عشيقة حبيبي بقلم اسراء ابراهيم حصري

عشان
فلوسي بعد ما سمعتها بودني بتقول الكلام ده لصحبتها حقيقي مقدرتش ومش عارف ليه 
مني بكسرة أنا اللي غلطانة يا جواد غلطت إني صدقت إنك قادر تبدأ معايا غلطت إني سمحت لقلبي يمشي وراك وأنت لسة بتحبها بس انا كان عندي امل انك تحبني او عالاقل ابعدها عنك عشان هي مش بتحبك بس واضح ان سرين كان عندها حق لما جاتلي من يومين وقالتلي انها هتخليني اتأكد انك بتحبها وانك لا يمكن هتقدر تنساها ابقي قولها انتي كسبتي وكان عندك حق
جواد بتكشيرة استني لحظة يعني ايه مش فاهم بقي سرين جاتلك وقالتلك كدة 
مني بسخرية تخيل وانا وقفت قدامها بثقة وقولتلها مش هتقدر بس مكنتش اعرف انها فعلا مأثرة عليك اوي كدة حقيقي براڤو
كانت مني هتمشي بس جواد وقفها لما مسك ايديها مني خليكي جمبي ارجوكي
مني بكسرة إحنا انتهينا يا جواد انتهينا حتى لو الفرح كمل حتى لو اتجوزنا إحنا انتهينا من اللحظة اللي اخترت فيها تكون جنبها بدل ما تكون جنبي وحقيقي انت صعبان عليا

رجع جواد اوضة سرين اللي اتفاجأت بيه بيدخل عليها والغصب عاميه وبيمكسها من ايديها وهو بيتكلم يحدة
جواد بحدة انتي ازاي كدة ازاي بقيتي بالحقارة دي بقيتي تخططي وتكدبي معقول مكنتش شايف حقيقتك طول الوقت ده كل حاجة بينا كانت كدب في كدب وكل ثانية عشتها معاكي كانت أكاذيب في أكاذيب انتي ايه يا شيخة
سرين كانت واقفة قدامه وعينيها بتتهرب لانها اتأكدت ان مني قالتله
سرين بتهتهة جواد انت ازاي بتكلمني كده انا كان عندي أسباب كان لازم أعمل كده علشان بحبك وانت بتحبني
جواد بصلها بحدة 
أنتي بتقولي عاوزة تفهميني انك كنتي بتعملي كدة عشان تحافظي عليا والمفروض اني اصدق كدبك ده تاني انا مش هصدق حاجة منك تاني 
سرين حاولت تقرب منه بخطوات ثابتة وهي بتوهم نفسها إنها تقدر تسيطر على الموقف عيونها كانت مليانة بالدموع الكدابة اللي بتحاول بيها تأثر عليه
سرين بدموع جواد إنت لسة بتحبني لسة في قلبك مكان ليا مهما عملت إحنا مع بعض أنا معاك لآخر لحظة اوعي تنسي ابدا ده
جواد سحب نفسه بعيد ولف وشه بعيد عنها كان عنده شعور بالغضب لدرجة إنه مكانش عاوز يشوف وشها
جواد بغضب كفاية بقي ! كفاية! لو كنتي بتحبيني ما كنتيش هتساوي نفسك بالفلوس كنتي تبقي صادقة معايا من البداية بس انتي واحدة كدابة وانا خلاص كرهتك
سرين كانت مش قادرة تتحمل لأن الكلمة دي كانت زي الصاعقة بالنسبالها ووقتها حاولت تسيطر على أعصابها
سرين بخوف جواد لأ لا مش معقول إحنا لبعض صدقني أنا هعمل أي حاجة علشان ترجعلي انت لسة بتحبني زي الأول وانا كمان وانا عارفة إن مفيش اي حد غيري في حياتك مش ممكن تلاقي واحدة زيي تحبك وتحبها
جواد بثقة أنا مش محتاج لحد زيك ومش هرضى بأي حاجة منك سرين انتي مش هترجعيني لنفس اللعبة اللي كنتي بتلعبيها انتي مش هتقدري تغيري الحقيقة اللي عرفتها عنك وأنا هثبتلك إني مش هكون معاكي تاني هثبتلك إني مبقتش احبك سرين انتي طالق
قال جواد جملته ومشي بثقة وساب سرين مصدومة ومش مصدقة اللي سمعته معقولة جواد طلقها 

بعد فترة من اللي حصل كان جواد كل يوم بيتأكد انه مبقاش يحب سيرين وان مشاعره كانت لمني بدليل انه كان بيفكر فيها كل ثانية من بعد اللي حصل بينه وبينها وانها سايبة فراغ كبير جواه واتأكد انه فعلا بيحبها زي ما هي بتحبه ويمكن اكتر بس هو كان اغبي من انه يعرف ده كان واقف جواد قدام باب اوضة مني بعد ما قالتله امه انها فوق وكان جواد متوتر اوي ووقتها خبط بتردد وهو بيفكر في كل كلمة هيقولها ليها شوية وفتحت منى عيونها كانت عليها علامات تعب مكنتش متوقعة لحظة زي دي وحقيقي مكنتش مستعدة ليها 
منى بجديةجواد إيه اللي جابك هنا
جواد بندم منى وحشتيني
مني بتوتر لو سمحت قول جاي ليه علطول وبلاش الكلام ده
جواد بابتسامة أنا عارف إن اللي عملته كان غلط لكن أنا جاي علشان أقولك حاجة هي الحقيقة حاجات كان لازم أقولها من زمان
منى بتوتر مفيش حاجة تقدر تقولها دلوقتي مش بعد كل اللي فات إنت فعلا فاجأتني في كل مرة ولا ناسي
جواد بصوت حزين أنا أخدت قراري قراري إني أكون معاكي مني انا بحبك انا كنت فاكر إني بحب سرين بس الحقيقة الحقيقة إني ما كنتش شايف غيرك واتأكدت لما عشت كل ثانية من غيرك في عذاب 
منى كانت واقفة قدامه وعينيها مليانة دموع مش قادرة تتكلم بسهولة جواد كان زي البحر كلماته كانت موج بيخبط في نفسها وحقيقي كانت شايفة في عيونه حاجة غريبة المرادي مش بس الندم كان فيها حب اول مرة تحسه
منى بتنهيدة جواد مبقاش ينفع بعد كل اللي حصل مينفعش صدقني إنت جرحتني كتير وخلاص انا مبقتش مستنياك يمكن لو مني القديمة كنت طرت من الفرحة بس انا مش مني دي صدقني
جواد بلهفة وندم أنا عارف عارف إني خذلتك كتير بس لما انفصلت عن سرين حسيت إني مش قادر أعيش من غيرك صدقيني مفكرتش فسها لحظة واحدة أنا كنت غلطان وعاوز فرصة تانية فرصة علشان أكون معاكي زي ما كنت دايما عاوز بس دلوقتي كحبيب مش صديق يا مني ارجوكي اديني فرصة
منى بصوت حزين جواد أنا آسفة بس ندمك جه متأخر أوي خالد طلب إيدي وانا وافقت
جواد وقف فجأة وكأن الصدمة لجمته مكنش مصدق اللي سمعه كان واقف قدامها ومش قادر يستوعب الكلام هو حاسس إن الدنيا اتقفلت في وشه وإن اللي هو خايف منه حصل مني ضاعت من ايديه
جواد بصوت مهزوز خالد إزاي إنتي وافقتي عليه مني اوعي ارجوكي
منى بحزن أيوه وافقت لأن مفيش أمل دلوقتي في الرجوع لورا ده مستقبلي وأنا خلاص قررت يا جواد
جواد كان واقف مكانه ولسه مش قادر يتقبل الحقيقة هو حس إنه مش بس خسر منى لكنه كمان خسر نفسه كان في اللحظة دي شايف كل حاجة وهي بتضيع منه في ثواني وكان عارف إنه مهما حاول ما فيش رجعة 
جواد بصوت مكسور أنا خسرتك خلاص انا بعترف اني استاهل لاني كنت غبي ومقدرتش احافظ عليكي انا همشي بس كنت عايزك تعرفي إنني بحبك بجد وهفضل احبك طول عمري
مشي جواد بعد ما خلص كلامه ووقفت منى و عيونها مليانة دموع رافضة تنزل واول ما جواد مشي بقت تعيط بحرقة لحد ما انتبهت لصوت ميار
ميار بحزن ليه كدبتي عليه ليه قولتي ان خالد طلب ايديكي
مني وهي بتمسح دموعها عشان ميبقاش عنده امل يا ميار انا وجواد مش لبعض
ميار بشفقة بس هو ندم وواضح انه بيحبك بجد صوته وهو بيعترفلك خلاني اتأكد انه عرف طريقه فين اخيرا يا مني ولما يعرف انتي تبعدي عنه طب ليه
مني بحيرة عشان نفسي احساسي ان طول الوقت رامية نفسي عليه ومخلياه مجبر يشوفني
خلاني

استحقر نفسي اوي تقدري تقولي بعاقب نفسي علي اللي عملته فيها
ميار بابتسامة متقسيش علي نفسك الحب مش عيب وانتي حبيتي جواد ودخلتي حرب مع سرين اللي كلنا متأكدين انها مش بتحبه وهو مش فارقلها ودلوقتي جواد جالك لحد عندك وقالك انه خلاص اتأكد من حبك في قلبه يبقي تفرحي وتجري عليه وتكملي حياتك معاه وانتي مطمنة انه مش شايف غيرك صدقيني انا كنت بقف دايما ضد جواد عشان مكنش عارف هو عاوز ايه وكنت خايفة عليكي احسن تنجرحي بس خلاص دلوقتي اتأكدت انه بيحبك يبقي اديله فرصة
ميار بابتسامة متخافيش هسيبك تعذبيه شوية ياستي 
عدي شهر كلن صعب اوي علي جواد كان كل يوم بيرن علي مني وهي مش بترد عليه كان كل يوم بيتأكد انه فعلا حبها من كل قلبه وكان ندمان علي كل لحظة ضيعها من غيرها كان داخل جواد الفيلا والكل متجمع وكان بيدور بعنيه علي مني وسطيهم تحت نظرات سرين الغضبانة لانها عارفة لنه بيدور عليها فبصلته بحقد اما جواد فنظرته اتحولت للغضب لما شاف مني واقفة مع خالد وبيضحكو سوا فقرب منهم بغضب وهو مش حاسس بنفسه ومكنش قادر يستحمل هزارهم سوا و كل لحظة بتعدي وهو بيشوف خالد واقف جنبها بيحس كأن حاجة بتتفجر جواه دمه كان يغلي فقرب وحط ايده على كتف خالد بغضب
جواد بانفعال انت مش هتقدر تقرب منها دي ملكي! انت فاهم مش هتتجوز مني عشان هتبقي مراتي انا انت فاهم
الكلمات دي كانت بتخرج من جواد منغير ما يحس بنفسه و خالد وقتها اتفاجئ للحظة وعينيه برقت بدهشة وهو مش مصدق اللي سمعه وعينيه وقتها راحت لمني اللي كانت بتبتسم غصب عنها
خالد باستغراب لجواد إيه ده اللي بتقوله يابني ! انا ارتبط بمين بس انت اتجننت مني دي اختي
جواد كان مش مصدق الكلام ده وعينيه اتحولت من الغضب للدهشة هو كان مستني رد فعل تاني من خالد مش ده ابدا 
جواد بغباء يعني أنت مش عايز تقرب منها! مش هتتجوزها! 
منى اللي كانت واقفة كاتمة ضحكتها طول الوقت فجأة انفجرت في الضحك وجواد وقتها بصلها بحيرة وهو مش فاهم حاجة ونوال وقتها ابتسمت وهي بصالهم ماعدا سرين طبعا اللي كانت بتبصلهم بحقد
مني بخفة انا اصلي كنت بضحك عليك! كنت عايزة أشوفك و أشوف رد فعلك لما تشوفني مع حد تاني مش أكتر 
جواد كان بيبصلها بصدمة وقلبه بيدق بعنف كان عقله بيقوله الف حاجة اهمها انها ممكن تكون سامحته
جواد بلهفة مني يعني انتي مش هتبعدي فعلا انا حاسس اني بحلم
منى كانت لسه مبتسمة أيوة كنت عايزة أشوفك عايزة أشوف إذا كنت حاسس بيا ولا لأ كنت عايزة أعرف إذا كنت فعلا بتحبني مش بس بكلامك بافعالك كمان
جواد وقف مكانه وهو مش قادر يصدق اللي بيحصل كان قلبه مش عارف يهدأ من كتر ما بيدق وقتها فهم ان مني فعلا سامحته فقرب منها بلهفة 
جواد بحب يعني كل ده عشان تتأكدي اني بحبك مني انا فعلا بحبك والايام اللي فاتت دي كانت بالنسبالي موت 
منى بابتسامة أيوة يا جواد كنت عاوزة اعرف إذا كنت هتدافع عني لو لقيتني مع حد تاني طب هتغير عليا كنت حابة أعرف إذا فعلا هنسي اللي فات ولا لا
قالت كدة مني وهي بتبصله بعينيها اللى مليانة قلق وكأنها عايزة تطمن على حاجة مش واضحة ليها واطمنت
مني بحب كنت خايفة إنك ما تحسش باللي جوة قلبك بس دلوقتي عرفت إنك حسيت وإنه لسه في حاجة بينا
جواد عينيه كانت مليانة بمشاعر مقدرش يشرحها وفي لحظة واحدة كان كل شيء بينهم اتغير 
كانوا واقفين مع بعض كل واحد فيهم عرف إنهم مش محتاجين كلمات علشان يبينوا المشاعر اللي جواهم 
جواد بحب انا حاسس ومتأكد من كل حرف يا مني انا بحبك وعمري ما كنت متأكد من حاجة زي دلوقتي
تمت