عشيقة حبيبي بقلم اسراء ابراهيم حصري
المحتويات
انها مركزة عنيها علي جواد وكانت متابعاها سرين بحقد وغضب وميار بقلق جامد
منى بعد الحفلة كانت داخلة الأوضة وهي طايرة من الفرحة ابتسامتها مش بتفارق وشها عيونها بتلمع وهي بتفتكر اللحظة اللي جواد أعلن فيها عن جوازهم قدام الكل و ميار وقتها كانت قاعدة على السرير وبتبص لها بنظرة مليانة قلق مستنية اللحظة المناسبة عشان تفتح الموضوع اللي شاغلها
منى بحماس شوفتي يا ميار!مش قولتلك ان جواد هيشوفني وانه خلاص خرج سرين من حياته للابد انا مش قادرة أوصفلك فرحتي! جواد قرر أخيرا انه يبعد وحدد معاد جوازنا!
ميار بتفضل ساكتة ملامحها مش مرتاحة بس بتقرر اخيرا ترد
ميار بهدوء فرحانة
منى بتبصلها باستغراب من نبرتها الباردة
منى بتوتر طبعا فرحانة! دي أسعد لحظة في حياتي
ميار بسخرية ويا تري دي أسعد لحظة في حياته هو كمان
منى بتتجمد مكانها كلام ميار لمس حاجة جوه قلبها بس بتحاول تنكر الشعور ده
منى بتوتر أكيد أكيد فرحان اصلا هو اللي قرر كده!
ميار بحدة قرر كده عشانك ولا عشان يوجع سرين
مني عنيها بتلمع للحظة وكأن ميار ضربتها بالواقع اللي كانت بتحاول تتجاهله
منى بحيرة ميار انتي بتقولي إيه! جواد مش هيعمل حاجة زي دي بس عشان يغيظ حد! هو اكيد حس اني مناسبة ليه اه مش حب بس عالاقل هو هيدينا فرصة سوا
ميار بحدة أكبر انتي بتهزري صح! جواد طول عمره متعلق بسرين وإنتي عارفة ده كويس وقبل ما تعاندي معايا جاوبي على سؤالي ليه قرر يعلن معاد جوازكم قدام الكل فجأة من غير ما يقولك حتى!
منى بتحس إنها اتلخبطت وبتحاول تفتكر اللحظة دي بتحاول تلاقي سبب تاني غير اللي ميار بتقوله بس للأسف عقلها
منى بهمس مرتبك يمكن يمكن كان عاوز يفرحني
ميار بتهز راسها بيأس ونظراتها مليانة حزن وشفقة علي اختها
ميار بهدوء يا منى فوقي! أنا مش ضدك مش ضد حبك ليه بس مش قادرة أشوفك بتجري بإرادتك ناحية جرح ممكن يموتك جواد مش شايفك زي ما انتي شايفاه هو بس عاوز يوجع سرين وأنتي
منى بتحس بجسمها بيتكهرب بتحس إن كل كلمة بتتقال بتوجع قلبها بس عقلها رفض انه يصدق خلاها مش عاوزة تعترف لنفسها حتي
منى بصوت مهزوز لأ جواد مستحيل يعمل كده معايا هو محتاجني هو اختارني!
ميار قربت منها وحطت إيديها على كتفها وبتبصلها بعيون كلها شفقة
ميار بحنان لأ يا منى جواد ما اختاركيش عشانك اختارك عشان يهرب من ألمه وعشان يثبت لسرين إنها خسرت بس هل ده كفاية ليكي هل هتقدري تعيشي معاه وإنتي عارفة إنك مجرد رد فعل على جرحه!
منى بتحس بدموعها بتتحجر في عنيها وبتحاول تقاوم هي مش عاوزة تنهار فبتبعد عن ميار كأنها مش عاوزة تشوف الحقيقة اللي بتفرض نفسها عليها
منى بصوت ضعيف أنا بحبه ميار مش قادرة أسيبه ممكن تقولي اني معندي كرامة بس انا مريضة بحبه ومش هقدر تجيلي الفرصة ومكنش معاه
ميار بتتنهد بيأس وبتعرف إنها مش هتقدر تغير اللي في قلب أختها بسهولة بس هي لازم تحاول
ميار باصرار أنا مش بقولك سيبيه بس بقولك تفوقي! متتعلقيش بحلم ممكن يتحول لكابوس متحطيش قلبك في إيد واحد مش عارف يفرق بين الحب والانتقام
منى بتفضل ساكتة كانت دموعها بتنزل بصمت بس مش بترد وميار وقتها وهي بتواسيها بحنان
ميار بهدوء وحنان أنا هنا وهفضل جنبك بس عايزاكي تفكري مش بقلبك بعقلك عشان المرة
منى بتغمض عنيها وبتحاول تاخد نفسها لكنها حاسة إنها واقفة على حرف جسر مش عارفة إذا كانت هتقع ولا هتقدر تخرج منها قبل فوات الأوان
عدي كام يوم كانت بتتهرب فيه مني من جواد وده علي غير عادتها معاه وكان خلاص فاضل عالفرح يومين فكانت واقفة قدام المراية في اوضتها وكلام ميار بيتردد في ودنها لحد سمعت صوت الباب بيخبط فاخدت نفس عميق ومسحت عينيها بسرعة قبل ما تفتح وتشوف جواد واقف قدامها
منى ببرود متصنع خير يا جواد
جواد باستغراب مش هتدخليني
منى بهروب مش هينفع دي اوضتي انت ناسي
جواد بيتجاهل كلام مني وبيدخل
جواد بجدية عارف انك بتهربي مني بس انا كنت مضطر يا منى كان لازم أعمل كده
منى بخنقة مضطر طب قولي صحيح أنت مضطر تتجوزني ولا مضطر تجرح سرين
جواد اتنهد بحيرة وهو بيبص بعيد عنها كأنه مش قادر يواجه نظرتها اللي بتكدبه
جواد بتهتهة منى أنا
منى بسرعة وهي بتقاطع كلامه لأ رد عليا بصراحة أنت هنا عشانك ولا عشانها
جواد كان ساكت نظراته بتتهرب منها ومنى ضحكت ضحكة مليانة استسلام وقتها
منى بحزن عارف أنا كنت حاسة من أول ما وافقت إننا نمثل كنت عارفة إنك مش شايفني وإنك عشان تخلص من وجعك بس أقنعت نفسي إن مش مهم قلت يمكن مع الوقت تشوفني
جواد بصدمة مني انتي بتقولي ايه انتي ازاي تفكري كدة
مني بسخرية ايه اتصدمت لما عرفت اني بحبك كأنك مكنتش عارف ولا حاسس بيا يا جواد صحاب قولت ماشي طلبت ابقي قولت مش مهم بس كمان تتجوزني عشانها كدة كتير اوي يا اخي حرام عليك
جواد مكنش متخيل ان مني تعترفله بحبها كدة هو كان حاسس
جواد بحزن منى بلاش الكلام ده بلاش تخليني أخسرك أنا محتاجك جنبي ارجوكي متسيبنيش
منى وهي بتحاول تبعد عيونها عنه محتاجني ولا محتاج حد يداوي جرحك
جواد كان بيبص لمني وبيحاول يلاقي إجابة بس مفيش ووقتها مني اتنهدت بحزن وهي بتلعن قلبها اللي لسة بيحبه
منى بصوت هادي لكنه قوي ماشي يا جواد أنا معااك بس من هنا ورايح اعمل حساب ان بمجرد ما توصل لمرادك وتنتقم لقلبك انا هخرج من حياتك للاب حتي كمان كصديقة مش هتلاقيني
جواد ابتسم بفرحة كأنه مش مصدق إنها لسة معاه أما هي فبصتله بابتسامة باهتة وهي عارفة إنها بتراهن على حب عمرها يمكن تكسب ويمكن تخسر نفسها بس مش مهم المهم انها تفضل جمبه اطول وقت ممكن
قبل الفرح بيوم مني كانت بتعمل شوبنج وبتجيب حجات فرحها مع ميار واول ما طلعت اوضتها لقت سيرين مستنياها
سرين ببرود اهلا بعروستنا انا قولت ممكن تتأخري بس مش مهم اديني مستنياكي
مني بضيق خير يا سيرين عاوزة ايه
سرين ببرود كنت عاوزاكي تفكري كويس قبل ما تخدي خطوة هتندمي عليها طول عمرك
منى بترفع حاجبها باستغراب وأندم ليه!
سرين ضحكت ضحكة مستفزة
اصل جواد بيحبني أنا وعمره ما هيحب حد غيري وأنا متأكدة إنه بيعمل كل ده بس عشان يوجعني
منى بتبتسم بسخرية وأنا متأكدة إنك عمرك ما حبتيه أصلا
سرين بانفعال قصدك إيه
منى بقصد قصدي إنك اخترعتي قصة الحب دي عشان توصلي لهدفك يعني فلوسه اسمه سلطته جواد كان مجرد خطوة بالنسبالك مش راجل بتحبيه
سرين ببرود وانتي بقي اللي بتحبيه وبتخافي عليه اقولك انا بقي
انه
متابعة القراءة
