بنت خالتي المشوهة بقلم اسراء ابراهيم حصريآ علي موقع لمحة
مجنون و
عبد الرحمن قاطعها بحدة
اللي يرفع إيده على مراته يوم فرحه كمان ده مش مجنون ده ندل والندل لازم يبقاله حساب
وقف بعربيته قدام بيت حسام وفتون حست وقتها برجليها بتتهز بخوف
فتون بخوف
لا أنا مش نازلة بالله عليك ارجع.... عشان خاطري
عبد الرحمن بجدية وهو بينزل من العربية
انزلي يا فتون يلا
فتون بتنزل وهي مرعوبة وعبد الرحمن بيقولها بجدية
لو فكرتي ترجعي للانسان ده تاني.... افتكري إن ده اللي كنتي هتعيشي معاه وعمل فيكي كل ده فاهمة
فتون بحزن وندم
لا مستحيل افكر ارجعله صدقني
ابتسم عبد الرحمن بسخرية واخدها وطلعو شقة حسام اللي اول ما فتح الباب اتفاجئ بعبد الرحمن بيدله بالبوكس في وشه ووقتها شهقت فتون بصدمة
حسام بوجع وهو بيبتسم باستفزاز
طبعا ما انت البطل المغوار و جاي تاخد حقها مش كدة.... ماانت ما صدقت
فتون بترجع خطوة ودموعها بتنزل غصب عنها.
عبد الرحمن قرب منه وقاله بصوته اللي مليان غضب
قول آخر جملة دي تاني.
حسام ضحك وقال بتردد
ايه هتزعل ما انا عارفة انك كنت عاوزها وهي رفضتك و اختارتني.
عبد الرحمن ضربه بالبوكس خلاه يترمي على الأرض وفتون صرخت بخوف
لاااا عبد الرحمن خلاص كفايا ارجوك
عبد الرحمن بيزوم عليه وهو ماسكه من هدومه
إنت فاكر انك راجل بتضربها وتمشيها في انصاص الليالي... فاكر انها مالهاش حد مش كدة
حسام خاف من نبرة عبد الرحمن وحاول يفلت ايده
ابعد عني ده موضوعي أنا وهي... انت مالك اصلا
عبد الرحمن بقي يضربه كتير وهو بيتكلم
موضوعك انت اصلا مش راجل عشان يبقالك موضوع معاها.... احنا خلاص فضيناها
فتون بعياط وهي واقفة مكانها
بس كفاية.... كفاية بقي ارجوك
حسام بالم وهو بينهج
اسمع لو إنت فاكر إنك هتخوفني فانا
عبد الرحمن قاطعه ببوكس خلاه يسكت
أنا مش بخوفك أنا بعلم عليك وبعرفك ان فتون ليها رجالة لو فكرت بس تدوس علي طرفها صدقني هقتلك
حسام بخوف وهو بيبعد
طب حتي خاف لما تعرف الناس إنها اتطلقت ليلة دخلتها ووريني هتستخبوا فين من الفضيحة
فتون بتنهار
أنا مش فارق معايا الناس.... أنا اتبهدلت اتبهدلت بسببك وبسبب اني صدقت كدبك
حسام ضحك وهو بينزف
بكرة تيجو تترجوني عشان هي ترجع بيتي كام شهر تاني عشان كلام الناس
فتون بانهيار
انا لو بموت أنت آخر بني آدم في الدنيا هفكر ارجعله
عبد الرحمن وهو بيشاور بصباعه في وش حسام
لو شوفتك قريب منها حتى في الشارع وأنا بقسم على ده أنا همحيك.
حسام سكت تماما بخوفلانه عارف عبد الرحمن وشافه وهو ماسك ايد فتون وبياخدها ويمشو
فتون بصوت عالي وهي بتعيط بعد ما ركبت العربية
انا كنت همووت من الخضة إنت ليه عملت كده! ليه!
عبد الرحمن بحدو
علشان أجيبلك حقكانا لا يمكن كنت هسكت عن اللي عمله فيكي انتي فاهمة
فتون بضعف وحزن
بس كنت هتتأذى بسببي وهو ما يستاهلش إنك تمد إيدك عليه .
عبد الرحمن بجمود
مش مهم اي حاجة المهم ان حقك رجع وانك عرفتي انه ميستاهلكيش
فتون بتنهار أكتر
أنا أنا اتكسرت يا عبد الرحمن كل الناس هتتكلم عليا
عبد الرحمن بحدة وهو بيوقف العربية تاني
محدش يقدر يجيب سيرتك.... اومال انا لازمتي ايه.... متشيليش هم انتي
فتون بتردد وصوت واضح
إنت زعلان مني صح
عبد الرحمن من غير ما يبصلها
مش وقت الكلام ده يا فتون وبعدين انا هزعل منك ليه اصلا
فتون بحزن
لا انت زعلان وغضبان كمان ومتعصب مني وليك حق
عبد الرحمن بجمود وهو بيحاول ميتأثرش
غضبان أنا هتجنن من اللي عمله فيكي وغضبان اكتر لانك صدقتيه زمان وكنتي بتدافعي عنه.
فتون وهي بتمسح دموعها
عارفة اني كنت غبية
عبد الرحمن بتنهيدة
خلاص اللي حصل حصل.
فتون بحزن
طب وكلام الناس
عبد الرحمن وهو بيشد على الدركسيون
اللي يجيب سيرتك هوقف انا عند حده....وهقفله بنفسي.
فتون بخزلان وحزن
انا بس مش عاوزاك تدخل مشاكل بسببي.
عبد الرحمن بقصد وجمود
مشاكل هو أنا غريب أنا ابن خالتك و زي أخوكي. طبيعي أقف معاكي
الكلمة كانت زي خبطة خلتها تسكت وعينيها تنزل دمعتين من غير صوت.
بعد دقيقة طويلة قالتله بحزن
عبد الرحمن أنا آسفة اوي
عبد الرحمن بيرفع حاجبه
على إيه
فتون بندم ودموعها بتنزل
عشان ما سمعتش كلامك وعشان سمحت لواحد زي ده يدخل حياتي
عبد الرحمن وهو مركز في الطريق وصوته جامد
انسي وابدأي من جديد... الدنيا مش هتقف واكيد هتكملي
سكتت فتون وهي بتبص لعبد الرحمن ولاول مرة تحس فعلا انها حزينة وندمانة علي حاجة
.....................................
عدت سنة كانت فتون اتغيرت في كل حاجة... يمكن بقت احسن بفضل عبد الرحمن اللي كان في ضهرها وساندها وساعدها ترجع فتون القديمة بس كان كل ده بحدود كانت حاسة هي دايما انه بيعاملها بحدود غير الاول خالص وكانت عارفة ليه بس كفايا انه جمبها وحواليها
كانت بتقلب في الأكل وهي مبتسمة نص ابتسامة وشكلها
خيرية وهي تبص عليها
خلاص يا بنتي خلي السلطة عليا وروحي غيري هدومك قبل ما خالتك نوال تيجي هي وعبد الرحمن
فتون بحماس
يا أمي أنا عاوزة أخلص كل حاجة. وبعدين إنتي قولتي إنها جاية ومعاها عبد الرحمن صح
خيرية بترفع حاجبها بشك
أيوة ماهما هيتغدو معانا بقالهم كتير مجوش
فتون حاولت تخبي الفرحة اللي هربت في صوتها
طيب كويسيبقي زمانه جاي
خيرية بصتلها بنظرة أم فاهمة
إنتي شكلك مبسوطة إن ابن خالتك جاي مش كدة
فتون بتبلع ريقها وتبتسم ابتسامة خفيفة
لا يا أمي بس بقالنا كتير ما قعدناش كلنا يعني فطبيعي ابقي متحمسة انهم جايين
خيرية بقصد
آه بقالكم كتير فعلا.....اممم بس والله كتر خيره عبد الرحمن بعد الفترة اللي فاتت اللي كان واقف فيها جمبك.... راجل فعلا... ياريتنا كنا فكرنا كويس ومتسرعناش يا فتون
فتون بتبص في الأرض بحزن
عندك حق.... بس خلاص بقي.... ربنا يرزقه ببنت الحلال اللي تستاهله.... انا عارفة من معاملته ليه بحدود انه لسة شايل مني
خيرية بتنهيدة
اعذريه يا بنتي هو مكسور من جواه عشان إنتي رفضتيه زمان و
فتون بتقاطعها بسرعة
يا أمي خلاص بلاش نفتح في القديم. وانا عن نفسي مش حاطة امل متخافيش
قبل ما يكملوا جرس الباب رن وفتون قلبها دق وحاولت تتحكم في نفسها
احم.... أنا هروح هافتح
راحت فعلا تفتح واول ما فتحت الباب لقت خالتها نوال واقفة ولما هي شافتها وشها غير وفتون اتوترت لان معاملة خالتها من وقت ما رفضت عبد الرحمن زمان وهي متغيرة
فتون بابتسامة واسعة
يا أهلا ياخالتو نورتينا
نوال بترد بجفاء واضح
أهلا يا فتون
قالت كدة وعدت كإنها مش شايفاها كويس وفتون تتوتر وبصت لعبد الرحمن بسرعة وهي بتحاول تخبي ارتباكها
إزيك يا عبد الرحمن.
عبد الرحمن بيهز راسه باحترام صوته ثابت
الحمد لله. إزيك إنتي
فتون بخجل هادي
تمام الحمد لله. انا عملتلك الأكل اللي بتحبه.
عبد الرحمن رد بحدود
تسلمي.... شكله من ريحته حلوة.
فتون عينيها في عنيه وكانت شايفة ملامحه اللي فيها دفا زي عادته بس كمان غضب قديم محدش يعرف يفهمه غيرها
إنت عامل إيه في شغلك
عبد الرحمن بجدية
كويس. الشغل ماشي و حياتي ماشية وانتي
فتون بلعت ريقها بتوتر
وأنا لسه بدور على شغل.....بس قدمت في كام مكان وبإذن الله أتقبل.
عبد الرحمن بابتسامة مجاملة
ربنا يسهل وتتقبلي..... إنتي تستاهلي كل خير.
الجملة بسيطة بس جواها حاجات كتير.
وقبل ما فتون تقول حاجة خيرية
أهلا يا نوال ياختي نورتي
نوال بابتسامة
ازيك يا خيرية ها الأكل جاهز... احنا جعانين ولا انتي رجعتي في كلامك
خيرية بتضحك
جاهز طبعا من بدري..ده فتون حتي اللي عاملاه كله بايديها...... يلا بينا يا فتون نغرف يا حبيبتي
بصت نوال بضيق لعبد الرحمن اللي غمض عنيه ليها يستحسنها تحس معاملتها مع فتون بس نوال اتعمدت تتجاهله و تبص لفتون كل شوية بنظرة مش لطيفة وهما عالسفرة وفتون بتحاول تبان ثابتة.
نوال بقصد وهي بتبص لخيرية
مش هتباركي لعبد الرحمن يا خيرية
خيرية بتتفاجئ وتقول بابتسامة
خير يا عبده اترقيت ولا حاجة يا حبيبي
عبد الرحمن بص لامه بعتاب
ولا ترقيت ولا حاجة يا خالتو
نوال بقصد وهي بتبص لفتون
لا مش ترقية ده هيخطب
فتون بتتجمد مكانها و عينها بتوسع فجأة وهي بتبص لعبد الرحمن بسرعة ونفسها بيضيق.
خيرية بهدوء
هتخطب يا عبد الرحمن مبروك يا ابني... بس علطول كدة... محدش يعني قال حاجة ولا لمحتو
نوال بفرحة مقصودة
أيوة ماهو لسة يدوب فاتح معايا الموضوع من يومين
فتون بصوت واطي
إنت بجد هتخطب يا عبد الرحمن
عبد الرحمن بصلها وحرك راسه من غير ما يتكلم وبعدين صوته خرج ثابت وجامد
ايوة يا فتون هخطب.
فتون بتحاول تبتسم
مبروك.
عبد الرحمن وهو بيحرك راسه بهدوء
الله يبارك فيكي
نوال بقصد وهي بتقول بحماس
البنت اللي هيخطبها زميلته ومؤدبة ومن عيلة جميلة وهي زي القمر..... ماهو برضه ما يتعيبش ده عبد الرحمن يا خيرية.... الف بنت تتمناه.
فتون فهمت قصدها فورا وحاولت تخبي وجعها وخيرية بصت لبنتها بحزن ولاختها بعتاب فاتوترت نوال وسكتت
فتون بتقوم فجأة من غير صوت
أنا شبعت الحمد للههروح اعمل الشاي.
قالت كدة وسابتهم ومشيت علي المطبخ واول ما دخلت حطت إيديها علي وشها وصوت عياطها طلع مكتوم وبقت تكلم نفسها
وانتي إيه اللي كنتي فاكراه يا فتون إنه هيفضل مستنيكي ده حتى لو لسة بيحبك بعد ما انتي خذلتيه وكسرتيه مستحيل يفكر يرجعلك ...
...................................
بليل بعد ما نوال روحت مع عبد الرحمن كان واقف قدامها مضايق وبيكلمها بعتاب
عبد الرحمن بضيق
ليه كدة بس يا امي حرام عليكي...... انا منبه عليكي متتكلميش في ايه حاجة تخص الموضوع ده ولا حتي تعاملي فتون وحش ليه كدة صغرتيني
نوال بانفعال
لا مش حرام عليا..... مش هي اللي كسرت قلبك زمان تستاهل انها تتجرح وانا اتعمدت اعرفها انك الف واحدة تتمناك وانها بعد ما اطلقت
عبد الرحمن بنفاد صبر
انتي بتقولي ايه بس.... يعني انتي عادي بالنسبالك تجرحيها وهي بنت اختك طب حتي راعي شعور خالتو خيرية ما هي بنتها برضه
نوال
