وردة اليونس حصري على موقع ايام بقلمي اسراء ابراهيم

شاء الله بعد اذنكم انا طالع
طلع يونس وعدي علي شقة ورد وخبط بس هي مفتحتش الباب فخبط تاني بس هي كانت واقفة ورا الباب ومش عاوزة تفتح فنفخ يونس بغضب وسابها وكمل علي شقته ووقتها ورد مسحت دموعها بحزن لان اول مرة يونس بتجاهل زعلها كدة
...........................................
تاني يوم كانت واقفة ورد بتلبس طرحتها عشان تروح دار الايتام اللي متعودة تؤوحه كل شهر وكانت متأكدة ان يونس هتلاقيه مستنيها زي العادة وفعلا خلصت لبس واول ما خرجت من باب البيت شافت يونس واقف مستنيها فبصتله بعتاب وهو قرب عليها
يونس بعتاب ينفع اللي عملتيه امبارح ده قدام العيلة كلها انتي عارفة لو كان اي حد تاني كنت عملت فيه ايه 
ورد بغضب متغيرش الموضوع يا يونس وتقلب الترابيزة عليا انت عارف ومتأكد اننا هنتخانق بسبب البت دي انت راهنت علي زعلي ورحت جبتها من المطار رغم انك عارف اني هزعل منك بس روحت وعملت كدة خلاص طالما زعلي مش فارق معاك يبقي متحاسبنيش
يونس بتبرير يا حبيبتي افهمي انا روحت لان عمي اللي طلب مني كدة واكيد يعني مش هرفض واقوله اصل ورد مش بتحبها وهتزعل لو روحت جبتها
ورد بعصبية خفيفة متجننيش يا يونس عمي مش هيطلب منك كدة لانه مكنش يعرف اصلا انها جاية في اليوم ده والا كان طلب من بابا ماهو عارف ان شغله قريب من المطار وليه معارف كتير و بابا كمان ميعرفش وده مش معناه الا حاجة واحدة
يونس بتوتر معناه ايه بس يا ورد انتي دماغك كلها اوهام اصلا
ورد بشك انك كنت عارف بمعاد رجوعها من السفر قبل اي حد يا يونس مش كدة 
يونس بتهرب يا بنتي بطلي جنان انا عارف انك زعلانة مني عشان نسيت عيد ميلادك بس خلاص يعني دي اول مرة عموما يا ستي حقك عليا خلاص انا اسف بقي متزعليش
ورد بصت ليونس بحيرة وكان قلبها حاسس ان في حاجة تاني بس متكلمتش وغيرت الموضوع
ورد بجدية طيب يلا عشان منتأخرش
يونس بتوتر ها علي فين 
ورد باستغراب ايه يا يونس انت نسيت ان انهاردة اليوم بتاع دار الايتام اومال انت عرفت ازاي اني هنزل دلوقتي ووقفت تستناني كدة
جيجي بدلع من ورا ورد هاااي صباح الخير يا يونس ازيك يا ورد
ورد وعنيها في عيون يونس بغموض صباح النور يا جيجي
جيجي بحماس يلا يا يونس احسن هنتأخر علي معادنا 
يونس بص لورد بتوتر ومكنش عارف يرد يقول ايه
ورد ببهتان انتو رايحين فين كدة يا جيجي 
جيجي بقصد مفيش بونس هيوصلني المستشفي اللي هشتغل فيها عشان انا معرفش الاماكن هنا يا ورد انتي عارفة بقي ومتفقين من امبارح وعشان كدة هو مستنيني هنا زي ما اتفقنا
ورد بخيبة امل تمام اتفضلو عشان متتاخروش عن معادكم
قالت ورد كلامها وكانت هتسيبهم وتمشي بس يونس وقفها بسرعة وهو بيمسك ايديها
يونس بلهفة استني يا ورد انتي رايحة فين مش هينفع تروحي لوحدك بصي خليها يوم تاني عشان اوصلك
ورد بغضب وهي بتسحب ايديها لا يا ابن عمي انا مش صغيرة خليك انت معاها هي اولي مني لكن انا هروح مشواري يا يونس
قالت ورد كلامها وسابتهم ومشيت وجيجي كانت مبتسمة بشماتة وهي متابعة اللي بيحصل وفي نفس الوقت يونس كان في قمة غضبه 
.....................................
وصلت ورد دار الايتام وكان باين على وشها تأثير العياط واول لما وصلت مكتب مشيرة وتبقى مديرة الدار وقفت قدام المكتب واخدت نفس طويل وبعدين خبطت ودخلت
مشيرة بابتسامه اهلا يا ورد نورتي الدار اتأخرتي ليه كده الاطفال مستنينك مم بدري وكل شوية يسألو عليكي
ورد بابتسامةانا اسفه جدا بس الطريق كان زحمه وانا كمان متشوقه اشوفهم من اخر مرة كنت هنا هما فين صحيح
مشيرة وهي بتقوم من مكانها دول بيلعبو مع استاذ اياد بره ده هنا من بدري
ورد باستغراب اياد مين اياد ده وازاي يجي في يومي انتي عارفه ان النهارده اليوم بتاعي لوحدي
مشيرة بسرعة استاذ اياد ده معانا من زمان بس دايما بيجي في ايام معينه بس حصل عنده ظروف معينه واضطر يبقى موجود النهارده ولما عرفته ان اليوم محجوز صمم انه يكون موجود وقالي خليها هي تغير المواعيد
ورد بضيقنعم ! يعني ايه اغير معادي ده انسان معندوش زوق انا بقى هتكلم معاه واعرفه ازاي يجي على يومي قليل الزوق ده
مشيت ورد مع مشيرة وراحو المكان اللي بتلعب فيه الاطفال مع اياد واول اما اطفال الدار شافوها سابو اياد وطلعو يجروا عليها بفرحه وهي كمان كانت بتسلم عليهم بحماس وكأنهم فعلا اخواتها وكان متابع اياد من بعيد اللي بيحصل وبيبص لورد باعجاب وبعد شوية لقاها بتدي للاطفال هدايا وهما كانو فرحانين اوي بيها وشوية واياد شاف ورد بتقرب منه فابتسم بتلقائية ومد ايده ليها وفاكرها جايه تسلم عليه
اياد بابتسامة اهلا اكيد انتي انسه ورد
ورد بغضب من غير ما تمد ايديهاانت انسان قليل الزوق علشان تقتحم يومي مع الاطفال كده وكمان تطلب اني انا اغير الميعاد بتاعي اللي باجي فيه بقالي سنين
اياد باندفاعوالله هو يارتني عملت كده من زمان علشان اشوفك واتعرف عليكي
ورد بحده افندم! حضرتك قولت ايه
اياد بتوتر انا اقصد يعني اني اسف انا مقصدش اني اقتحم يومك انا بس مواعيدي اتغيرت وغصب عني مش هقدر اجي غير في اليوم ده وبعدين ليه منشاركش اليوم سوى والاطفال تستفيد مني ومنك بوقتنا اعتقد انك انانية في النقطة ديه وياريت تراجعي تفكيرك
ورد بتفكيرتمام مفيش مشكلة انت عندك حق الاطفال هيفرحوا اكتر لو لقو اهتمام من كذا شخص
اياد بابتسامة وهو بيمد ايدهيعني افهم من كده اننا اتفقنا
ورد بابتسامة من غير ما تمد ايديها تمام اتفقنا
اياد بصلها باعجاب لانها رفضت تسلم عليه ومشيو سوا هما الاتنين ناحية الاطفال علشان يقضوا اليوم بتاعهم
................................................
بعد كام ساعة كان ماشي يونس هو وجيجي وكانو خارجين من المستشفي
جيجي بخبث يونس انا اسفة
يونس باستغراب علي ايه بس ياجيجي 
جيجي بتلقائية بقي كدة يا يونس انت مفكر اني هتوه عنك ده انا حافظاك كويس انا حاسة بيك وانت متغير ومضايق ودايما سرحان وبصراحة كدة انا حاسة بالذنب انك اتخانقت مع ورد بسببي
يونس بتنهيدة لا يا جيجي مش انتي السبب ولا حاجة انا اللي غلطت لاني نسيت معاد ورد وانا عارف انها ليها حق تزعل مني
جيجي اتغاظت بس كملت ببرود طب خلاص يا يونس روحلها متقلقش انا هعرف اتصرف
يونس برفض لا طبعا زي ما جيتي معايا هتروحي معايا يلا عشان اوصلك والحق ارجعلها
جيجي بابتسامة طب توعدني انك تصالحها انا مش عاوزة احس اني السبب في الخلاف ارجوك
يونس بابتسامة متقلقيش هصالحها ورد بتحبني وانا متأكد انها مش زعلانة مني
جيجي بتمثيل طب يلا احسن انا تعبت اوي انهاردة وعاوزة اروح ارتاح
يونس بتردد جيجي ممكن اطلب منك طلب 
جيجي بفضول طبعا يا يونس احنا صحاب وانت عارف غلاوتك عندي قول في ايه 
يونس برجاء لو ممكن يعني متقوليش