر يعني انت كنت قاصد بقي عشان نتعرف وكدة حقيقي جو رخيص
آدم بلهفة لا لا مش قصدي والله انتي بس شبه حد كنت أعرفه
الفتاة بشك شبه حد لا جديدة أول مرة أسمعها عموما انا حطها في القايمة عشان لما اقابل حد شبهك كدة متفاجأش لما يقولها
آدم كان بيبص لشمس بلهفة و قلبه بينبض بعنف ابتسامتها عينيها حتى طريقة كلامها كلها رجعته لسنتين عدو
آدم بحزن انا آسف لو ضايقتك أنا آدم
شمس بضيق خلاص حصل خير
خلصت شمس كلامها وكانت هتمشي بس لحقها ادم بصوته وهو مصمم يعرف عنها كل حاجة
ادم بلهفة استني يا شمس انا
شمس بنفاد صبر اووف اتفضل اما اشوف اخرتها
آدم بابتسامة انتي من هنا اصل يعني مكنتش بشوفك قبل كدة ابدا
شمس ببرود اكيد مكنتش هتشوفني عشان كنت عايشة برا مصر طول عمري بابي كان شغال برة ورجعنا البلد قريب
آدم حس ان القدر بيلعب لعبته وبعتله اللي هتعوضه عن ميرا بس لازم يعرف اسمها بالكامل عشان يقدر لاقيها
آدم بفضول طب ممكن أعرف اسم والدك اصل يعني حاسس انك شبه حد اعرفه
شس ببرود وهي معتقدة ان ادم بيعاكسها شمس بهجت الشرقاوي تعرفه بقي
اتصدم آدم لدرجة أنه مقدرش
بهجت الشرقاوي كان من أصدقاء ابوه القدام وفعلا سافر من سنين كان ادم صغير فكان تفكير ادم وقتها ان ربنا بعت شمس ليه فعلا عشان تعوضه عن ميرا
آدم بابتسامة آه طبعا أعرفه بس مش متأكد لو هو نفس الشخص بس عموما ممكن تسأليه عن فريد نصار والدي ولو يعرفه هيقولك
شمس وهي بدأت تصدق طيب تمام هقوله بعد اذنك بقي بااي
مشيت شمس بسرعة من قدام ادم اللي كان مبتسم وكأن روحه ردت ليه من جديد
ادم بهمس مستحيل أسيب الفرصة دي تفوت من ايدي
بليل كانت قاعدة شمس على السرير لابسة بيجامة حرير بلون هادي و في إيديها كوباية نسكافيه سخن بس عقلها كان مشغول كانت بتفكر في الشاب اللي قابلته الصبح في الحديقة عيونه كلماته وابتسامته الغريبة اللي لسه مش قادرة تفهم معناها وليه معلقة معاها ووقتها ابتسمت بتلقائية وبعدين قامت بحماس وهي مقررة تعرف أكتر عنه قامت بسرعة ونزلت عن ابوها في مكتبه
شمس بابتسامة بابي حضرتك فاضي
بهجت بابتسامة تعالي يا شمس يا حبيبتي في حاجة
شمس
بهجت باستغراب حاجة إيه و إيه اللي شاغلك كدة عشان تجيلي مكتبي
شمس بتقعد على الكرسي قدامه وتحاول تبان طبيعية بس كان ملاحظ ابوها الفضول في عينيها
شمس بابتسامةانهارده كنت ماشية في الشارع وخبطت في شاب غريب شوية
بهجت باستغراب غريب اازاي يعني وإيه الغريب
شمس بتوتر يعني مش عارفة هو قالي إن اسمه آدم وسألني عنك قال إنه ابن فريد نصار تعرفه يا بابي
بهجت بصدمة طبعا أعرفه فريد كان واحد من أعز أصدقائي بس مالوش ابن صغير على حد علمي او يمكن كان عنده بس صغير لما سافرنا مش فاكر اوي ياااه فكرتيني بزمان
شمس باستغراب بس إزاي يعني هو قال إنه ابنه وكان عارف اسمك كويس جدا
بهجت بتذكر آه دلوقتي افتكرت آدم مش صغير ده شاب راجل دلوقتي كنت بشوفه لما كان صغير أبوه كان دايما بيحب يحكيلي عنه بس أنا اهملته بعد ما سافرنا واتقطعت اخبارهم
شمس بفضول طيب اصله هو كان غريب فعلا قال إنه شافني وان في حد يعرفه شبهي قبلي كده
بهجت بابتسامة يمكن لأنك شبه والدتك زمان وده يفسر ليه افتكرك حد تاني ااصلهم كان فعلا اابوه بيجي وهو صغير بس انا اللي نسيت
شمس بتفكير يمكن بس في حاجة فيه مش طبيعية عيونه كانت بتتكلم أكتر من لسانه
بهجت بابتسامة طيب لو شوفتيه تاني قوليله ييجي يزورنا خليني أشوف الشاب ده بعد السنين دي وياريت تجيبيلي رقم ابوه لانه واحشني اوي
شمس بابتسامة حاضر يا بابا هطلع انا بقي بعد اذنك
شمس لنفسها وهي خارجة من مكتب ابوها ياتري مين آدم ده وليه عقلي مش قادر يخرجه
عالسفرة
زينات بقلق آدم مالك يا حبيبي بقالك يومين سرحان كده في حاجة مضايقاك
ادم بانتباه هاه لا يا ماما مفيش حاجة ابدا يعني انا معاكم اهو
زينات باستغراب لا ده في حاجة انا متأكدة أنا أمك وعارفاك كويس انت عمرك ما كنت بتاكل كده وأنت ساكت حتى الطبق ما خلصتهوش
آدم بتردد لا مفيش والله بس يمكن شوية ضغط شغل
فريد بابتسامة شغل إيه يا ابني انت من يوم ما حصلت الحادثة بقالك سنتين مش بتتكلم مع حد ولا حتى مهتم بأي حاجة حواليك فجأة كده بقيت سرحان وشارد وكمان فاعد معانا عالسفرة اللي كنا بنتحايل عليك تقعد معانا عليها هو في حاجة حصلت
آدم بيبص للأكل اللي قدامه وبيحاول يهرب من عيونهم بس عقله مليان بصورة شمس وابتسامتها حتى غضبها اللي شافه في الشارع
ادم بغموض هو مفيش حاجة بس يعني انا قابلت بنت
الجملة دي كانت كافية إنها تخلي زينات تسيب المعلقة من إيديها وفريد يرفع عينه من طبقه ويبص لادم بصدمة
زينات بابتسامة بنت أخيرا كويس اوي اقصد يعني
فريد بفضول بنت إيه وشوفتها فين يا ادم
آدم بهدوء هي بنت شوفتها في الكافيه انهارده بس مش مجرد بنت
زينات بحماس طب وبعدين هي مين دي يعني
ادم بهدوء وهو بيحاول يسيطر على مشاعره اسمها شمس شمس بهجت الشرقاوي
فريد فجأة بيبص لآدم بصدمة
فريد بسرعة شمس بهجت الشرقاوي بهجت صاحبي
آدم بتلقائية أيوة هي قالتلي إن والدها اسمه بهجت الشرقاوي وقولت اسألك لو تعرفه وان هو يعني
فريد بابتسامة طبعا أعرفه
