وردة اليونس حصري على موقع ايام بقلمي اسراء ابراهيم
اسكربت
وردة اليونس
ياما حمامي هرب ويا حمام الواد علي طلعتلو بمرايا ونزلتلو بمرايا لقيته عامل سهرايا ويا حمام الواد علي
يا سلام عالروقان اوعدنا يارب وارزقنا احنا كمان بسي علي
ورد بابتسامة يا بنتي ارحميني بقي عنيكم دي اللي جايبالنا الفقر
ندي بغمزة لا بس يونس واقع من زمان انتي عارفة دايما قارفنا ورد ليونس ويونس لورد
ورد بتنهيدة ما انتي عارفة يا ندي يونس مش بس ابن عمي ده روحي اللي عايشة بيها اصلا انا وعيت عليه وحبيته ومعرفش غيره
ندي بثقة طيب يلا انجزي احسن يونس اخويا وحافظاه وممكن تلاقيه طابب في اي وقت وخصوصا ان انهاردة الصبح كان متشيك عالاخر قولت يبقي هيقابلك
ورد باستغراب ايه ده مقاليش انه رايح في حتة يعني انا فاكراه في المحل
ندي بتفكير استني صحيح ممكن يكون راح يجيب جيجي بنت عمي مختار من المطار اصل سمعت امبارح انها راجعة من امريكا وايه بقي بقت واحدة تانية
ورد بعصبية طيب يبقي يعملها يونس ويوريني كدة وانا اطين عشته بقي عشان انا محذراه انه يكلم البت دي من زمان من وقت ما سافرت من سبع سنين كمان يروح يجيبها
ندي بتوتر يا لهوي انا شكلي عكيت ولا ايه بقولك ايه يا ورد متعمليش مشكلة انا بقول ممكن يعني مش اكيد متكبريش انتي الموضوع واستني شوفي ايه الدنيا يلا بقي خلصي نشر غسيلك ده ويلا ننزل عشان العيلة تحت متجمعة انتي عارفة وجدي زمانه مستنينا
ورد توعد ماشي يا يونس حاضر خدي يا ندي كملي انتي علي اما ارن عليه
ندي بقلة حيلة هاتي يا قدري ما دي ضريبة الصحوبية ياختي هاتي
ورد رنت علي يونس كتير ومش بيرد
ورد بغيظ شوفتي يا ندي مش بيرد
ندي بقلق يا بنتي اكيد لا متخافيش مش بتقولي عارف انك مبتحبيهاش اكيد يعني مش هيزعلك
ورد بتفكير ماشي يا خبر بفلوس خلصي يلا عشان ننزل
.................................................
في بيت نعمان الجد كان قاعد مختار الابن الكبير ومعاه محمود الابن الوسطاني ويبقي ابو ورد وكمان معاهم خالد وده ابو يونس وندي
نعمان بابتسامة اهلا ببنات العيلة القمرات ايه كل ده تأخير مش عارفين ان ستكم بتحضر الغدا
ندي بغيظ معلش يا جدي اصل ورد كان وراها غسيل بتنشره احنا داخلين اهو نساعدهم
ورد بغموض بقولك يا جدي متعرفش يونس فين اصلي بكلمه مش بيرد عليا
مختار بفرحة اه يا ورد تلاقيه سايق اصله راح يجيب جيجي بنتي من المطار كانت عاملاها مفاجئة ومكنتش اعرف الا لما قالي يونس انها راجعة انهاردة واخيرا هتنور بيتها بعد ما خدت الشهادة الكبيرة
ورد بصت لعمها ومردتش وسابته ودخلت المطبخ و وراها ندي اللي كانت بتلطم بصمت واول ما دخلو المطبخ ندي اتكلمت بحماس اول ما شافت صافية مرات عمها وام ورد
ندي بحماس صافي القمر عملالنا اكل ايه
صافية بابتسامة اللي بتحبيه يا قلب صافية
ندي بهزار طيب مش كنتي تخلفي ولد كدة يا صافية عشان اتجوزه ويبقي زيتنا في دقيقنا ينفع كدة
صافية بضحك ينيلك يا ندي كفايا عليا يونس اخوكي تخيلي لو كنت خلفت راجل مكنش هيعمر مع يونس وهو عامل عليه حما بقي
ندي وهي بتغمز لورد مين قالك بس يا صافي ده لاجل عيون الورد كان هيعدي كل حاجة
صافية باستغراب مالك يا ورد مكشرة ليه كدة كل ده عشان نشرتي الغسيل
ورد بضيق غسيل ايه بس
الجدة عفاف بابتسامة وايه اللي انتي فيه يا قلب ستك اوعي يكون الواد يونس مزعلك
ندي بتوتر ده يونس امي الله يرحمها داعية عليه يا ستي ادعوله بقي
اتنفضت ورد من مكانها اول ما سمعت صوت عربية يونس فسابتهم وطلعت بسرعة الصالة ووقفت وربعت ايديها وهي مستنيه يونس يدخل وفعلا شوية ودخل يونس وهو شايل شنطة السفر بتاعة جيجي واول ما عنيه اتقابلت مع ورد اتوتر وخصوصا انها كانت بتبصله بغضب وبعدين دخلت جيجي اللي كانت لابسة لبس صدم الكل لانه كان قصير وكأنها فاكرة نفسها في بلاد برة
محمود بصدمة ايه يا بنت اخويا اللي لابساه ده فاكرة نفسك في بلاد برة
مختار بضيق صحيح يا چيجي ايه اللي عاملاه ده
جيجي بزعل مصطنع بقي كدة يا بابا هي دي مقابلتكم ليا بعد السنين دي ده مفيش حد باركلي وقالي مبروك عالتخرج يا دكتورة غير يونس
مختار نسي زعله وقرب من جيجي وحضنها بحب وفرحة عندك حق مبروك يا قلب ابوكي والله وبقيتي دكتورة قد الدنيا وشرفتي عيلة نعمان
نعمان بغموض لو فرحتك هتنسيك الاصول يا ابن نعمان انا مش ناسيها اطلعي غيري هدومك دي والبسي هدوم محترمة واوعي تنسي ان بناتنا ميتعروش فهمتي ولا لا
جيجي بمسكنة حاضر يا جدي انا اسفة والله مقصدش اضايقكم عموما هطلع اغير وانزل عشان اكل احسن واحشني اكل تينة وكمان واحشني الرغي معاك يا يونس يلا مش هتأخر يونس ممكن تطلعلي شنطتي فوق اصلي مش هقدر اشيلها
يونس بتوتر حاضر يا بنت عمي يلا اتفضلي قدامي
خرج يونس ووراه جيجي وورد كانت متابعاه بغضب وحزن وبعدين سابتهم ودخلت تاني المطبخ وهي بتتوعد ليونس
......................
عالسفرة الكبيرة كانو قاعدين كلهم بيتغدو ماعدا ورد اللي كانت عنيها علي جيجي اللي اخدت مكانها جمب يونس وهو متكلمش ولا اعترض وده اللي خلاها تسكت
مختار بفرحة ايه يا جيجي مش بتاكلي ليه يا حبيبتي ده اكل ستك يجيب من اخر الشارع
جيجي بابتسامة عارفة يا بابا طبعا بس انا معدتي لسة مخدتش علي الاكل التقيل اكمني كنت باكل نواشف وخضار بس هناك
يونس بابتسامة لا بكرة تتعودي احنا اللي يقعد معانا يومين ياخد من عوايدنا واسألي ورد اهي كانت معدتها بتتعب من اقل اكل شوفيها دلوقتي بتاكل اللي يجي قدامها ولا ايه يا ورد ما تقولي لجيجي
ورد كسفت يونس ومردتش عليه وفضلت باصة في طبقها
يونس بغضب لانه اتحرج اوي ورد انا بكلمك ايه مش سامعاني
ورد بسخرية لا سامعة كويس بس مليش مزاج ارد ايه انا حرة
يونس بحدة انتي بتتكلمي معايا كدة ازاي ايه نسيتي انا مين ولا ايه
ورد بغضب انا بتكلم بطريقتي معلش اصلي معرفش اتمايع في الكلام عشان اعجب بعد اذنك يا جدي انا شبعت ماما انا طالعة
سابتهم ورد وطلعت وكان متابعها يونس بغضب من تصرفاتها واللي قالته وكان مراقبه نعمان جده بغموض
ندي بعتاب ليه تزعلها بس يا يونس بقي بدل ما تقولها كل سنة وانتي طيبة عشان عيد ميلادها تنكد عليها
يونس بصدمة يا خبر انا ازاي نسيت حاجة زي دي
نعمان بهدوء ابقي صالح خطيبتك يا يونس هي ليها حق تزعل منك
يونس بتفكير حاضر يا جدي بعد اذنكم انا شبعت
جيجي بابتسامة يونس ممكن توصلني مكان مهم جدا لازم اروحه بكرة عشان شغلي يعني لاني لسة مش متذكرة اوي الاماكن هنا
خالد بابتسامة طبعا يا جيجي
يونس بابتسامة تمام يا جيجي الصبح ان
