وردة اليونس حصري على موقع ايام بقلمي اسراء ابراهيم
المحتويات
لورد او تجيبي سيرة قدامها اننا كنا بنتكلم وانتي مسافرة عشان بس متزعلش
جيجي بخبث وهي تزعل ان انا وانت صحاب ليه يعني يا يونس ده انا حتي بحبها
يونس بتبرير لا مش كدة يعني مش عشانك انتي مخصوص ولا حاجة بس هي بتغير من اي حد وانا بصراحة مش عاوز ازعلها
جيجي بمكر ماشي يا سي يونس عموما حاضر مش هقولها ولا هجيب سيرة ممكن نمشي بقي
يونس بامتنان شكرا يا جبجي حقيقي ويلا بينا طبعا
ركبت جيجي العربية مع يونس وعرفت وقتها هي هتعمل ايه بالظبط وكان علي وشها ابتسامة مكر
..........................................
يونس وصل جيجي بسرعة ورجع تاني خرج راح دار الايتام لورد وكان وقتها بيحضر الكلام اللي هيقوله ليها عشان يعتذر عن اللي هو عمله لانه متأكد ان ورد زعلانة جامد عكس ما قال لجيجي دخل الدار ودور بعنيه علي ورد وكان متوقع انه يلاقيها بتلعب مع الاطفال وفعلا شافها بس ملامحه اتبدلت لما شاف اياد واقف معاها وبيضحكو ويلعبو مع الاولاد واتعصب اكتر لما شاف نظرة الاعجاب علي وش اياد لورد فقرب منهم بغضب وورد شافته فكشرت وبصتله بغضب
يونس بحدة يلا قدامي يا ورد حالا
ورد باستغراب قدامك فين انا لسة مخلصتش وقتي مع الاطفال يا يونس
يونس وهو بيسحب ورد من ايديها هنروح دلوقتي حالا ومن غير مناقشة انتي فاهمة
ورد بغضب وهي بتسحب ايديها منه انت بتتصرف كدة ليه قولتلكمش همشي وانا مش تحت امرك ومزاجك يا يونس ولو سمحت امشي لاني زي ما جيت لوحدي هروح لوحدي
يونس بعصبية وانا قولتلك اجلي معادك ليوم تاني ليه صممتي تعندي
ورد بغضب و انا مش هغير معادي عشان السنيورة بتاعتك ومشوارها امشي
يونس بتحذير وووورد الزمي ادبك ومتنسيش اني يونس انتي فاهمة
ورد بحزنانا عن نفسي فاكرة كويس اوي يا يونس بس انت نسيت انك خاطب واني ورد يا يونس
يونس بصلها بأسف واعتذار بس ورد اتجاهلته وسابته ومشيت ناحية الاطفال واياد اللي كان واقف بيحاول يفهم يونس بالنسبة ليها يبقي ايه
اياد بتردد هو في حاجة يا انسة ورد الشخص ده بيضايقك
ورد بحزن لا مفيش بعد اذنك كفايا كدة انا همشي وياريت حضرتك تكمل معاهم
اياد بسرعة طب هتيجي تاني
ورد بتوتر وهي بتبص ليونس اللي عنيه بتطلع شرار في معادي ان شاء الله بعد اذنك
مشيت ورد وراحت ليونس بس اتجاهلته وكملت طريقها فخرج هو وراها بسرعة ولحقها قبل ما تعدي من العربية
يونس بلهفة ورد انا اسف انا عارف ان مكنش ينفع اسيبك تمشي لوحدك بس انتي عندتي قدامي وكمان احرجتيني قدامها
ورد بسخرية عشان كدة طلعت نفسك بطل قدامها وروحت وصلتها ونسيت شكلكفي نظري هيبقي عامل ازاي بعد ما سبتني امشي لا حقيقي برافو يا يونس
يونس بندم ايف يا حبيبتي حقك عليا بس انا شايف ان جيجي زيها زي اي حد انتي بس اللي مكبرة الموضوع صدقيني انا بعاملها كدة من باب القرابة مش اكتر ومقدر اوي انها بقالها سنين عايشة برة واكيد نسيت كل حاجة هنا
ورد بانفعال انت هتجنني تعمل ده لو انت كان ليك علاقة بيها او مثلا في باب ود بينكم لكن انت تهتم بيها بصفتك ايه وازاي اصلا وانت عارف انها بتكرهني من زمان وقولتلك انها مستكتراك عليا يا يونس وكانت عاوزاك ليها
يونس بعدم تصديق ايه اللي بتقوليه ده بس ورد كل دي اوهام جيجي مش كدة
ورد باندفاع وايه اللي مخليك متأكد كدة وانت متعرفهاش ومتكلمتش معاها قبل كدة من سنين ليه مصمم تدافع عنها بالطريقة دي
يونس بتوتر هاا لا مقصدش بس انا بتكلم من خلال اللي شوفته من وقت ما هي جت
ورد بهدوء يونس انت المفروض تصدقني انا الانسانة دي انت متعرفش عملت معايا ايه انا عارفة حقيقتها اومال تفتكر طلبت منك متتكلمش معاها ومن قبل ما تسافر عشان انا عارفاها كويس
يونس بهروب خلاص يا ورد اوعدك اني مش هتعاما معاها تاني خلاص كدة سامحتيني عشان خاطر يونس بقي اضحكي
ورد بابتسامة يعني مش هتكلمها تاني ابداااا
يونس بلهفة ابدا ابدا يا روح يونس بس متزعليش مني
ورد بابتسامة وانا مسامحاك يا يونس
يونس بسعادة وهو بيمسك ايد ورد تسلميلي يا قلب يونس يلا بينا بقي هناكل برة وافسحك وبعدين نروح
ورد بابتسامة ماشي موافقة بس تكلم الحاج محمود احسن يقتلنا
يونس بضحك متقلقيش هكلمه بس يلا بينا يا وردتي
............................................
بعد يومين كانت قاعدة جيجي في اوضتها بتفكر ازاي هتعرف ورد انها كانت علي اتصال بيونس طول السبع سنين اللي قعدتهم برة لحد ما جاتلها فكرة وقررت تنفذها فابتسمت بمكر بس قطع تفكيرها دخول مختار ابوها بعد ما خبط
مختار بابتسامة جيجي يا حبيبتي
فاضية اتكلم معاكي شوية
جيجي بابتسامة طبعا يا بابا اتفضل انا سامعاك بس هو في حاجة ولا ايه
مختار بابتسامة انتي عارفة اني كنت مستنيكي ترجعي من زمان السبع سنين اللي عدو عليا كأنهم عمر تاني فمش عاوزك يا جيجي تخليني اندم اني رجعتك
چيجي بتكشيرة مش فاهمة حضرتك
مختار بتنهيدة يونس ابن عمك يا چيچي
چيجي بتوتر ماله يونس يا بابا هو انا عملتله حاجة ولا هو اشتكالك مني
مختار بتلقائية لا يا چيچي انتي عارفة انا بتكلم علي ايه وانا ملاحظ اللي انتي بتعمليه من وقت ما رجعتي
چيچي بضيق بعمل ايه بس يا بابا انا مش فاهمة انت بتتكلم علي ايه
مختار بهدوء لا فاهمة يا چيچي تصرفاتك مع يونس من وقت ما رجعتي بتتعاملي معاه كأنك عارفاه اوي اكتر من خطيبته وانا عارف انك قاصدة تحسسيها انها غريبة وسطيكم
چيجي بسخريةطيب ما دي الحقيقة يا بابا انا ويونس صحاب وعلي فكرة بقي حضرتك فهمت غلط انا بتعامل مع يونس بطبيعتي لاننا كنا بنتكلم طول السنين دي وانا وهو صحاب
مختار بحدة مفيش حاجة اسمها انا ويونس صحاب انتي بنت عمه وهو راجل وخاطب كمان وبيحب خطيبته وانتي اللي غريبة عنهم ولازم تعملي حدود والا هيبقالي تصرف مش هيعجبك ورد بتحب يونس وهو بيحبها وانتي لازم تبعدي وتتقبلي واقع انه اختارها وسابك
چيچي بضيق بابا الموضوع ده مبقاش في دماغي اصلا لو سمحت متتكلمش فيه
مختار بجدية لا هتكلم يا چيچي طالما مش عاوزة تفوقي يبقي لازم افوقك انتي فكرك اني مش واخد بالي انك كنتي بتحبي يونس من زمان وكنت بشوفك وانتي بتحاولي تقربي منه واقول يمكن يكون في نصيب رغم اني عارف ومتأكد انه بيحب ورد ولما هو صدك وقالك انه بيحب وانك بالنسباله اخته انتي رفضتي تتقبلي الواقع وعشان كدة مصممة انك تفرقي بينه وبين ورد اللي عمرك ما حبتيها وكرهتيها اكتر لما بقت ليونس
چيچي بانفعال خلاص يا بابا لو سمحت خلاص بقي
مختار
متابعة القراءة
