عشيقة حبيبي بقلم اسراء ابراهيم حصري
اسكربت
عشيقة حبيبي
مكنتش اتخيل اني اكون يا ميار انتي متخيلة اني بحب راجل وكمان وافقت بارداتي اني ابقي
ميار بحيرة مش عارفة اقولك ايه يا مني بس اغرب حاجة ان جواد اللي يطلب منك ده بنفسه انك تبقي
مني بحزن ايوة عندك حق بس تعرفي انا مش مستغربة انا عارفة ان جواد ليه حق يعمل اكتر من كدة ماهو مش بالبساهل ان مراته وحب عمره يبقي كدبة وانه يكتشف انها اتجوزته عشان بس فلوسه ونفوذه
ميار بضيق وهو يعني لسة مكتشف انها كدة ما هو اللي اختارها بمزاجه وكلنا كنا عارفين انها بتستغله
مني بسخرية انا عذراه لان الحب بيخلي الانسان معمي عن حقيقة اللي بيحبه مهما كان هو وحش ومهما كان مأذي من العلاقة برضه بيفضل متعلق حتي ولو بأمل بسيط انه ممكن العلاقة دي تنجح
ميار بشفقة انا بس خايفة عليكي مش عاوزاكي تتعلقي بحبال دايبة يا منييعني مكنتش عاوزاكي توافقيه في اللي طلبه منك لان جواد ولا اصلا انتي في باله متزعليش مني بس انا خايفة عليكي
مني بتنهيدة عارفة يا ميار انا عارفة انك خايفة عليا بس صدقيني انا مقدرتش ارفض لما جه وطلب مني اني امثل اني مقدرتش اقوله لا رغم اني عارفة ان العيلة كلها هتكرهني بس مقدرتش ارفض رغم اني كنت مجروحة منه لانه مش شايفني اصلا ومفكرش فيا غير كدة بس مقدرتش مساعدهوش صوته وهو بيطلب مني حسسني إن الدنيا بتقع حواليه مقدرتش أقول لا وخصوصا وأنا شايفة كسرة عينيه
ميار بقلق واضح مني انتي أختي وأنا خايفة عليكي جواد مش هيفكر فيكي زي ما انتي عاوزة ليه بتعذبي نفسك بس
مني بحزن عشان للاسف بحبه لسة ودي حاجة
ميار بضيق بصراحة انا مش عارفة انتي ازاي جبل كدة المصيية انه بيعاملك زي اخته طول عمره من اول ما سافر ورجع بعد عشر سنين كنتي مستناه وعندك امل ولما رجع قال انا هخطب سرين بنت عمي وانتي بنت عمته مسألش فيكي ولا حتي فكر يبصلك بجد حمار يعني
مني بتهرب لانها فاهمة وحاسة بكلام ميار وبتفكر فيه كل يوم جرا ايه يا ست ميار انتي بتغلطي فيه قدامي كدة عادي
ميار بصدمة بعد اللي قولته ده كله وانتي بتقوليلي بغلط فيه ده انا هغلط فيكي انتي كمان والله واقولك انتي تستاهلي كل اللي بيحصل فيكي
مني بابتسامة لا وعلي ايه قلبك اببيض تعالي بقي قوليلي هلبس ايه بكرة ان شاء الله في عيد ميلاد سرين جواد قالي عاوزك بطل عشان في مفاجئة عاملهالي
ميار بسخرية اه يا خوفي من مفاجأته مش بعيد يقولك اتصالحت مع سرين وانتي بقي بالقلوب اللي بتخرج من عنيكي دي تستاهلي وجع القب
مني بقلق لا لا انتي هبلة ولا ايه جواد مستحيل اصلا يفكر يرجعلها
ميار وهي بتقوم من مكانها بزهق طيب خليكي كدة في اوهامك بس بكرة تعرفي وتتأكدي انه لسة بيحبها والا مكنش فضل مخليها علي زمته لحد دلوقتي تصبحي علي خير بقي احسن اختك فصلت ومش قادرة عاوزة انام
مني بخوف وهي بتفكر في كلام ميار وانتي من اهل الخير يا ميار
تاني يوم كانت العيلة كلها متجمعة بمناسبة عيد ميلاد سرين و منى كانت بتحاول تبان طبيعية بس عينيها بتراقب جواد بتركيز ومش هاممها نظرات استحقار كل اللي حواليها وكانت سرين بتتحرك وسط المعازيم بثقة وغرور وجواد واقف بعيد شوية مع ابن عمه وصاحبه كمال
كمال بخبث باين عليك
جواد بابتسامة باردة
مركز جدا أكتر مما تتخيل اما لو علي مستني فاكيد مستني
كمال بمكر شكل سرين لسة موترة أعصابك مش كدة
جواد بنبرة جادة سرين انتهت بالنسبالي يا كمال فبلاش تتكلم كتير في الموضوع ده واعرف انه مجرد وقت بس
منى كانت عنيها علي جواد وهو بيتكلم مع كمال وعنيه علي سرين وهي بتضحك مع الضيوف وحست وقتها بالغيرة بتاكلها بس حاولت تخبيها وكانت متابعاها ميار بضيق لانه مش عاجبها الوضع
ميار بقلق انتي كويسة يا مني
منى وهي بتحاول تبتسم أيوة كويسة جدا مش ياين عليا ولا اي
ميار بسخرية كويسة فعلا ده بامارة ما انتي كل شوية تبصي لجواد وسرين كأنك مستنية منه معجزة
منى بحدةاسكتي يا ميار إحنا في وسط العيلة مش وقته كدة
ميار بضيق لا مش هسكت يا مني انتي صعبانة عليا لحد امتي هتفوقي لنفسك اما جواد يديكي قلم يفوقك وتعرفي انه مش هيسيب سرين لانه لسة بيحبها
في اللحظة دي سرين قربت من جواد بابتسامة واسعة وهي ماسكة كوباية عصير
سرين بثقة مصطنعةواضح إنك مش مبسوط يا جواد عيد ميلادي ممل للدرجة دي
جواد بنبرة هادية لكن فيها برودعيد ميلادك عادي جدا زيك كدة بصراحة اللي مش عادي هي مني اللي بطلتها خطفت نظرات الكل
سرين بابتسامة مستفزة والله سبحان الله لحقت تنسي زمان لما كنت بتهد الدنيا عشان ترضيني
منى بتسمع الكلام ده من بعيد وبتحس إن قلبها بيتقبض لكن بتحاول تركز في كلامها مع ميار بس غصب عنها انتبهت لنوال ام جواد وهي بتقرب من جواد وسرين
نوال بضيق جواد أنا مش هسكت لو فضلتوا تتكلموا كدة قدام الناس احنا في مناسبة ودي
سرين بتضحك بمكر ماما إنتي عارفة كويس إن كل حاجة في حياتي بتحصل قدام الناس ما خلاص اتعودت وكل ده بسبب ابنك اللي مع ست مني وكلكم عارفين وعادي واللي مخليني ساكتة اني بحبه
نوال بضيق يا سرين بلاش الأسلوب ده انا اه ضد علاقة جواد بمني بس انتي مش ملاك وانتي عارفة كويس انتي عملتي ايه بس برضه ده مش وقته
سرين بانفعال انا عملت ايه عا قوليلي فيها ايه لما ادلع علي جوزي واطلب منه شوية دهب وحجات باسمي ما كل الرجالة بيعملو كدة ده يخليه يتهمني اني مش بحبه وكمان مع مني
جواد ببرود وهو قاصد كل حرف وقاصد يهلي صوته ويسمع الكل سرين ياريت تخلصينا بقى من اللعبة دي و كفاية واه نسيت افولك حاجة مهمة اللي ما بينا انتهي
الكل اتفاجئ بكلام جواد وكان بيبص عليهم بصدمة وسرين كانت مش مستوعبة ومحرجة اوي من كلام جواد بس بتحاول تبقي هادية
سرين ببرود انت قصدك ايه يا جواد انت اكيد بتهزر صح
مني في الوقت ده كانت خايفة اوي وهمست لميار بخوف
دي كارثة أنا مش قادرة أفضل هنا أكتر من كدة
ميار بثقة لا يا منى استني لازم تفضلي وتعرفي انتي ايه بالنسبة لجواد يالظبط يمك تفوقي
مني كانت باصة لجواد بقلق من كلام ميار بس اتفاجأت بيه بيقرب منها وبيمسك ايديها وبيروح بيها وسط كل الموجودين وهو بيتكلم وشرين كانت متابعاهم بغضب وغيظ
جواد بثقة يا جماعة انا بستغل التجمع انهاردة وقررت افرحكم معايا واقولكم خبر حلو وهو ان فرحي علي مني يوم الخميس
مني قلبها دق وبصت لجواد اللي كانت نظراته ليها غامضة ومش مفهومة
غير
