احببتها لانها شبهها بقلم اسراء ابراهيم حصري علي موقع ايام
هي قررت انها متسكتش ولازم تتصرف وتفوقه بس مش دلوقتي
آدم بابتسامة مساء الخير يا جماعة
شمس ببرود وهي بترد مساء النور
حس آدم إن شمس بتحاول تبين إنها متضايقة من وجوده بس هو قرر إنه ما يستسلمش فقعد جنب باباها اللي كان مشغول بالكلام مع ابوه وبدأ ادم يدخل في الحوار و يتكلموا عن أيام زمان وازاي والد آدم وبهجت كانوا قريبين جدا
شمس بصتلهم من بعيد وشوية شوية بدأت تشارك في الحوار رغم محاولتها تبعد لقت نفسها بتنجذب لطريقة آدم في الكلام وحنيته مع ابوها
بعد الغدا فريد اقترح إنهم يخرجوا كلهم يقضوا وقت في جنينة الفيلا و شمس حاولت ترفض بس ابوها أصر فاضطرت توافق وفي الجنينة آدم استغل فرصة إنهم بقوا لوحدهم للحظة
آدم بابتسامة دافية كنت متأكد إننا هنقابل بعض تاني
شمس بحدة وأنا كنت متأكدة إنك مش هتبطل تلاحقني
آدم بهدوءأنا مش بلاحقك أنا بس بحاول أفهمك
شمس باستغراب تفهمني ليه إحنا مالناش أي علاقة ببعض اصلا
آدم بجدية يمكن ده اللي أنتي شايفاه لكن بالنسبالي أنتي حاجة مختلفة حاجة ما كنتش فاكر إني ممكن أحسها تاني
شمس كانت هترد بحدة بس هي شافت الصدق في عيونه لأول مرة حست إنه مش مجرد كلام وإنه فعلا متأثر بيها بطريقة غريبة
شمس بهدوء انا مش عارفة أنت عايز إيه مني ولا ليه بتقولي الكلام ده بس أنا مش مستعدة لأي حاجة دلوقتي حياتي معقدة كفاية
آدم بابتسامة حزينة مش هضغط عليكي بس عايزك تعرفي إنك لو احتاجتي حد يسمعك أو يساعدك أنا موجود
شمس فضلت ساكتة مش عارفة ترد لأول مرة
رجعت شمس البيت وهي مليانة أفكار وأول ما قفلت باب أوضتها وقفت قدام المراية بتبص على نفسها وكأنها بتحاول تفهم إيه اللي بيحصل
شمس لنفسها هو ليه مصمم إنه يقرب مني وليه مش قادرة أبعده عن تفكيري
تاني يوم الصبح كانت قاعدة زينات مستنية ادم ينزل وفعلا اول ما نزل فهم ان امه مستنياه
زينات بضيق طبعا رايحلها مش كدة طب يا تري بقي بتبقي شايفها ميرا ولا شمس يا ادم
ادم بتردد يا ماما دي شمس انتي ناسية ولا ايه
زينات بحدة لا انا عارفة كويس هي مين انت بقي عارف وانا اقول ايه اللي خرجه فجأة من اكتئابه كدة وفرحت ان في بنت حبتها وانك فوقت لنفسك بس في الاخر الاقيك عملت كدة عشان هي شبها انت فاكر ان ميرا كدة هترجع
ادم بانفعال مماما لو سمحتي كفايا انا عارف ان دي شمس مش ميرا وبعدين فيها ايه يعني لما احبها عشان شبها انتي ليه مش حاسة بيا شمس هي الوحيدة اللي هتخليني اعيش مع ميرا واحس انها مفارقتنيش
زينات بصدمة وغضب طب وشمس ذنبها ايه ذنبها ايه انها تعيش معاك مدفونة في واحدة تانية ليه تكسرها يابني ليه قاعد بتلف وبتدور حوالين نفسك ليه! لحد إمتى هتفضل شايف شمس في المكان الغلط
آدم بعصبية وهو بيقاطعها ماما بلاش لو سمحتي تتكلمي في الموضوع ده ! أنا أكتر حد عارف هي فين بالظبط
زينات بحنان لا يا آدم انت أكتر حد مش عارف! مش شايف الحقيقة ولا حتى عايز تبصلها
آدم وهو بيشد شعره بضيق
زينات بقوة الغلط إنك بتعامل شمس كأنها ميرا مع إنها مش هي هي بنت جميلة ليها كيانها وشخصيتها المختلفة فهمت
آدم بهروب ميرا! إيه علاقة ميرا بشمس دلوقتي
زينات بشفقة العلاقة إنك بتلومها على حاجة هي معملتهاش شمس ملهاش ذنب إنك كنت ضعيف قدام ميرا ملهاش ذنب إنك خدت ضربة وجريت تخبي مشاعرك منها
آدم بكسرة ماما أنا مش عارف مش قادر أصدق انها مشيت
زينات بحب آدم ميرا خلاص مشيت بس ده مش معناه إن الدنيا تقف هي في مكان احسن انت لو هتكون مع شمس فده عشانها كشمس البنت صافية متأكدة انها معجبة بيك وولو فضلت تعمل كدة هتخليها تكرهك وتبقي خسرتها وخسرت نفسك
آدم بيرفع عينه وبيبان في عينيه صراع رهيب كان مش عارف يقرب من شمس ولا يبعد عنها تماما
كانت قاعدة شمس علي ترابيزة في الكافيه بعد ما كلمها ادم وطلب يقابلها والحقيقة انها كانت فرحانه اوي متعرفش ليه الفترة دي خلتها اتعلقت بأدم اوي ورغم خناقتها معاه لكن اعترفت لنفسه انها حبته اوي
كانت شمس قاعدة وبتقلب في الموبايل بتوتر كل شويه تبص بعيد كأنها مستنياه مش عارفة هو عايز يقولها إيه واتمنت لو يكون اعترافه بحبه ليها وشوية وجه ادم بس كان شكله متوتر عيونه مليانة مشاعر متلخبطة وهو بيقرب منها
ادم بهدوء مساء الخير ازيك يا شمس
شمس بابتسامة مساء الخير مالك شكلك مش مرتاح في حاجة مضايقاك
ادم بترددشكلي مش عارف أبتدي ازي بس انا لازم أقولك الحقيقة انهارده
شمس بتوتر الحقيقة عن إيه بالظبط
قبل ما يقدر ادم يرد
احمد بصدمة آدم! مش معقول أنت هنا ااخيرا بقيت تخرج انا كنت قلقان عليك اوي
كشرت شمس باستغراب ومكنتش فاهمة احمد يقصد ايه
آدم بتوتر آه هنا إزيك يا احمد
احمد وهو بيبص لشمس بنظرة فضولية كويس مش هطول عليك بس اايه ده يا ادم دي شبه ميرا اوووي
آدم بيقاطعه بسرعة كفاية يا احمد مع السلامة يلا
احمد باصرار بس يا آدم كنت بتكلم عن ميرا البنت دي شبهها جدا أنا مش بقول حاجة غلط
شمس بتفتح عينيها على اخرها وبتنقل عنيها بين آدم واحمد بصدمة ظاهرة على وشها وفي نفس الوقت آدم بيقف بسرعة
آدم بغضب مكتوم قولت كفاية!
احمد باحراج ااناآسف ماكنتش أقصد هسيبكوا بقي
مشي احمد بسرعة وساب وراه جو متوتر جدا بين شمس وادم
شمس بحدة ميرا مين ميرا يا آدم
آدم بوجع ميرا كانت كانت خطيبتي و ماتت في حادثة من سنتين
شمس بتتسمر في مكانها الكلام صدمها اوي ومكنتش مستوعبة معقول ادم كان يقصد في الاول حبيبته لما كان بيقولها انها شبه حد عزيز عليه
شمس بصدمة ووجع وأنت شايفني شبهها عشان كدة كنت بتتقرب مني مش كدة
آدم بيدافع عن نفسه بسرعة لا مش كده ابدا مش بالشكل ده أنتي أنت مش شبهها أنت حاجة مختلفة صدقيني انا عارفه ده كويس
شمس بكسرة ودموعها بتنزل طب ليه ماقولتليش ده قبل كده ليه خليتني أحس إني
سكتت شمس بكسرة فكمل ادم لأني كنت خايف خايف تسيبيني خايف تبعدي لما تعرفي
شمس بحزن خايف ميرا اللي تبعد مش انا يا ادم مش كدة
آدم بصلها بخزلان ورد بحزن أنا جيت هنا انهارده عشان أقولك إني مش هقدر
