بنت خالتي المشوهة بقلم اسراء ابراهيم حصريآ علي موقع لمحة
هذا الاسكريبت حصري على موقع لمحة فقط وغير مسموح بنقله إلى أي مدونة اخري
اسكربت
بنت خالتي المشوهة
انتي ضحكتي عليا خلتيني اتجوزك وانتي بالشكل ده.... انا قرفان منك ومش هعدي اللي حصل ده بالساهل يا فتون انتي فاهمة...مش هعديه
كانت واقفة قصاده مصدومة وصوتها خارج مكسور بس بتحاول تبان قوية
محصلش أنا قولتلك يا حسام من الأول إن حصلي حادثة ومخبتش عليك
حسام بسخرية جارحة
حادثة اه قولتي علي الحادثة بس مقولتيش إن جسمك بالشكل ده
فتون وهي بتتنفس بسرعة وحزن وبتشد الروب جامد عليها
ممكن تبطل كلامك ده أنا أنا مكنتش فاكرة أصلا إنها مؤذية للدرجة اللي انت شوفتها بيها
حسام باشمئزاز
ده مش تشوه بسيط يا فتون دي كارثة. وانا مكنتش متخيلانه يكون بالشكل ده ولا إن الموضوع كبير كدة.
فتون وعنيها في الأرض
أنا مكنتش أعرف إنك هتتضايق للدرجة دي كنت فاكرة إنك هتتقبل الموضوع عشان بتحبني يا حسام.... انت وعدتني انك عمرك ما هتجرحني ولا هتفكر تأذيني وبعد اول موقف تقولي كدة
حسام بزعيق وهو بيرفع صوته فجأة
أتقبل أتقبل إيه إن مراتي شكلها كده! انا كل ما هبصلك هقرف حتي المسك..... انتي فاكرة اني هقدر اكمل معاكي كدة
فتون بصعوبة اتكلمت وصوتها مكسور
أنا مضحكتش عليك زي ما قولتلك من شوية وأنا مش قليلة ولا وحشة يا حسام عشان تهيني بالطريقة دي ده نصيبي وانا كنت فاكراك بتحبني ومش هتهتم باللي في جسمي بس انت طلعت اناني وبيهمك الشكل وبس
حسام بعصبية وغضب
لا انتي ضحكتي عليا ..... ولو تفتكري وقتها سألتك الموضوع لحد فين وانتي كنتي مكسوفة ومحبتش اضغط عليكي ودلوقتي انا مش مجبر اكمل معاكي يافتون .....من حقي اتجوز واحدة حلوة اعيش معاها وتبسطني....مش اقرف منها كل ما ابصلها
فتون بتتسمر في مكانها و قلبها بيتكسر ميت حتة وهي باصة لحسام بصدمة ومش متخيلة ازاي قدر يقول كلام يكسرها بالشكل ده
فتون بخزلان وكسرة
طلقني يا حسام
حسام بضيق
كان بودي بس اعمل ايه في الناس وبابا اللي لو عرف هيعملها معايا مشكلة عشان طلقتك في يوم فرحنا
فتون بجمود وعصبية وهي بتقرب من حسام
وانا مليش دعوة بكل ده...... انت المفروض راجل وتتحمل نتيجة افعالك وانا كمان مستعدة اواجه كلام الناس عني ونظرتهم ليا وتلسينهم عليا ولا اني اعيش معاك وعلي اسمك ثانية واحدة
حسام بانفعال
انتي قصدك ايه بالمفروض راجل دي انا راجل غصب عنك ولو علي كلام الناس فانا راجل وميهمنيش حاجة ولا يعيبني حاجة الدور عليكي انتي
فتون بقرف
فعلا
اتعصب حساب وضربها بالقلم علي وشها جامد فنزفت من شفايفها ووقتها بصتله بوجع وحزن
طلقني لو فعلا راجل ولا رجولتك بس بمد الايد علي واحدة
حساب باندفاع وغضب
انتي طالق يا فتون
فتون بابتسامة باهتة
الحمد لله اني خلصت من واحد زيك..... حقير
قالت كدة وسابته وراحت تلم هدومها وهي مش متخيلة ان كل ده حصلها من اكتر انسان كانت بتتمني تعيش معاه باقي عمرها
..................................
في نص الليل كانت فتون واقفة قدام باب شقتها ووشها باين عليه اثر القلم وشفايفها بتنزف وهي بتؤن الجرس وشوية وفتحت خيرية امها بقلق واول ما شافتها اتصدمت وشهقت بخضة
خيرية بصوت عالي
فتووون يا ساتر يا رب مالك وإيه اللي حصل إنتي إنتي راجعة بالشكل ده كده ليه! ده ده يوم فرحك
فتون وهي بتحاول تمسح دموعها بإيدها وبتتنهد من الكسرة
ماما حسام طلقني.
خيرية صرخت وهي بتمد إيديها وبتهز بنتها
طلقك! طلقك يا فتون! انتي بتقولي إيه وإزاي! ليييه اتكلمييي
فتون بصوت مكبوت وهي بتدخل الشقة
عشان عشان جسمي يا ماما
عشان التشوهقال إني ضحكت عليه قال إني قرفتهو قال مش هيقدر يبصلي و ضربني كمان.
خيرية بتحط إيدها على وشها بصدمة
يا نهار أسود... يا فضيحتنا قدام النااس
ما قولتلك يا فتون بلاش بلاش تحددي معاد الفرح قبل ما تقوليله ومتخبيش وانتي مصممة وعملتي اللي في دماغك
فتون بعتاب وهي بتعيط
يعني يعني أنا اللي غلطانة يا أمي
يعني أنا اللي عملت كده في نفسي
أنا قولتلك إني مش قولتله والله قولتله وهو اللي قال مش فارق هو اللي قالي بيحبنيوأنا صدقت صدقته يا ماما
خيرية بتنهار وهي بتقعد على الكرسي وتحط إيديها على راسها
يا حظي الاسود يا فضيحتناالناس هتقول إيه.... هيمرمطونا كلام
بنتي راجعة يوم فرحها مطلقة
دي فضيحة ربنا ياخدههو اللي عمل فينا كده
فتون بدموع وحرقة قلب
أنا مش فارق معايا الناس
أنا فارق معايا كرامتيكرامتي يا أمي اللي مرمغها في الأرضأنا فارق معايا قلبي اللي داس عليه برجله
خيرية بخشونة وانفعال
كرامة إيه بس يا فتون.... احنا في ايه وانتي بتقولي إيه انتي عارفة هيحصل فينا إيه من بكرة
الناس مش هترحمولا مين هيصدق انه طلقك عشان جسمك
محدش...و هيفضلوا يلطشوا فينا طول العمر... منك لله يا حسام
خيرية بتقوم بسرعة وتجيب تليفونها
أنا مش هفضل ساكتة
انا هتصل بعبد الرحمن ابن خالتك
لازم يجي لازم يشوف المصيبة اللي وقعنا فيها
فتون بتصرخ وهي بتجري تمسك إيد أمها
لاااا
كله إلا عبد الرحمن بالله عليكي
خيرية بحدة ممزوجة بدموع
ليه!عشان اتقدملك وانتي رفضتيه
ما هو برضه ابن خالتك وراجل ومايرضاش على سمعتنا تتبهدل كده.... انا هخليه يروح للحيوان حسام يشوفه ويتكلم معاه
فتون صوتها بين الرجاء والقهر
مامااا بلاش.... حسام مش هيعمل حساب لحدوإنتي عارفة عبد الرحمن مش هيستحمل كلمةوممكن تحصل مصيبة وتبقي مصيبة بسببي أنا.... أرجووكي بلاش
خيرية بعند وهي بتقرب من تليفونها تاني
ما هو أنا مش هسكت
يعني بنتي تتضرب وتتطلق يوم الفرح ونسكت حسام ده لازم يعرف إنه غلط واحنا مالناش غير عبد الرحمن بعد ابوكي الله يرحمه هو يروح يتصرف معاه
فتون بتنهار وتعيط بصوت وهي بتسيب أمها وتدخل أوضتها وتقفل الباب وتقعد على الأرض وتكتم صوتها بإيدها وهي بتفتكر
فلاش باك
عبد الرحمن بصوت غاضب لكنه مليان خوف عليها
فتون انا مش مرتاح لحسام
الواد مش تماموبقولك اهو بلاش الجوازة دي.
فتون بصوت عنيد
انت مش بتزهق من كلامك ده....انت قولتلي كدة كتير وانا ردي زي ما هو أنا بحبه يا عبد الرحمن وهو بيحبني
ومستحيل يأذيني.
عبد الرحمن يبصلها بنظرة مكسورة
طب وأنا
أنا اللي قلبي طول عمره ليكي
و روحي متعلقة بيكي من وانتي عيلة يا فتون بضفاير ولا خلاص مبقتش افرق معاكي
فتون بترد وقتها بهدوء وخجل
يا عبد الرحمن افهمني أنا بشوفك أخويامش أكتروحرام حرام تفضل مستني حاجة مش هتحصل.... وبعدين انا خلاص هحدد معاد فرحي
عبد الرحمن بجمود
تمام يا بنت خالتي
لو ده اختياركأنا مش هقفلك في طريقكبس اسمعيني كويس
مهما يحصل هتلاقيني في ضهرك
بترجع فتون للواقع وهي بتعيط بحرقة وماسكة وشها وصوتها مكسور
فتون بصوت مبحوح
يا ريتني سمعت كلامك
يا ريتني صدقتكيا ريت الزمن يرجع بس دقيقةكنت هقولك حاضروكنت ههرب من الجوازة ديبس انا الغلطانة
......................................
صحيت فتون تاني يوم علي صوت عالي في الصالة وهي بتفتح عينها بالعافية وعينيها مورمة من العياط ووقتها بتسمع صوت عبد الرحمن بيزعق وبتتجمد مكانها وقلبها بتقبض فتقوم بسرعة وتفتح الباب وتخرجو أول ما يلمحها عبد الرحمن يبصلها بصدمة بما شاف العلامات علي وشها فقرب منها وهي خافت اوي واتوترت
عبد الرحمن بصوت مخنوق بالغضب
إيه ده إيه اللي على وشك ده
هو اللي عمل فيكي كده!حسام ضربك
جاوبيني يا فتون
فتون بصتله دقيقة وبعدين انهارت
أيوهأيوه يا عبد الرحمن ضربني
و و طلقني
عبد الرحمن قبض علي إيده جامد لدرجة عروقه بانت
تمامادخلي
فتون بخوف وبتقرب خطوة منه
لا لا يا عبد الرحمن بالله عليك بلاش
ما نروحلهوشأرجوووك
هو كده كده طلقنيوانا مش مش مسامحاهبس مش لازم نروحله
عبد الرحمن بصوت عالي لكنه ماسك نفسه
لو هو طلقك وانتي مش مسامحاه دي حاجة.... إنما إنه يمد إيده عليكي
دي حاجة تانية خالص
روحي غيري هدومك وإلا
انتي عارفة كويس أنا ممكن أعمل إيه لو اتعصبت
فتون بتؤجع خطوة بخوف
عبد الرحمنأرجوك اسمعني
انا مش عايزة مشاكل
وخايفة عليكوالله خايفة عليك
خيرية بتتدخل فجأة وتتكلم بحدة
اسمعي كلامه يا فتون وخليه يروح
خليه يعرف حسام اننا مش لوحدينا
وان فيه رجالة وحقك لازم يرجع
ولا إنتي لسة بتحبيه وعاوزة ترجعيله!
فتون بتبص لامها بغضب وانكسار
مامااا!.... انتي بتقولي إيه
أنا!.... أنا لو بموتمستحييييل أرجعله
ده ده كسرني وجرحني....ده لو آخر راجل في الدنيامش هرجعله..... بس انتي هترتاحي لو حصل لعبد الرحمن حاجة بسببي لو حصله حاجة
أنا مش هسامح نفسي عمرري كله مش هسامح نفسي
عبد الرحمن بيقرب ناحيتها بخطوات تقيلة مليانة غضب
هو انتي فاكراني إيه
فاكرة اني طفل ولا حد يقدر يأذيني
أنا راجل يا فتونراجل
وأعرف اجييب حق اللي مني
فتون بتخاف ودموعها تنزل
عبد الرحمنوالله مش خوف
بسملهاش لازمةخلاص اللي حصل حصلسيبني سيبني أنسى بس
خيرية بتصرخ فيها
لو فاكرة فضيحتنا هتخليكي تنسي تبقي غلطانة.... الناس مش هتسكت وسيرتنا هتبقي علي كل لسان
عبد الرحمن بأمر وملامحه كلها غضب
يلا يا فتون ادخلي غيري هدومك
واخرجي في سكاتمن غير كلمة زيادة.
فتون بصتله بخوف ووجع
اناانا مش عايزة
عبد الرحمن قاطعها بنبرة زغيق
ما تعارضينيشيلا ادخلي.
فتون بصت لامها بعتاب فقالتلها بتشجيع
اسمعي كلامه يا بنتيما تبقيش ضعيفةخليه ياخدلك حقك من الحيوان ده
فتون بتصرخ بوجع
وانتي فاكرة اني خايفة علي نفسي.... انا خايفة يحصل لعبد الرحمن حاجة... انا مرعوبة يا ماما حرام عليكي
عبد الرحمن بصوت غاضب
فتووونلآخر مرةادخلي غيري
ويلا بينا.
فتون بترجع لأوضتها وهي مرعوبة وبعد شوية بتخرج
عبد الرحمن بحدة
امشي قدامييلا.
خيرية من وراهم بصوت عالي
ربنا ينصرك يا ابني..... خليه يعرف قيمة النعمة اللي كانت في إيده ورماها
.........................
كانت راكبة فتون مع عبد الرحمن العربية و عينيها مورمة وعبد الرحمن ماسك غضبه بالعافية وصوته جامد جدا.
عبد الرحمن بضيق
ممكن تبطلي عياط بقي
فتون بتحاول تكتم عياطها
عبد الرحمن أنا مرعوبة بالله عليك بلاش تروحله.
عبد الرحمن بعينين
انتي خايفة منه...... للدرجادي مستقلية بيا فاكراني عيل مش هعرف اجيبلك حقك
فتون بلهفة ونفي
لا والله مش كدة خالص.... بس هو
