وردة اليونس حصري على موقع ايام بقلمي اسراء ابراهيم
اللي في دماغك صدقيني هتصرف تصرف مش هيعجبك
خلص مختار كلامه وساب چيچي ومشي وقعدت هي تفكر في كلامه ووشها باين عليه الغضب بعد ما فكرها باللي حصل زمان ووقتها قررت هي تنفذ اللي فكرت فيه عشان تكسب يونس وتبعده عن ورد
......................................
كانو متجميعين كلهم في بيت نعمان الجد وكانت ورد بتضحك وتهزر مع يونس طول اليوم وكانت فرحانة اوي انه بيتعامل معاها زي الاول وان چيچي مش موجودة بس الفرحة مدامتش لما دخلت عليهم چيچي بلبسها الاوفر كالعادة واول ما شافت ورد ويونس بيهزرو كشرت بضيق وبعدين ابتسمت بخبث ومسمت دماغها بتعب
نعمان بقلق مالك يا بنتي تعبانة ولا حاجة
چيچي بتعب مصطنع اه يا جدو حاسة اني دايخة اوي من الصبح عشان كدة مقدرتش انزل ليكم من بدري
ندي بسخرية تعبانة ولا اتحججتي عشان نتنزليش تساعدي زينا كلنا
چيچي ببرود لا تعبانة ايه مبتتعابيش
ورد بهدوء الف سلامة يا بنت عمي
چيچي بضيق متشكرة
يونس بقلق طب ما تكشفي يا چيچي يمكن يكون برد والدكتور يديكي علاج
چيچي بتعب اه يا يونس عندك حق بس انا مرضيتش اقول لبابا عشان ميقلقش عليا
يونس بتردد لا عادي انا هوديكي وكمان ورد هتيجي معانا
ورد بضيق لا معلش خد ندي معاكم انا مش فاضية
قالت ورد كلامها بضيق وسابتهم ودخلت المطبخ ودخل وراها يونس لما حس انها زعلت
يونس بلهفة ورد انتي زعلتي ليه بس
ورد بغضب عشان وعودك يا يونس اللي مبقتش تنفذها هو ده الوعد اللي وعدتهوني انت وعدتني انك مش هتكلمها ولو كلمتك مش هترد عليها صح ولا لا
يونس بتنهيدة حصل بس انتي شوفتي انها تعبانة يعمي لازم اقولها الف سلامة مش دي الاصول
ورد بغيرة لا الاصول بتقول ان عمي اللي يوديها تكشف مش ابن عمها اللي غريب عنها ايه للدرجادي خايف عليها خلاص روحلها
يونس بضيق يووه انا زهقت من غيرتك الزايدة دي انتي امتي هتعقلي بقي قولتلك انها بنت عمي يعني ملوش لزوم لعمايلك دي
ورد بحزن
قالت ورد كلامها وسابت يونس وطلعت شقتها وكانت بتكلم نفسها وبتأنبها وبتقول انها ممكن تكون مكبرة الموضوع فعلا وان چيچي اكيد خلاص نسيت اللي حصل زمان وانها هي اللي مأڤورة الموضوع ابتسمت اول ما انتبهت لصوت جرس الباب لانها توقعت انه يونس وقالت اكيد جاي يصالحها بس ابتسامتها اختفت لما شافت چيچي قدامها
چيچي بسخرية اما قولت اطلع اجبر بخاطرك اكمنك يعني زعلتي لما يونس اهتم بيا وبتعبي عشان تعرفي اني اصيلة اوي
ورد باستغراب وانتي عرفتي منين اني زعلت من يونس لا يا حبيبتي انتي بيتهيألك اصلي واثقة في يونس اوي ومتأكدة انه شايفك بنت عمه وبس
چيچي بخبث متنكريش يا ورد خلينا اصحاب وقريبين من بعض زيي انا ويونس كدة اصلا هو اللي قالي انك زعلتي مالك مستغربة ليه كدة
ورد باستغراب نعم يعني ايه هو اللي قالك عالمشكلة اللي بينا
چيچي ببرود اه طبعا اصلنا قريبين من بعض اوي هو مقالكيش اننا صحاب ولا ايه ده انا انتيمته يا بنتي كل اسراره معايا اصلا طول السبع سنين كنا بنتكلم دايما يقولي انه بيرتاح معايا اوي عكس ما بيكون معاكي
ورد بصدمة وغضب كدابة يونس ميعملش كدة انتي لسة بتكرهيني وقاصدة توقعي بيني وبينه عشان رفضك واختارني
چيچي بغموض لا يا حبيبتي انا مبكدبش تحبي اقولك امارة انه راحلك الدار عشان يصالحك بعد ما صمم يوصلني واقولك بقي انا اللي طلبت منه يروح يصالحك
ورد ودموعها بتنزل برة اخرررجي برررة
قفلت ورد الباب ووقفت وراه ودموعها بتنزل من غير سبب لانها مكنتش متخيلة ان يونس يكسرها بالشكل ده
..........................................
تاني يوم كانت واقفة ورد قدان عمان جدها ومحمود ابوها بعد ما طلبت تتكلم معاهم
محمود بقلق خير يا ورد في ايه يا بنتي قلقتينا
ورد بجمود لو سمحت يا بابا انت وجدي انا مش عاوزة اكمل مع يونس
محمود بصدمة ليه كدة يا ورد ده
ورد بكسرة وخلاص يا بابا حسيت اني مش عاوزاه مبقتش احبه لو سمحت طلقني منه
نعمان بغموض اديني سبب مقنع يا ورد وانا اوافق علي اللي بتقوليه ده
ورد ومقدرتش تمسك دموعها مفيش سبب يا جدي اكبر من اني مبقتش بحبه ولا متقبلاه واكيد انت مش هتغصبه عليا
يونس باستغراب من وراهم هو مين ده يا ورد انتي بتعيطي كمان في ايه مالك اتكلمي
ورد مردتش فاتكلم نعمان ورد عاوزة تفسخ الخطوبة يا يونس ايه رأيك
يونس بعدم استيعاب نعم يعني ايه انا مش فاهم حاجة ورد اكيد بتهزر
ورد بجدية لا مبهزرش يا يونس انا مش عاوزاك خلاص
يونس بغضب انتي بتقولي ايه انتي بتاعتي يا ورد انتي ليونس وبس متفتكريش انك تقدري تبعدي عني اصلا انتي مش في ايدك تختاري
محمود بجدية الزم حدودك يا يونس انا عارف ومقدر انك بتحب ورد بس بنتي انا مش هغصبها علي حاجة ابدا ولو صممت هنفسخ الخطوبة
يونس ببهتان طب قوليلي انا عملت ايه عشان تبعدي عني ورد انا عملتلك اللي قولتي عليه صدقيني
ورد بانهيار لا يا يونس انت كداب كدبت عليا وانا غبية صدقتك عرفتك قد ايه الانسانة دي بتكرهني وعاوزة توجعني بيك بس انت اديتلها الفرصة وعدتني انك مش هتكلمها بس انت مش بس كلمتها انت حكيت ليها اسرارنا خليتها تقولي انها اقربلك مني واني مليش لازمة في حياتك
يونس بغضب هي قالتلك كدة
ورد بكسرة انا مش عاوزاك يا يونس ولا هقدر اسامحك جدو لو سمحت خلص الموضوع بعد اذنك
مشيت ورد ويونس كان باصص قدامه بغضب وساب عمه وجده اللي ابتسم براحة وكأنه عارف ان يونس اخيرا فهم
.............................................
تاني يوم كانت واقفة ورد بتحضر الفطار لحد ما امها تيجي من السوق والجرس ضرب فراحت تفتح وكان يونس
ورد بضيق يونس احنا خلاص قولنا كل حاجة لو سمحت انساني بقي
يونس بحزن واهون عليكي تنسيني بالسهولة دي طب حتي اديني فرصة ادافع عن نفسي
ورد باستغراب علي فين
يونس بابتسامة هسمعك بودنك كل حاجة بس تعالي
اخد يونس ورد وطلعو عالسطوح وكانت وقتخا چيچي مستنية يونس فوقف ورد عالباب قبل ما يدخل
يونس بابتسامة استنيني هنا وعاوزك تسمعي الحقيقة بودنك يا ورد
ورد مردتش فسابها يونس ودخل لچيجي اللي قربت عليه بلهفة اول ما شافته
چيچي بلهفة يونس انا مبسوطة انك وافقت تقابلني عشان اوضحلك كل حاجة انت اتهمتني امبارح اني روحت قولت لورد بس ده محصلش هي اللي فضلت توقعني بالكلام صدقني
يونس بغضب سؤال واحد وتردي عليا يا چيچي انا وعدتك بأي حاجة قولتلك قبل كدة او حتي لمحتلك اني بحبك
چيچي بتوتر لا محصلش
يونس بغضب يبقي ليه لازمة كل اللي بتعمليه ده انا لحد اخر لحظة قولت انك اتغيرتي رغم انك لما جتيلي زمان وقولتيلي انك بتحبيني وانتي
عارفة اني بحب ورد وهي بتحبني بس حاولتي وصديتك وقولتلك اني بحب وردوانك بنت عمي وبس وبالرغم من انك وقتها نزلتي من نظري بس قولت اديلك فرصة يمكن تعقلي ولما سافرتي كلمتيني وقعدتي تتحايلي عليا اني اسأل عليكي وانك حاسة انك لوحدك وبقيت اكلمك عشان صعبتي عليا وانا معرفش انك قاصدة تعملي كل ده عشان تفرقي بيني وبين ورد
چيچي بمسكنة يااه للدرجادي شايفني وحشة يا يونس طب ليه محاولتش تشوفني مش يمكن تحبني عالاقل كنت وفرت عليا كل المحاولات دي انت لو تعرف انا بحبك قد ايه
يونس بغضب اخررسي انتي بجد مريضة وانا لا يمكن هصدق دموع التماسيح دي تاني من انهاردة ملكيش دعوة بورد ولو فكرتي تضايقيها صدقيني هتشوفي وش تاني فااهمة
چيچي بخوف فاهمة
ورد من وراهم يونس كفايا كدة ممكن ننزل وانتي يا چيچي ربنا يهديكي
نزلت ورد ويونس وسابه چيچي مع حقدها واول ما نزلت ورد شقتها ابتسمت ليونس اللي بابتسامتها روحه ردتله تاني
يونس بابتسامة اعتقد كدة براءة واتأكدتي بنفسك
ورد بخبص امممم بس انت عارف انك غلطت لما خبيت عليا
يونس باحراج خلاص
ورد بسعادة ماشي يا سي يونس وقلب وردتك
تمت
