بنت خالتي المشوهة بقلم اسراء ابراهيم حصريآ علي موقع لمحة
انت علطول ياما مشغول ياما قاعد مع نفسك.... ده انا حتي مش بشوفك بتتكلم مع خطيبتك طول الليل زي المخطوبين
عبد الرحمن بزهق
بقولك ايه يا ماما عشان خاطري بلاش تفضلي تقطميني وسيبنيي في اللي انا فيه انا معايا مشكلة في شغلي
نوال بغموض
مشكلة في شغلك طيب ماشي.... اما اقوم بقي اكلم خالتك واعرف منها عملت ايه في موضوع العريس ده
عبد الرحمن بحدة وانتباه
نعم عريس ايه ولمين
نوال برفعة حاجب
عادي عريس لفتون.....خالتك بتقولي انه شافها يوم خطوبتك وكلمه خالتك علطول بعدها
عبد الرحمن وشه اتغير وقبض علي ايديه بغضب
وانا اخر من يعلم ازاي خالتو متقوليش حاجة زي دي
نوال بسخرية
وتقولك ليه يا عبد الرحمن... بنتها وهي حرة تجوزها تعنسها هي حرة
قام عبد الرحمن بلهفة واخد موبايله ومفاتيحه فوقفته نوال بصوتها
علي فين كدة يا ابن بطني.... طبعا علي خالتك مش كدة انا كنت عارفة ان الموضوع ده في انا...... انت لسة بتحب فتون يا عبد الرحمن مش كدة
عبد الرحمن بضيق
ماما لو سمحتي كفايا بقي... انا عملت اللي قولتيلي عليه وخطبت... سيبيني بقي في حالي
نوال بحزن
بس انت مش مرتاح يا عبد الرحمن..... خطبت اه وعملت اللي انا عاوزاه بس انت مش مبسوط..... روحلها يا عبد الرحمن... روح لفتون واتجوزها
عبد الرحمن باستغراب
اشمعني دلوقتي بتقوليلي كدة يا امي
نوال بتنيهدة
عشان انا مكنتش معترضة علي فتون نفسها انا كنت خايفة عليك تجرحك تاني..... كنت شايفاها
عبد الرحمن بحيرة
معتقدش ينفع دلوقتي يا امي..... لان الموضوع مبقاش بيني انا وبينها بس.... بقي في ناس تانيه مالهاش ذنب انها تتجرح
نوال بابتسامة
قصدك فرح يعني....صدقني كدة اهون من انك تكمل وانت بتحب واحدة تانية وتعيش عمرها كله معاك وانت ظالمها لانك مش قادر تديها قلبك..... حكم عقلك يا عبد الرحمن يا حبيبي
عبد الرحمن سرح في كلام امه واتنهد بحيرة وهو بيفكر
......................................
كانت قاعدة فتون قدام امها بعد ما نادت عليها وكانت حزينة اوي وباين انها دبلانة
خيرية بهدوء
مردتيش عليا يا فتون بخصوص موضوع العريس ده امه كل شوية تكلمني وعاوزين يعرفو ردك
فتون بصوت مخنوق
واش ضمنك يا ماما انه ميحصلش نفس اللي حصل مع حسام ويرميني لما يعرف ان جسمي متشوه
خيرية بحنان
اولا مش كل الرجالة زي بعض يا بنتي والشاب ده كويس ومحترم واقولك بصراحة كدة انا قولت لامه عاللي فيها وكمان اللي حصل في جوازتك الاولانية وسبب طلاقك...ما هو لازم نبقي علي نور من اولها وتعرفي بقي.... لقيتها بتكلمني وبتقولي انها قالت لابنها وهو موافق ومصمم عليكي كمان
فتون بحون وهي بتسرح بخيالها بعيد
ماما.... انتي عارفة اني بحب عبد الرحمن يبقي ليه اظلم الشخص ده معايا وانتي عارفة اني مش هقدر اقدمله حاجة
خيرية بحنان
يا بنتي الجواز قسمة ونصيب وعبد الرحمن مش قسمتك يا
فتون بصوت مخنوق وهي بتمسح دموعها
عندك حق... هو ربنا يسعده... انا بتمناله السعادة من قلبي يا ماما علي قد حبي ليه .... خلاص يا ماما انا مواف
قطع كلامها صوت جرس الباب فقامت خيرية تفتح وكان عبد الرحمن قدامهم واول ما شافته فتون قلبها وجعها اوي وهو قرب منها وعلي وشه الجمود
خيرية بابتسامة
نورت يا واد يا عبده..... فينك مش باين ليه ولا امك محرضاك تيجي عندنا
عبد الرحمن بغموض
انا عاوز اعرف ايه حكاية العريس ده وازاي انا اخر من يعلم ولا خلاص مبقاش ليا لازمة يعني
خيرية بتوتر
ليه كدة بس يا حبيبي... الموضوع كان لسة مش واضح لان فتون كانت رافضة اصلا
عبد الرحمن برفعة حاجب
كانت افهم من كدة انها وافقت يعني ولا ايه
فتون بصوت مخنوق وهي بتقوم من مكانها
ايوة يا عبد الرحمن... انا وافقت
عبد الرحمن بسخرية وهو بيقرب من فتون وبيبص في عنيها
وافقتي كدة من غير ترجعيلي
فتون بحزن وهروب
عادي..... يعني انت لما خطبت كنت رجعتلي
عبد الرحمن برفعة حاجب
امممم. افهم من كدة انك بترديهالي مثلا
فتون بتنهيدة حزن
ولا برضهالك ولا حاجة يا عبد الرحمن.... انا بس ماما اقنعتني ووافقت واهي جوازة وخلاص
عبد الرحمن وهو مثبت عنيه عليها
حتي لو قولتلك اني مش موافق يا فتون
فتون معرفتش ترد ووقتها ردت خيرية باستغراب
ليه بس كدة يا عبد الرحمن.... ما الشاب كويس وميتعيبش
عبد
يعني العريس ده احسن مني لبنتك يا خالتي
خيرية اتصدمت وفتون ردت بتهتهة
انت انت قولت ايه
عبد الرحمن بهيام
بقولك تتجوزيني يا فتون ولا هترفضيني تاني وتكسري قلبي تاني
قاطعته فتون وهي بتحط ايديها علي بوقه وقالتله بندم ودموع
صدقني انا مندمتش علي اي حاجة في حياتي قد ما ندمت اني جرحتك ولو رجع بيا الزمن كنت هختارك الف مرة يا عبد الرحمن... انا بجد اسفة
عبد الرحمن غمز ليها وملامحه كلها بقت مشرقة عكس ما كان وهو بعيد عنها
يعني موافقة مش كدة
فتون وضربات قلبها عليت
بس وفرح..... عبد الرحمن انا مش هقدر اجرحها... دي صحبتي واكيد هتفهم غلط وممكن تقول اني اخدتك منها و
فرح بابتسامة وهي واقفة عند الباب
فرح لو كانت تعرف الموضوع من الاول كان زماني انا اللي بقرب منكم يا فتون..... واصلا انا كان قلبي حاسس ولما عبد الرحمن كلمني وحكالي فهمت وقتها كل حاجة
فتون وابتسامتها بانت علي وشها وهي مش مصدقة وكأنها في حلم
يعني انتي بجد مش زعلانة
فرح بثقة وابتسامتها واسعة
كنت هزعل بجد لو كنت سبب انكم تبعدو عن بعض..... الف مبروك يا فتون
فتون بسعادة وهي بتبص لعبد الرحمن
عبد الرحمن انا مش مصدقة انك جمبي... انا كنت خلاص فقدت الامل ورضيت بعقاب ربنا ليا ببعدك عني
عبد الرحمن بعشق وهو بيبصلها
لا صدقي يا فتون لاني مبطلتش احبك لحظة واحدة من وقت ما كنا عيال ودلوقتي حبي ليكي ذاد اضعاف
فتون بابتسامة رقيقة
بحبك
عبد الرحمن بسعادة
وانا بعشقك يا قلب عبد الرحمن
تمت
