احببتها لانها شبهها بقلم اسراء ابراهيم حصري علي موقع ايام
بهجت كان أعز أصدقائي زمان كنا مع بعض في كل حاجة بس سافر برا من سنين طويلة وما سمعناش عنه أي حاجة من وقتها
زينات بحماس يعني والدها صديقك يا فريد كويس اوي
فريد بابتسامة بعد ما فهم قصد زينات أيوة واضح إنه رجع البلد غريبة إنه ما اتصلش بيا
آدم كان بيبص لفريد وعينه كلها اهتمام
آدم بسرعة طب هو كان في مشاكل بينكم أو حاجة
فريد بضحكة مشاكل أبدا بهجت كان أكتر واحد جدع عرفته في حياتي لو رجع فعلا يبقى لازم نشوفه
زينات بفرحة لان ابنها رجع تاني يهتم وممكن يكون بيحب آه طبعا يا فريد والله لازم نعزمهم على الغدا
آدم بتردد طيب يعني لو حصل كده وجم هنا ممكن أكون موجود
زينات ضحكت بخبث وفريد بص لادم بابتسامة وكأنه فاهم إن الموضوع ليه علاقة بالبنت أكتر من مجرد الصداقة القديمة اللي بينه وبين ابوها
فريد بابتسامة طبعا يا ابني بس إيه الحكاية ليه شمس شغلاك كده مش اسمها شمس برضه انا فاكرها اما كانت صغيرة
ادم بيحاول يتهرب من السؤال بس نظراته كانت بتحكي كل حاجة
ادم بهمس مفيش يا بابا بس يعني انا قولت نبقي اصدقاء
بعد يومين كان قاعد ادم بيقلب في صفحات البوم قديم فيه صور بتجمع والده مع والد شمس ووقتها لقي صورة قديمة لعماد مع عيلته ومن ضمنهم شمس وهي طفلة صغيرة فابتسم آدم بحزن وهو بيمسك الصورة
آدم بهمس لنفسه فعلا شمس شبه ميرا لدرجة تخوف بس المرادي لا انا مش هكرر نفس الغلطة مش هسيبها تضيع مني تاني
قرر آدم أنه يزور ابو ليلى ليعيد عشان برجع العلاقات تاني بين بعض ويقدر يشوف شمس براحته ويقرب منها
عماد بابتسامة اهلا يابني مين انت
آدم بابتسامة اهلا يا عمي انا ادم ابن فريد نصار
عماد بسعادة ياااه! دي مفاجأة والله نورت يا بن الغالي البيت بيتك اقعد
ادم وهو بيقعد اانا لما شوفت بنت حضرتك وعرفت انك رجعت قولت لباب وهو فرح جدا وطلب مني اني اجي اعزمكم عالغدا بكرة عشان يشوفك ويسلم عليك
عماد بابتسامة طبعا والله فرحتوني او اهو الواحد يحس انه ليه عيلة كدة وناس تحبه
وهما بيتكلمو بتدخل شمس فجأة وهي شايلة صنية شاي
شمس بصدمة هو انت الضيف
آدم بابتسامة انا قولت اجي اسلم علي والدك
عماد بابتسامة طبعا تعرفو بعض ما انتو اتقابلتو تخيلي يا شمس ادم جاي يعزمنا عنده اخيرا هشوف عمك فريد صاحب عمري
شمس بابتسامة كويس يا بابا انا نفسي فعلا احس ان لينا حد تاني هنا ونزوره ويزورنا
عماد بسعادة اهو يا ستي مطلعناش لوحدينا هنبقي نزور عمك فريد وانت يا ادم عاوزك تاخد بالك من شمس كويس دي دايما بتشتكي انها لوحدها هنا ومتعرفش حد
ادم بلهفة حاول يداريها متقلقش يا عمي انسة شمس في عيني متقلقش عليها
شمس بصت لابوها باحراج وبعدين بخجل وفضول ناحية ادم اللي باين عليه انه مهتم بيها من اول مقابلة بينهم
شمس بخجل طيب هسيبكم تتكلموا براحتكم
ااستأذنت شمس وخرجت بس آدم كان مراقبها بشغف وحنين لحبيبته اللي فقدها من سنتين
آدم بهدوء عمي عماد ممكن تساعدني
عماد باستغراب طبعا يا بني خير قولي
آدم باندفاع عايز أتعرف على ليلى أكتر
بص عماد لادم بتقييم واحترم صراحته اوي وعشان كدة قرر يساعده وخصوصا
عماد بابتسامة بصراحة ده شيء يفرحني ليلى محتاجة حد فعلا يكون جنبها وهي تستحق حد زيك يا آدم وخصوصا اني هبقي مطمن علي بنتي مع ابن صديق عمري بس خلي بالك بنتي صعبة شوية وتحب الأمور تمشي على مزاجها
آدم بثقة مستعد مهما كان يا عمي متقلقش
عماد ابتسم علي اصرار ادم واتنهد براحة
كان آدم قاعد في نفس الكافيه اللي شاف فيه شمس أول مرة باين عليه التركيز بس الحقيقة إنه كان مستني يشوفها تاني من غير ما يفكر كتير شوية ولقاها فعلا داخلة الكافيه ومقدرش يمنع نفسه من إنه يراقبها وهي بتدور على ترابيزة فاضية لحد ما لمحت ادم ونظراته ليها واتفاجئت بس قررت ما تبينش إنها متوترة وهو بيقرب منها
آدم بابتسامة انا يمكن يكون حظي حلو أو حظك
شمس بضيق حظي أنت فاكر إنك مهم اوي كدة ولا إيه
آدم بهدوء انا مش بفكر أكون مهم أنا بس عايز أفهم ليه القدر بيخليني أشوفك في كل مكان بروحه
شمس ببرود يمكن لأنك بتراقبني مثلا
آدم بضحكة خفيفة لو كنت براقبك كنت هقول كده بصراحة بس هو ممكن أقول حاجة تاني
شمس بحدة معتقدش إنك محتاج إذن واضح إنك بتحب الكلام ورغاي اساسا
آدم بابتسامة هادية انتي شبه حد كان مهم جدا في حياتي بس كل مرة بشوفك فيها بحس إنك مختلفة تماما عنها
شمس بتتفاجئ شوية بس بتحاول تخبي ده فردت بضيق وده إيه معناه إني شبح حد كنت تعرفه ولا إني نسخة مش أصلية
آدم بحيرة لا انتي حاجة مختلفة يمكن تكون أحسن
شمس بهروب من الموقف بص أنا مش فاضية للكلام ده ولو ده أسلوبك
آدم بجدية أنا مش بحاول أتعرف عليكي أنا عايز أكون صادق معاكي يمكن ما تصدقيش بس أول مرة شوفتك فيها حسيت إني لازم أعرفك
شمس بترد ببرود وهي بتقف طيب للأسف أنا مش من الناس اللي بتحب التعارف السريع ده متأسفة لو خيبت ظنك
قبل ما تمشي آدم قام بسرعة ووقف قدامها وعينيه مليانة جدية
آدم باصرار استني أنا مش شخص يسيب الأمور كده لو عايزة فرصة نكون أصدقاء أنا هنا ولو مش عايزة برضه أنا مش هتراجع عن محاولتي يمكن تفتكري إن ده تهور بس ده اللي أنا حاسس بيه
شمس بتبصله بصدمة واضحة لأول مرة حست إن كلامه مش مجرد هزار وقفت قدامه لثواني وبعدها ردت بحدة عشان تداري ارتباكها أنا مش محتاجة أصحاب خليني أعيش حياتي بعيد عن قصص االاوهام اللي بتقولها
مشيت شمس بسرعة وخرجت من الكافيه وآدم فضل واقف مكانه وعينيه بتراقبها وهي بتمشي ابتسم لنفسه وهو بيهمس هسيبك دلوقتي بس أنا واثق إننا هنتقابل تاني يا شمس
تاني يوم آدم قرر ياخد خطوة ناحية شمس ويستغل العزومة اللي امه عاملاها ليهم فكان داخل البيت وقلبه بيدق بسرعة مش عارف إذا كانت شمس هترحب بيه ولا هتفضل تبعد عنه زي كل مرة
دخل آدم بس عيونه كانت بتدور على شمس اللي شافها قاعدة في الصالون لابسة فستان بسيط وكانت بتتكلم مع ابوه و لما شافته داخل عينها اتعلقت بيه للحظة قبل ما تنزلها بسرعة وتحاول تتجاهله وكل ده كانت متابعاه زينات اللي كانت مصدومة لما شافت شمس وعرفت وقتها ليه ابنها اتغير فجأة وبقي كويس وصعب عليها اوي حالته وانه لسة متعلق بميرا بعد
